അഴുക്കുചാലിൽനിന്ന് നവജാത ശിശുക്കളുടെ മൃതദേഹങ്ങൾ കണ്ടെടുത്തു

തെലങ്കാനയിലെ കാമറെഡ്ഡിൽ നവജാത ശിശുക്കളായ ഇരട്ടകളുടെ മൃതദേഹങ്ങൾ കണ്ടെടുത്തു. കാമറെഡ്ഡിയിലെ ബത്തുകമ്മ കുന്ത കോളനിയുടെ മധ്യഭാഗത്തുള്ള അഴുക്കുചാലിലാണ് ഏഴുദിവസം പ്രായം തോന്നിക്കുന്ന കുട്ടികളുടെ മൃതദേഹം കണ്ടെത്തിയതെന്ന് പൊലീസ് പറഞ്ഞു.

മൃതദേഹങ്ങൾ കാമറെഡ്ഡിയിലെ സർക്കാർ ആശുപത്രിയിലേക്ക് മാറ്റി. അഴുക്കുചാലിൽ തുണിയിൽ പൊതിഞ്ഞ നിലയിലുണ്ടായിരുന്ന ആൺകുഞ്ഞിന്റെയും പെൺകുഞ്ഞിന്റെയും മൃതദേഹങ്ങൾ പ്രദേശവാസികളാണ് കണ്ടത്. വിവരമറിഞ്ഞെത്തിയ പൊലീസ് അംഗൻവാടി അംഗങ്ങളെ വിളിച്ച് എല്ലാ ഗർഭിണികളുടെയും വിവരങ്ങൾ ശേഖരിച്ചു. അന്വേഷണം പുരോഗമിക്കുകയാണെന്ന് പൊലീസ് പറഞ്ഞു