അവസാനദിവസവും ഹനുമാനിൽ അഭയംതേടി ബി.ജെ.പി

ബം​ഗ​ളൂ​രു: ​16ാം നി​യ​മ​സ​ഭ തെ​ര​ഞ്ഞെ​ടു​പ്പി​നാ​യി ക​ർ​ണാ​ട​ക ഇ​ന്ന് പോ​ളി​ങ് ബൂ​ത്തി​ലേ​ക്ക് നീ​ങ്ങു​മ്പോ​ൾ അ​വ​സാ​ന​ദി​വ​സ​വും ഭ​ര​ണ​ക​ക്ഷി​യാ​യ ബി.​ജെ.​പി അ​ഭ​യം​തേ​ടി​യ​ത് ഹ​നു​മാ​നി​ൽ. നി​ശ്ശ​ബ്ദ​പ്ര​ചാ​ര​ണ ദി​വ​സ​മാ​യ ചൊ​വ്വാ​ഴ്ച വി​വി​ധ​യി​ട​ങ്ങ​ളി​​ൽ നേ​താ​ക്ക​ൾ പ​​ങ്കെ​ടു​ത്ത ഹ​നു​മാ​ൻ ചാ​ലി​സ പാ​ട​ൽ ച​ട​ങ്ങ് ന​ട​ത്തി.

മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മൈ ഹു​ബ്ബ​ള്ളി​യി​ലെ ഹ​നു​മാ​ൻ മ​ന്ദി​റി​ൽ പ്ര​വ​ർ​ത്ത​ക​ർ​ക്കൊ​പ്പം ചാ​ലി​സ പാ​ടി. തെ​ര​ഞ്ഞെ​ടു​പ്പ് സ​മി​തി ക​ൺ​വീ​ന​റും കേ​ന്ദ്ര​മ​ന്ത്രി​യു​മാ​യ ശോ​ഭ ക​ര​ന്ത്‍ല​ജെ ബം​ഗ​ളൂ​രു​വി​ലെ ഹ​നു​മാ​ൻ ക്ഷേ​ത്ര​ത്തി​ലെ​ത്തി. ഇ​തി​ന്റെ​യ​ട​ക്കം ദൃ​ശ്യ​ങ്ങ​ൾ സം​ഘ്പ​രി​വാ​ർ സ​മൂ​ഹ​മാ​ധ്യ​മ​ങ്ങ​ളി​ൽ വ്യാ​പ​ക​മാ​യി പ്ര​ച​രി​പ്പി​ച്ചു.

വി​ശ്വ​ഹി​ന്ദ് പ​രി​ഷ​ത്തും ബ​ജ്റം​ഗ് ദ​ളും വി​വി​ധ​യി​ട​ങ്ങ​ളി​ൽ ഹ​നു​മാ​ൻ ചാ​ലി​സ ന​ട​ത്തി. ജ​ന​കീ​യ പ്ര​ശ്ന​ങ്ങ​ള​ല്ല, ഹി​ജാ​ബ് പോ​ലു​ള്ള വി​ഷ​യ​ങ്ങ​ളാ​ണ് പ്ര​ചാ​ര​ണ​ത്തി​ന് ഉ​പ​യോ​ഗി​ക്കേ​ണ്ട​തെ​ന്നാ​ണ് ബി.​ജെ.​പി സം​സ്ഥാ​ന അ​ധ്യ​ക്ഷ​ൻ ന​ളി​ൻ കു​മാ​ർ ക​ട്ടീ​ൽ തെ​ര​ഞ്ഞെ​ടു​പ്പ് പ്ര​ഖ്യാ​പ​ന​ത്തി​നു മു​മ്പു​ത​ന്നെ പ​റ​ഞ്ഞ​ത്.

ഭ​ര​ണ​വി​രു​ദ്ധ വി​കാ​രം മ​റ​യ്ക്കാ​ൻ ഹി​ന്ദു​ത്വ​യാ​ണ് ആ​ദ്യാ​വ​സാ​നം പ്ര​ചാ​ര​ണ​ത്തി​നാ​യി ഉ​പ​യോ​ഗി​ച്ച​ത്. ബ​ജ്റം​ഗ് ദ​ൾ പോ​ലു​ള്ള തീ​വ്ര​സം​ഘ​ട​ന​ക​ൾ​​ക്കെ​തി​രെ ന​ട​പ​ടി​യെ​ടു​ക്കു​മെ​ന്ന കോ​ൺ​ഗ്ര​സ് പ്ര​ക​ട​ന​പ​ത്രി​ക​യി​ലെ പ​രാ​മ​ർ​ശ​ത്തി​ൽ തൂ​ങ്ങി​യാ​യി​രു​ന്നു പി​ന്നീ​ടു​ള്ള പ്ര​ചാ​ര​ണം.

