'ബംഗാളിൽ ബി.ജെ.പി സർക്കാർ വരും, സംസ്​ഥാനത്ത്​ ഇപ്പോൾ ഗുണ്ടാരാജ്​' -കേന്ദ്രമന്ത്രി

ന്യൂഡൽഹി: പശ്ചിമ ബംഗാളിൽ ബി.ജെ.പി അടുത്ത സർക്കാർ രൂപീകരിക്കുമെന്ന്​ കേന്ദ്രമന്ത്രിയും റിപ്പപ്ലിക്കൻ പാർട്ടി അധ്യക്ഷനുമായ രാംദാസ്​ അത്തേവാലെ. തൃണമൂൽ കോൺഗ്രസിനെ ശക്തമായി വിമർശിച്ച അദ്ദേഹം, പശ്ചിമ ബംഗാളിൽ ബി.ജെ.പി ദേശീയ അധ്യക്ഷൻ​ ജെ.പി. നഡ്ഡയെ ആക്രമിച്ചതിലൂടെ സംസ്​ഥാനത്ത്​ ഗുണ്ടാ രാജാണ്​ നടക്കുന്നതന്ന്​ തെളിഞ്ഞതായും അത്തേവാലെ പറഞ്ഞു.

സംസ്​ഥാനം ഉടൻ വലിയ മാറ്റത്തിന്​ വേദിയാകും. അടുത്ത തെരഞ്ഞെടുപ്പിൽ ബി.ജെ.പി അധികാരത്തിലെത്തും.

കേന്ദ്രമന്ത്രി അമിത്​ ഷായുടെ രണ്ടുദിവസത്തെ ബംഗാൾ സന്ദർശനം വളരെ പ്രധാനമാണ്​. ബംഗാൾ രാഷ്​ട്രീയം ഉടൻ മാറും. നിരവധി തൃണമൂൽ നേതാക്കൾ അമിത്​ ഷായുടെ സ​ന്ദർശനത്തോടെ ബി.ജെ.പിയിൽ ചേർന്നു. മമത ബാനർജിയുടെ നേതൃത്വം മാറണമെന്നാണ്​ സംസ്​ഥാനം ആഗ്രഹിക്കുന്നതെന്നും ​അത്തേവാലെ പറഞ്ഞു.

റിപ്പബ്ലിക്കൻ പാർട്ടിയും ബംഗാളിൽ വ്യക്തമായ സാന്നിധ്യമാകും. നാലുമുതൽ അഞ്ചുവരെ സീറ്റുകൾ നേടുമെന്നും അദ്ദേഹം പറഞ്ഞു.