ഇസ്രായേലിലെ ഇന്ത്യൻ എംബസിയും ജറൂസലമിലേക്ക്​ മാറ്റണമെന്ന്​ സുബ്രഹ്മണ്യൻ സ്വാമി

ന്യൂഡൽഹി: ജറൂസലം ഇസ്രായേലി​​​െൻറ തലസ്ഥാനമായി യു.എസ് പ്രസിഡൻറ്​ ഡോണള്‍ഡ് ട്രംപ് പ്രഖ്യാപിച്ച സാഹചര്യത്തിൽ ഇന്ത്യൻ എംബസിയും അവിടേക്ക്​ മാറ്റണമെന്ന്​  ബി.ജെ.പി എം.പി സുബ്രഹ്മണ്യന്‍ സ്വാമി. രാജ്യാന്തര തലത്തിൽ ഇസ്രയേലി​​​െൻറ ഭരണകേന്ദ്രമായി ജറൂസലമി​നെ പ്രഖ്യാപിക്ക​ു​േമ്പാൾ അതി​​​െൻറ ഭാഗമായി ഇന്ത്യയും എംബസി മാറ്റണം- സുബ്രഹ്മണ്യൻ സ്വാമി ട്വിറ്ററിലൂടെ ആവശ്യപ്പെട്ടു. 

ഇ​സ്രായേല്‍ തലസ്ഥാനമായ തെൽഅവീവിലാണ്​ ഇന്ത്യന്‍ എംബസിയും സ്ഥിതി ചെയ്യുന്നത്. കഴിഞ്ഞദിവസമാണ് ജ​റൂ​സ​ലം ന​ഗ​ര​ത്തെ ഇ​സ്രാ​യേ​ൽ ത​ല​സ്​​ഥാ​ന​മാ​യി അം​ഗീ​ക​രി​ക്കു​ന്ന​താ​യി ട്രം​പ്​ പ്ര​ഖ്യാ​പി​ച്ചത്. അമേരിക്കൻ എംബസി തെൽഅവീവിൽ നിന്നും ജറൂസലമിലേക്ക്​ മാറ്റുമെന്നും ​ ട്രംപ്​ അറിയിച്ചിരുന്നു. ജറൂസലമില്‍ മറ്റുരാജ്യത്തിനൊന്നും എംബസികളില്ല. തീരുമാനത്തിനെതിരെ ലോക രാജ്യങ്ങൾ പ്രതിഷേധവുമായി രംഗത്തെത്തിയിട്ടുണ്ട്​.