കൂ​ടു​ത​ൽ ക​രുനീ​ക്കം

ന്യൂ​ഡ​ൽ​ഹി: മ​ഹാ​രാ​ഷ്ട്ര​യി​ലെ അ​ട്ടി​മ​റി​ക്കു പി​ന്നാ​ലെ പ്ര​തി​പ​ക്ഷ ഐ​ക്യ​ശ്ര​മം നേ​രി​ടാ​ൻ ബി.​ജെ.​പി കൂ​ടു​ത​ൽ ബ​ദ​ൽ ക​രു​നീ​ക്ക​ങ്ങ​ളി​ൽ. കൂ​ടു​ത​ൽ പേ​രെ ഉ​ൾ​ക്കൊ​ള്ളി​ച്ച്​ കേ​ന്ദ്ര​മ​ന്ത്രി​സ​ഭ വൈ​കാ​തെ പു​നഃ​സം​ഘ​ടി​പ്പി​ക്കും. പ്ര​തി​പ​ക്ഷ ഐ​ക്യ​ശ്ര​മ​ങ്ങ​ൾ​ക്ക്​ ചു​ക്കാ​ൻ പി​ടി​ക്കു​ന്ന​വ​രി​ൽ ഒ​രാ​ളാ​യ ബി​ഹാ​ർ മു​ഖ്യ​മ​ന്ത്രി നി​തീ​ഷ്​ കു​മാ​റി​ന്‍റെ ജ​ന​ത​ദ​ൾ-​യു​വി​നെ കാ​ത്തി​രി​ക്കു​ന്ന​ത്​ എ​ൻ.​സി.​പി​യു​ടെ അ​തേ ഗ​തി​യാ​ണെ​ന്ന മു​തി​ർ​ന്ന ബി.​ജെ.​പി നേ​താ​വ്​ സു​ശീ​ൽ മോ​ദി​യു​ടെ പ്ര​ഖ്യാ​പ​ന​മാ​ക​ട്ടെ, പി​ന്നാ​മ്പു​റ ശ്ര​മ​ങ്ങ​ളു​ടെ പു​തി​യ സൂ​ച​ന​യാ​യി.

മ​ഹാ​രാ​ഷ്ട്ര​യി​ലെ അ​ട്ടി​മ​റി സൃ​ഷ്ടി​ച്ച അ​മ്പ​ര​പ്പി​നി​ട​യി​ലും പ​ത​റി​ല്ലെ​ന്ന പ്ര​ഖ്യാ​പ​ന​ത്തോ​ടെ​യാ​ണ്​ പ്ര​തി​പ​ക്ഷ നേ​താ​ക്ക​ൾ ബി.​ജെ.​പി​യെ നേ​രി​ട്ട​ത്. ര​ണ്ടാ​മ​ത്തെ പ്ര​തി​പ​ക്ഷ ഐ​ക്യ​സ​മ്മേ​ള​നം ബം​ഗ​ളൂ​രു​വി​ൽ 17, 18 തീ​യ​തി​ക​ളി​ൽ ന​ട​ത്തു​മെ​ന്ന്​ കോ​ൺ​ഗ്ര​സ്​ വ്യ​ക്ത​മാ​ക്കി. മ​ഹാ​രാ​ഷ്​​​​ട്ര​യി​ൽ ന​ട​ന്ന​ത്​ പ്ര​തി​പ​ക്ഷ​ത്തി​ന്‍റെ ഐ​ക്യ​ശ്ര​മം ദൃ​ഢ​പ്പെ​ടു​ത്താ​നാ​ണ്​ സ​ഹാ​യി​ച്ച​തെ​ന്ന്​ കോ​ൺ​ഗ്ര​സ്, തൃ​ണ​മൂ​ൽ കോ​ൺ​ഗ്ര​സ്, പി.​ഡി.​പി നേ​താ​ക്ക​ൾ പ​റ​ഞ്ഞു. ഇ​തി​നി​ടെ, സ​മാ​ജ്​​വാ​ദി പാ​ർ​ട്ടി നേ​താ​വ്​ അ​ഖി​ലേ​ഷ്​ യാ​ദ​വ്, ടി.​ആ​ർ.​എ​സ്​ നേ​താ​വ്​ ച​ന്ദ്ര​ശേ​ഖ​ര റാ​വു എ​ന്നി​വ​ർ ഐ​ക്യ​നീ​ക്ക​ങ്ങ​ളു​ടെ ഭാ​ഗ​മാ​യി കൂ​ടി​ക്കാ​ഴ്ച ന​ട​ത്തി.

