യു.പിയിൽ മാധ്യമപ്രവർത്തകൻ കാറിനുള്ളിൽ മരിച്ചനിലയിൽ

ലഖ്​നോ: ഉത്തർപ്രദേശിലെ കാൺപൂരിൽ മാധ്യമപ്രവർത്തകനെ കാറിനുള്ളിൽ മരിച്ചനിലയിൽ കണ്ടെത്തി. ശ്വാസംമുട്ടി മരിച്ചനിലയിൽ പിൻസീറ്റിലായിരുന്നു മൃതദേഹ​മെന്ന്​ ബാറ പൊലീസ്​ പറഞ്ഞു.

ജനുവരി ഒന്നിന്​ ഇദ്ദേഹത്തെ കാണാനില്ലെന്ന്​ ചൂണ്ടിക്കാട്ടി ബന്ധ​ുക്കൾ പരാതി നൽകിയിരുന്നു.

ബാര പൊലീസ്​ സ്​റ്റേഷൻ പരിധിയിൽ അജ്ഞാത കാർ കിടക്കുന്നതായി വിവരം ലഭിച്ചതിനെ തുടർന്ന്​ നടത്തിയ പരിശോധനയിലാണ്​ മൃതദേഹം ക​ണ്ടെത്തിയതെന്ന്​ പൊലീസ്​ പറഞ്ഞു.

കാറിന്‍റെ പിൻസീറ്റിലായിരുന്നു മൃതദേഹം. കൂടുതൽ അന്വേഷണത്തിൽ മാധ്യമപ്രവർത്തകൻ ആശു യാദവാണ്​ മരിച്ചതെന്ന്​ സ്​ഥിരീകരിച്ചു. ഫോറൻസിക്​ സംഘം സ്​ഥലത്ത്​ പരിശോധന നടത്തിയതായും ശ്വാസം മുട്ടിയാണ്​ മരിച്ചതെന്നും കാൺപുർ സൗത്ത്​ എസ്​.എസ്​.ബി ദീപക്​ കപൂർ പറഞ്ഞു.

സംഭവത്തിൽ മൂന്നംഗ അ​േന്വഷണ​ സംഘം അന്വേഷണം ആരംഭിച്ചു. സി.സി.ടി.വി ദൃശ്യങ്ങൾ ക​െണ്ടടുക്കുകയും ചെയ്​തു. കൊലപാതകമാണോ എന്ന കാര്യം വ്യക്തമല്ല. മരണകാരണം പോസ്റ്റുമോർട്ടം റിപ്പോർട്ട്​ പുറത്തുവന്നതിന്​ ശേഷമേ പറയാനാകൂവെന്നും പൊലീസ്​ അറിയിച്ചു.