ബംഗാളിൽ ആഡംബര ഹോട്ടലുകൾ ബുക്ക്​ ചെയ്​ത്​ ബി.ജെ.പി; തെരഞ്ഞെടുപ്പ്​ കമീഷൻ കണക്ക്​ വെച്ചോളൂവെന്ന്​ എതിരാളികൾ

​െകാൽക്കത്ത: വരുന്ന നിയമസഭ തെരഞ്ഞെടുപ്പിൽ ബംഗാളിലെ അധികാരം പിടിച്ചെടുക്കാൻ കച്ചകെട്ടിയിറങ്ങിയ ബി.ജെ.പിയുടെ പ്രചരണകോലാഹലങ്ങളിലെ പണ​ക്കൊഴുപ്പ്​ കണ്ട്​ മൂക്കത്ത്​ വിരൽവെക്കുകയാണ്​ എതിരാളികൾ. ഭാരത്​ ബെൻസിന്‍റെ 'രഥ'ത്തിൽ പ്രചരണം തുടങ്ങിയ ബി.ജെ.പി, പ്രവർത്തനങ്ങൾ ഏകോപിപ്പിക്കാൻ സംസ്​ഥാനത്തെ ​ൈഫവ്​ സ്റ്റാർ ഹോട്ടലുകളാണ്​ ബുക്ക്​ ചെയ്​തിട്ടുള്ളത്​. ബി.ജെ.പിയുടെ മീഡിയ സെന്‍റർ പ്രവർത്തിക്കുന്നത്​ ഹോട്ടൽ ഹിന്ദുസ്​ഥാൻ ഇന്‍റർനാഷനലിലാണ്​.

പ്രചാരണം ആസൂത്രണം ചെയ്യാനും നിയ​ന്ത്രിക്കാനും രാജ്യത്തിന്‍റെ വിവിധ ഭാഗങ്ങളിൽ നിന്നെത്തുന്ന നേതാക്കൻമാർക്ക്​ തങ്ങാനുമെല്ലാമുള്ള സൗകര്യങ്ങൾ ആഡംബര ഹോട്ടലുകളിലാണ്​ ബി.ജെ.പി ഒരുക്കിയിട്ടുള്ളത്​. ഫൈവ്​ സ്റ്റാർ ഹോട്ടലുകൾ ദീർഘകാലത്തേക്ക്​ ബുക്ക്​ ചെയ്​തിട്ടുണ്ടെന്ന്​ ബി.ജെ.പി നേതാക്കളെ ഉദ്ധരിച്ച്​ ദ ടെലഗ്രാഫ്​ അടക്കമുള്ള മാധ്യമങ്ങൾ റിപ്പോർട്ട്​ ചെയ്യുന്നു.

ബി.ജെ.പിയുടെ ബംഗാളിലെ ഒാഫീസ്​ നവീകരിച്ചതിന്​ പുറമെയാണ്​ ഹോട്ടലുകൾ കൂട്ടത്തോടെ ബുക്ക്​ ചെയ്​തിട്ടുള്ളത്​. ബി.ജെ.പിയുടെ സാമൂഹിക മാധ്യമ വിഭാഗവും ഐ.ടി സെല്ലും പ്രത്യകം സജീകരിച്ച കെട്ടിടത്തിലാണ്​ പ്രവർത്തിക്കുന്നത്​. നാലുനിലകളിലായി പ്രവർത്തിക്കുന്ന ഈ കേന്ദ്രത്തിലേക്ക്​ മാധ്യമപ്രവർത്തകർ അടക്കമുള്ളവർക്ക്​ പ്രവേശനം നൽകുന്നില്ല. ആഡംബര ഹോട്ടലിൽ സജീകരിച്ച മീഡിയ സെന്‍ററിലൂടെയാണ്​ മാധ്യമങ്ങളുമായി ബന്ധപ്പെടുന്നത്​. സാമൂഹിക മാധ്യമ വിഭാഗം പ്രവർത്തിക്കുന്ന കെട്ടിടത്തിലേക്ക്​ ദിവസവും 250 ഉൗൺ വിതരണം ചെയ്യുന്നുണ്ടെന്നാണ്​ കൊൽക്കത്തയിൽ നിന്നുള്ള മാധ്യമങ്ങൾ റിപ്പോർട്ട്​ ചെയ്യുന്നത്​.

അതേസമയം, ആഡംബര ഹോട്ടലുകൾ കേന്ദ്രീകരിച്ചുള്ള പ്രചരണ മാനേജ്​മെന്‍റ്​ ബംഗാളിന്​ പരിചയമില്ലാത്ത നടപടിയാണ്​. ബി.ജെ.പി ധനികരുടെ പാർട്ടി മാത്രമാണെന്ന്​ തെളിയിക്കുന്നതാണ്​​ അവരുടെ പ്രചരണ പരിപാടിയെന്ന്​ തൃണമൂൽ കോൺഗ്രസ്​ പറയുന്നു. തെരഞ്ഞെടുപ്പ്​ ചിലവുകളിൽ ഹോട്ടൽ വാടകയടക്കമുള്ള ഉൾപ്പെടു​ന്നുണ്ടോയെന്ന്​ കമീഷൻ പരിശോധിക്കണമെന്നും തൃണമൂൽ കോൺഗ്രസ്​ ആവശ്യപ്പെടുന്നുണ്ട്​.

ഇത്രയധികം പണമൊഴുക്കാനുള്ള ഉറവിടം ഏതാണെന്ന്​ വ്യക്​തമാക്കണമെന്നും മറ്റു രാഷ്​ട്രീയ പാർട്ടികൾ ബി.ജെ.പിയോട്​ ആവശ്യപ്പെടുന്നുണ്ട്​.

ഹോട്ടലുകൾ കേന്ദ്രീകരിച്ചുള്ള പ്രചരണ പരിപാടി ബി​.ജെ.പിക്ക്​ പുതുമയുള്ളതല്ലെങ്കിലും ബംഗാളിന്​ ഇത്​ പരിചയമുള്ളതല്ല. ബിഹാർ തെരഞ്ഞെടുപ്പ്​ കാലത്തും പാറ്റ്​നയിലും സമീപത്തും ആഡംബര ഹോട്ടലുകൾ ബി.ജെ.പി ബുക്ക്​ ചെയ്​തിരുന്നു. അതേസമയം, ബംഗാളിന്‍റെ തെരഞ്ഞെടുപ്പ്​ അനുഭവങ്ങളിൽ പരിചയമില്ലാത്ത നടപടികൾ ബി.ജെ.പിക്ക്​ ഗുണമാകുമോ ദോഷമാകുമോ എന്ന്​ കാത്തിരുന്ന്​ കാണണം.