മ​ഹാ​രാ​ഷ്ട്ര​യി​ലെ അ​ഘാ​ഡി സ​ഖ്യം ലോ​ക്സ​ഭ തെ​ര​ഞ്ഞെ​ടു​പ്പി​ലെ പ്ര​തി​പ​ക്ഷ മു​ന്നേ​റ്റ​ത്തി​ൽ വ​ലി​യ സം​ഭാ​വ​ന ന​ൽ​കു​മെ​ന്ന ക​ണ​ക്കു​കൂ​ട്ട​ലു​ക​ൾ​ക്കി​ട​യി​ലാ​ണ്​ അ​ജി​ത് ​പ​വാ​റി​ന്‍റെ നേ​തൃ​ത്വ​ത്തി​ൽ അ​ട്ടി​മ​റി ന​ട​ന്ന​ത്. പ​വാ​റി​ന്‍റെ വി​ശ്വ​സ്ത​നാ​യി​രു​ന്ന വ​ർ​ക്കി​ങ്​ പ്ര​സി​ഡ​ന്‍റ്​ പ്ര​ഫു​ൽ പ​ട്ടേ​ലി​നെ പു​നഃ​സം​ഘ​ട​ന​യി​ൽ കേ​ന്ദ്ര​മ​ന്ത്രി​സ​ഭ​യി​ൽ ഉ​ൾ​പ്പെ​ടു​ത്തി​യേ​ക്കും. ശി​വ​സേ​ന ഷി​ൻ​ഡെ വി​ഭാ​ഗം പ്ര​തി​നി​ധി​യും മ​ന്ത്രി​സ​ഭ​യി​ൽ എ​ത്തും.

ഇ​തി​നു പു​റ​മെ, വി​വി​ധ സം​സ്ഥാ​ന​ങ്ങ​ൾ​ക്ക്​ മ​ന്ത്രി​സ​ഭ​യി​ൽ കൂ​ടു​ത​ൽ പ​രി​ഗ​ണ​ന ന​ൽ​കി വോ​ട്ടു​റ​പ്പി​ക്കാ​നാ​ണ്​ മോ​ദി-​അ​മി​ത്​ ഷാ​മാ​രു​ടെ ക​രു​നീ​ക്കം. 20ന്​ ​പാ​ർ​ല​മെ​ന്‍റ്​ സ​മ്മേ​ള​നം ന​ട​ക്കാ​നി​രി​ക്കേ, പു​നഃ​സം​ഘ​ട​ന അ​തി​നു മു​മ്പു​ത​ന്നെ ന​ട​ത്തു​മെ​ന്നാ​ണ്​ വി​വ​രം.

മ​ഹാ​രാ​ഷ്ട്ര​ക്കൊ​പ്പം ബി​ഹാ​ർ, യു.​പി എ​ന്നി​വി​ട​ങ്ങ​ളി​ൽ പ്ര​മു​ഖ പ്ര​തി​പ​ക്ഷ പാ​ർ​ട്ടി​ക​ളി​ൽ വി​ള്ള​ൽ സൃ​ഷ്ടി​ക്കാ​ൻ ​ശ്ര​മി​ക്കു​ന്ന​തി​ന്‍റെ സൂ​ച​ന ബി.​ജെ.​പി നേ​താ​ക്ക​ൾ​ത​ന്നെ ന​ൽ​കി​യ​ത്​ ശ്ര​ദ്ധേ​യ​മാ​യി. ബി​ഹാ​ർ ഉ​പ​മു​ഖ്യ​മ​ന്ത്രി​യും ആ​ർ.​ജെ.​ഡി നേ​താ​വു​മാ​യ തേ​ജ​സ്വി യാ​ദ​വി​നെ തൊ​ഴി​ൽ​ത​ട്ടി​പ്പു കേ​സി​ന്‍റെ കു​റ്റ​പ​ത്ര​ത്തി​ൽ സി.​ബി.​ഐ ഉ​ൾ​പ്പെ​ടു​ത്തി​യ​ത്​ ഇ​തി​നു പി​ന്നാ​ലെ​യാ​ണ്. അ​തേ​സ​മ​യം, പ്ര​തി​പ​ക്ഷ​നി​ര​യി​ൽ ബി.​ജെ.​പി​ക്കെ​തി​രാ​യ യോ​ജി​ച്ച പ്ര​തി​പ​ക്ഷ നീ​ക്കം ബി.​ജെ.​പി​യി​ൽ ഉ​ണ്ടാ​യ അ​ങ്ക​ലാ​പ്പി​ന്‍റെ പ്ര​തി​ഫ​ല​നം കൂ​ടി​യാ​യി ഇ​തി​നെ വി​ല​യി​രു​ത്തു​ക​യാ​ണ്​ വി​വി​ധ പ്ര​തി​പ​ക്ഷ നേ​താ​ക്ക​ൾ.

ജാ​തി സെ​ൻ​സ​സി​ന്​ ത​യാ​റാ​കാ​ത്ത ബി.​ജെ.​പി​യെ തു​റ​ന്നു​കാ​ട്ടി പ്ര​തി​പ​ക്ഷം ആ​​ക്ര​മ​ണ​ത്തി​ന്​ മൂ​ർ​ച്ച​കൂ​ട്ടി​യ​പ്പോ​ൾ ഏ​ക സി​വി​ൽ കോ​ഡ്​ ശ്ര​മ​ങ്ങ​ൾ​ക്ക്​ വേ​ഗം കൂ​ട്ടി പ്ര​തി​പ​ക്ഷ പാ​ർ​ട്ടി​ക​ൾ​ക്കി​ട​യി​ൽ ഇ​ക്കാ​ര്യ​ത്തി​ലു​ള്ള വ്യ​ത്യ​സ്താ​ഭി​പ്രാ​യം ഭി​ന്ന​ത​യാ​ക്കി വ​ള​ർ​ത്താ​ൻ ബി.​ജെ.​പി ശ്ര​മി​ക്കു​ന്ന​താ​യും പ്ര​തി​പ​ക്ഷം വി​ല​യി​രു​ത്തു​ന്നു.