മൃതദേഹം കോവിഡ്​ മാനദണ്ഡങ്ങൾ പാലിക്കാതെ സംസ്​കരിച്ചു; ചടങ്ങിൽ പ​െങ്കടുത്ത 21 പേർ മരണത്തിന്​ കീഴടങ്ങി

ജയ്​പുർ: കോവിഡ്​ ബാധിച്ച്​ മരിച്ചയാളുടെ മൃതദേഹം മാനദണ്ഡങ്ങൾ പാലിക്കാതെ സംസ്​കരിച്ചതിന്​ പിന്നാലെ ഗ്രാമത്തിലെ 21 പേർ മരണത്തിന്​ കീഴടങ്ങി​. രാജസ്ഥാനിലെ സിക്കാർ ജില്ലയിലെ ഖീർവ ഗ്രാമത്തിലാണ്​ സംഭവം. ഏപ്രിൽ 21ന് കോവിഡ് ബാധിച്ച്​ മരിച്ചയാളുടെ മൃതദേഹം ഗ്രാമത്തിലേക്ക് കൊണ്ടുവരികയും 150ഓളം പേർ അന്ത്യകർമങ്ങളിൽ പങ്കെടുക്കുകയും ചെയ്​തിരുന്നു. കോവിഡ്​ മാനദണ്ഡങ്ങൾ പാലിക്കാതെയാണ്​ സംസ്​കാരം നടത്തിയത്​. മൃതദേഹം പ്ലാസ്റ്റിക് ബാഗിൽനിന്ന് പുറത്തെടുത്ത്​ നിരവധി ആളുകൾ അതിൽ സ്പർശിക്കുകയും ചെയ്​തു.

ഇൗ ചടങ്ങിൽ പ​െങ്കടുത്ത 21 പേരാണ്​ അടുത്ത ദിവസങ്ങളിലായി മരിച്ചത്​. അതേസമയം, ഏപ്രിൽ 15നും മേയ് അഞ്ചിനും ഇടയിലുണ്ടായ നാല് മരണങ്ങൾ മാത്രമാണ് കോവിഡിനെ തുടർന്നാണെന്ന്​ സ്​ഥിരീകരിച്ചതെന്ന്​ അധികൃതർ അറിയിച്ചു.

'21ൽ നാല്​ മരണങ്ങൾ മാത്രമാണ് കോവിഡിനെ തുടർന്ന്​ സംഭവിച്ചത്. മറ്റുള്ളവരിൽ ഭൂരിഭാഗവും പ്രായമായവരാണ്. അതേസമയം, ഇവിടെ സമൂഹവ്യാപനം ഉണ്ടായിട്ടുണ്ടോയെന്ന്​ പരിശോധിക്കാൻ മരിച്ചവരുടെ ബന്ധുക്കളായ 147 പേരുടെ സാമ്പിൾ എടുത്തിട്ടുണ്ട്​' ^ലക്ഷ്മൺഗഢ്​ സബ് ഡിവിഷണൽ ഓഫിസർ കുൽരാജ് മീന അറിയിച്ചു.

അധികൃതർ ഗ്രാമത്തിൽ ശുചീകരണ പ്രവർത്തനങ്ങൾ നടത്തിയിട്ടുണ്ട്​. പ്രശ്നത്തി​െൻറ കാഠിന്യം ഗ്രാമവാസികളെ അറിയിക്കുകയും അവർ സഹകരിക്കുന്നുണ്ടെന്നും കുൽരാജ്​ മീന പറഞ്ഞു.

കോൺഗ്രസ് സംസ്ഥാന പ്രസിഡൻറ്​ ഗോവിന്ദ് സിംഗ് ദോത്രാസയുടെ മണ്ഡലത്തിലാണ് ഇൗ ഗ്രാമം ഉൾപ്പെടുന്നത്. മാനദണ്ഡങ്ങൾ പാലിക്കാതെ മൃതദേഹം സംസ്‌കരിച്ചതിന് ശേഷമുള്ള മരണവിവരങ്ങൾ അദ്ദേഹം ആദ്യം സമൂഹമാധ്യമങ്ങൾ പങ്കുവെച്ചെങ്കിലും പിന്നീടത് നീക്കം ചെയ്തു.