പ്ര​ധാ​ന​മ​ന്ത്രി മോ​ദി​യ​ട​ക്കം ന​ട​ത്തി​യ റോ​ഡു​ഷോ​യി​ലും പ​രി​പാ​ടി​ക​ളി​ലും ഹ​നു​മാ​ൻ മു​ഖം​മൂ​ടി അ​ണി​ഞ്ഞ​വ​രും വേ​ഷം കെ​ട്ടി​യ​വ​രു​മാ​യി​രു​ന്നു ഏ​റെ​യും. ജ​യ് ഹ​നു​മാ​ൻ വി​ളി​ക​ളും ഉ​യ​ർ​ന്നു. വ​ർ​ഷ​ങ്ങ​ൾ​ക്കു മു​മ്പ് കാ​സ​ർ​കോ​ട് സ്വ​ദേ​ശി വ​ര​ച്ച ‘കോ​പാ​കു​ല​നാ​യ ഹ​നു​മാ​ൻ’ ചി​ത്ര​ങ്ങ​ളും കൊ​ടി​ക​ളു​മാ​ണ് ക​ർ​ണാ​ട​ക​യി​ലു​ട​നീ​ളം ഉ​പ​യോ​ഗി​ച്ച​ത്.

ഹ​നു​മാ​ന്റെ ചി​ര​പ​രി​ചി​ത​മാ​യ സാ​ധാ​ര​ണ​ഭാ​വം ബോ​ധ​പൂ​ർ​വം മാ​റ്റു​ക​യാ​യി​രു​ന്നു സം​ഘ്പ​രി​വാ​ർ. ടി​പ്പു​വി​ന്റെ​യും ശി​വ​ജി​യു​​ടെ​യും അ​നു​യാ​യി​ക​ൾ ത​മ്മി​ലു​ള്ള മ​ത്സ​ര​മാ​ണ് ന​ട​ക്കു​ന്ന​തെ​ന്ന് പ്ര​ച​രി​പ്പി​ച്ച ബി.​ജെ.​പി അ​വ​സാ​ന നാ​ളു​ക​ളി​ൽ ടി​പ്പു​വി​ന്റെ അ​നു​യാ​യി​ക​ളും ഹ​നു​മാ​ന്റെ അ​നു​യാ​യി​ക​ളും ത​മ്മി​ലാ​ണ് മ​ത്സ​ര​മെ​ന്ന് മാ​റ്റി.

ബി.​ജെ.​പി ഭ​ര​ണ​ത്തി​ൽ ന​ശി​ച്ച ഹ​നു​മാ​ൻ ക്ഷേ​ത്ര​ങ്ങ​ളു​ടെ ക​ണ​ക്കു​ക​ൾ പു​റ​ത്തു​വി​ട്ടാ​ണ് കോ​ൺ​ഗ്ര​സ് പ്ര​തി​രോ​ധം തീ​ർ​ത്ത​ത്. കോ​ൺ​ഗ്ര​സ് സം​സ്ഥാ​ന അ​ധ്യ​ക്ഷ​ൻ ഡി.​കെ. ശി​വ​കു​മാ​ർ ചൊ​വ്വാ​ഴ്ച കെ.​ആ​ർ. മാ​ർ​ക്ക​റ്റി​​​ലെ ഹ​നു​മാ​ൻ ക്ഷേ​ത്ര​ത്തി​ലെ​ത്തി​യി​രു​ന്നു. ത​ന്നെ കോ​ൺ​ഗ്ര​സ് ആ​ക്ഷേ​പി​ച്ച​തി​ന്റെ ക​ണ​ക്കു​ക​ളും ദേ​ശീ​യ​ത​യു​മാ​ണ് മോ​ദി വ്യാ​പ​ക​മാ​യി ഉ​ന്ന​യി​ച്ച​ത്. എ​ന്നാ​ൽ പ്ര​ധാ​ന​മ​ന്ത്രി​ക്കെ​തി​രാ​യ പ​രാ​മ​ർ​ശ​ങ്ങ​ള​ല്ല, ജ​ന​കീ​യ​പ്ര​ശ്ന​ങ്ങ​ളാ​ണ് തെ​ര​ഞ്ഞെ​ടു​പ്പി​ലെ വി​ഷ​യ​ങ്ങ​ളെ​ന്ന് രാ​ഹു​ൽ ഗാ​ന്ധി​യും പ്രി​യ​ങ്ക​യും തി​രി​ച്ച​ടി​ച്ചു.