െ​കാൽക്കത്തയിലെ ‘ഗോലി മാരോ’ മുദ്രാവാക്യം; മൂന്ന്​ ബി.ജെ.പി പ്രവർത്തകർ അറസ്​റ്റിൽ

കൊൽക്കത്ത: കൊൽക്കത്തയിൽ കേന്ദ്ര ആഭ്യന്തര മന്ത്രി അമിത് ഷാ പങ്കെടുത്ത റാലിക്കിടെ ‘ഗോലി മാരോ സാലോം കോ’ (അവരെ വെടിവെച്ചു കൊല്ലൂ) വിദ്വേഷ മുദ്രാവാക്യം മുഴക്കിയ സംഭവത്തിൽ മൂന്ന്​ ബി.ജെ.പി പ്രവർത്തകർ അറസ്​റ്റിൽ. ​സുരേന്ദ്ര കുമാർ തിവാരി, ദ്രുബ ബസു, പങ്കജ്​ പ്രസാദ്​ എന്നിവരാണ്​ അറസ്​റ്റിലായത്​. ഞായറാഴ്​ചയാണ്​ ന്യൂ മാർക്കറ്റ്​ പൊലീസ്​ ഇവർക്കെതിരെ കേസെടുത്തത്​.

പരിപാടി നടന്ന കൊൽക്കത്ത ഷാഹിദ് മിനാർ മൈതാനത്തേക്ക്​ ബി.ജെ.പി പതാകയുമായി എത്തിയാണ്​ ഡൽഹിയിൽ കലാപത്തിന്​ വഴിമരുന്നിട്ട ‘ഗോലി മാരോ’ വിദ്വേഷ മുദ്രാവാക്യം വിളിച്ചത്​. പൊലീസ്​ സാന്നിധ്യത്തിലായിരുന്നു​ ഇവരുടെ ആക്രോശം.

ഇതിൻെറ വിഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്​. സി.പി.എം പോളിറ്റ്​ബ്യൂറോ അംഗം മുഹമ്മദ്​ സലിം ഉൾപ്പെടെയുള്ളവർ ട്വിറ്ററിൽ വിഡിയോ പങ്കുവെച്ചിരുന്നു​. കലാപത്തിന്​ മമത നേതൃത്വം നൽകുന്നുവെന്നതടക്കമുള്ള രൂക്ഷമായ ആരോപണങ്ങൾ റാലിയിൽ അമിത് ഷാ ഉന്നയിച്ചിരുന്നു.

All it took was one visit of Amit Shah to spread the "Goli Maaro Saalon Ko" slogan in Kolkata.

The followers of Godse might be impressed with "Goli" but Bengal is the land of Vivekananda, Kazi Nazrul Islam and Tagore. #GoBackAmitShah pic.twitter.com/x5n1RZSSEz

— Md Salim (@salimdotcomrade) March 1, 2020