ഇത് ബി.ജെ.പി‍യുടെ നീതിയോ? നിയമവിദ്യാർഥിനിയുടെ അറസ്റ്റിനെതിരെ പ്രിയങ്ക ഗാന്ധി

ന്യൂഡൽഹി: ബി.​ജെ.​പി നേ​താ​വും മു​ൻ കേ​ന്ദ്ര​മ​ന്ത്രി​യു​മാ​യ സ്വാ​മി ചി​ന്മ​യാ​ന​ന്ദി​നെ​തി​രെ ബ​ലാ​ത്സം ​ഗ പ​രാ​തി ന​ൽ​കി​യ നിയമവിദ്യാർഥിനിയെ അ​റ​സ്​​റ്റ്​ ചെ​യ്​​ത്​ ജ​യി​ലി​ല​ടച്ചതിനെതിരെ എ.ഐ.സി.സി ജനറൽ സെക്രട് ടറി പ്രിയങ്ക ഗാന്ധി. ചിന്മയാനന്ദിനെ അറസ്റ്റ് ചെയ്യുന്നത് പൊലീസ് മനപൂർവം വൈകിപ്പിക്കുകയായിരുന്നെന്നും ശക്തമ ായ പ്രതിഷേധം ഉയർന്നപ്പോൾ മാത്രമാണ് നടപടിക്ക് തയാറായതെന്നും പ്രിയങ്ക ട്വീറ്റിൽ പറഞ്ഞു.

ചിന്മയാനന്ദിനെതിരെ ബലാത്സംഗക്കുറ്റം ചുമത്തിയിട്ടില്ല. ഇത് ബി.ജെ.പിയുടെ നീതിയാണോ ? പ്രിയങ്ക ചോദിച്ചു.

ഷാജഹാൻപൂരിലെ പെൺകുട്ടിയുടെ കേസ് ഉന്നാവോ കേസിന് സമാനമാണ്. ഉന്നാവോ ഇരയായ പെൺകുട്ടിയുടെ പിതാവ് കൊല്ലപ്പെട്ടു. അമ്മാവനെ അറസ്റ്റ് ചെയ്തു. വലിയ പ്രതിഷേധത്തെ തുടർന്നാണ് ബി.ജെ.പി എം.എൽ.എയായിരുന്ന പ്രതി കുൽദീവ് സിങ് സെങ്കാറിനെ 13 മാസത്തിന് ശേഷം അറസ്റ്റ് ചെയ്യാൻ തയാറായത്. ഇരയെയും കുടുംബത്തെയും ഇല്ലാതാക്കാനുള്ള ശ്രമം നടന്നു.

ഷാജഹാൻപൂർ കേസിലും അത് തന്നെയാണ് സംഭവിക്കുന്നത്. ഇരയായ പെൺകുട്ടി അറസ്റ്റിലാണ്. കുടുംബത്തെ ഭീഷണിപ്പെടുത്തുകയാണ് -പ്രിയങ്ക പറഞ്ഞു.

ഭീ​ഷ​ണി​പ്പെ​ടു​ത്തി പ​ണം ത​ട്ടാ​ൻ ശ്ര​മി​ച്ചെ​ന്ന കു​റ്റം ചു​മ​ത്തി​യാ​ണ്​ നി​യ​മ വി​ദ്യാ​ർ​ഥി​നി കൂ​ടി​യാ​യ യു​​വ​തി​യെ ഉ​ത്ത​ർ​പ്ര​ദേ​ശ്​ പൊ​ലീ​സി​​​െൻറ പ്ര​ത്യേ​ക അ​ന്വേ​ഷ​ണ സം​ഘം അ​റ​സ്​​റ്റ്​ ചെ​യ്​​ത​ത്. അ​റ​സ്​​റ്റി​ൽ​നി​ന്ന്​ സം​ര​ക്ഷ​ണം തേ​ടി ന​ൽ​കി​യ ഹ​ര​ജി കോ​ട​തി പ​രി​ഗ​ണ​ന​ക്കെ​ടു​ക്കു​ന്ന​തി​ന്​ ഒ​രു ദി​വ​സം മു​മ്പാണ്​​ വ​ൻ പൊ​ലീ​സ്​ സ​​ന്നാ​ഹ​വു​മാ​യി പെ​ൺ​കു​ട്ടി​യു​ടെ വീ​ട്ടി​ലെ​ത്തി അ​റ​സ്​​റ്റ്​ ചെയ്തത്.

പെൺകുട്ടി അ​ഞ്ചു​കോ​ടി രൂ​പ ചി​ന്മ​യാ​ന​ന്ദി​ൽ​നി​ന്ന്​ ആ​വ​ശ്യ​പ്പെ​ട്ടി​ട്ടു​ണ്ടെ​ന്ന​തി​ന്​ മ​തി​യാ​യ തെ​ളി​വു​​ക​ളു​ണ്ടെന്നാണ് പൊലീസ് വാദം.