ബോയിസ്​ ലോക്കർ റൂം കേസ്​: അഡ്​മിൻ 12ാം ക്ലാസ്​ വിദ്യാർഥി 

ന്യൂഡൽഹി: അശ്ലീല ഉള്ളടക്കത്തി​​​െൻറ പേരിൽ വിവാദമായ ‘ബോയിസ്​ ലോക്കർ റൂം’ ഇൻസ്​റ്റാ ഗ്രൂപ്പി​​െൻറ അഡ്​മിനെ ഡൽഹി പൊലീസ്​ സൈബർ സെൽ അറസ്​റ്റ്​ ചെയ്​തു. 12ാം ക്ലാസിൽ ഇൗ വർഷം പൊതു പരീക്ഷ എഴുതിയ വിദ്യാർഥിയാണ്​ അറസ്​റ്റിലായത്​. 

ഗ്രൂപ്പിൽ സ്​കൂൾ വിദ്യാർഥികളോടൊപ്പം 18 വയസിന്​ മുകളിലുള്ളവരും ഉണ്ടായിരുന്നതായി ചോദ്യം ചെയ്യലിൽ പൊലീസ്​ കണ്ടെത്തിയിട്ടുണ്ട്​.  ഗ്രൂപ്പിലുള്ള മുഴുവൻ അംഗങ്ങളും ഉപയോഗിച്ച ​െഎ.പി അഡ്രസ്​ അടക്കമുള്ള വിശദാംശങ്ങൾക്ക്​ ഇൻസ്​റ്റഗ്രാം അധികൃതരുമായി സൈബർ സെൽ ബന്ധപ്പെട്ടിട്ടുണ്ട്​. ഇത്​ ലഭിക്കുന്നതോടെ സംഭവത്തിൽ ഉൾപ്പെട്ട മുഴുവൻ ആളുകളെയും പിടികൂടാനാകുമെന്ന പ്രതീക്ഷയിലാണ്​ പൊലീസ്​. 

ഗ്രൂപ്പിൽ കോളജ്​ വിദ്യാർഥികളും അംഗങ്ങളാണെന്ന്​ അഡ്​മിനെ ചോദ്യം ചെയ്​തതിൽ നിന്ന്​ പൊലീസിന്​ ബോധ്യമായിട്ടുണ്ട്​. ഇവരിൽ ചിലരെ തിരിച്ചറിഞ്ഞിട്ടുണ്ടെന്ന്​ പൊലീസ്​ പറയുന്നു. 

സ്​കൂൾ വിദ്യാർഥിനികളുടെ അശ്ലീല ചിത്രങ്ങൾ പങ്കുവെക്കുകയും ബലാത്സംഗം അടക്കം ചർച്ച ചെയ്യുകയും ചെയ്​ത ‘ബോയ്​സ്​ ലോക്കർ റൂം’ എന്ന ഇൻസ്​റ്റഗ്രാം ഗ്രൂപ്പിലെ അംഗങ്ങൾക്കായി ഡൽഹി പൊലീസ്​ തിങ്കളാഴ്​ചയാണ്​ അന്വേഷണം തുടങ്ങിയത്​. അവിചാരിതമായി ഇൗ ഗ്രൂപ്പിൽ അംഗമായ ഒരു പെൺകുട്ടി പുറത്ത്​വിട്ട സ്​ക്രീൻ ഷോട്ടുകളിലൂടെയാണ്​ അപകടകരമായ ഉള്ളടക്കം സംബന്ധിച്ച്​ വിവരം മറ്റുള്ളവരറിയുന്നത്​. സ്​ക്രീൻ ഷോട്ടുകൾ സാമൂഹിക മാധ്യമങ്ങളിൽ പ്രചരിച്ചതോടെ സൈബർ പൊലീസ്​ സ്വമേധയാ കേസെടുക്കുകയായിരുന്നു.

50 ഒാളം അംഗങ്ങളുള്ള ഗ്രൂപ്പിലെ 26 സ്​കൂൾ വിദ്യാർഥികളെ കഴിഞ്ഞ ദിവസം പൊലീസ്​ തിരിച്ചറിഞ്ഞിരുന്നു. ഇവരുടെ മൊബൈൽ ഫോണുകൾ പൊലീസ്​ കസ്​റ്റഡിയിലാണ്​. 
ഒാരോരുത്തരെയായി ചോദ്യം ചെയ്യൽ തുടരുകയാണ്​. ആദ്യം കസ്​റ്റഡിയിലെടുത്ത 15 വയസുകാരനെ ചോദ്യം ചെയ്​തതിൽ നിന്നാണ്​ മറ്റുള്ളവരെ തിരിച്ചറിഞ്ഞത്​. അംഗങ്ങളുടെ ഇടപെടൽ സംബന്ധിച്ച്​ പൊലീസ്​ വിശദമായി പരിശോധിക്കുന്നുണ്ട്​. 

കസ്​റ്റഡിയിലെടുത്ത വിദ്യാർഥികളെല്ലാം ദക്ഷിണ മുംബൈയിലെ പ്രമുഖ സ്​കൂളുകളിൽ നിന്നുള്ളവരാണ്​. 13 വയസുകാരൻ വരെ ഗ്രൂപ്പിൽ അംഗമായിരുന്നു. ബലാത്സംഗത്തെ കുറിച്ചും സഹപാഠിയെ കൂട്ടബലാത്സംഗം ചെയ്യുന്നതിനെ കുറിച്ചുമൊക്കെയാണ്​ ഗ്രൂപ്പിൽ ചർച്ചകൾ നടക്കുന്നത്​. സഹപാഠികളുടെ അശ്ലീല ചിത്രങ്ങളും ഗ്രൂപ്പിൽ പങ്കുവെച്ചിരുന്നു. 

കുട്ടികളുടെ രക്ഷിതാക്കൾക്ക്​ ഇൗ ​ഗ്രൂപ്പ്​ സംബന്ധിച്ച്​ അറിയുമായിരുന്നില്ല. പൊലീസ്​ ചോദ്യം ചെയ്യാൻ വിളിപ്പിക്കു​മ്പോഴാണ്​ പല രക്ഷിതാക്കളും കാര്യങ്ങളറിയുന്നത്​. 

ഇൗ ​ഗ്രൂപ്പ്​ ഏ​പ്രിലിലാണ്​ ഉണ്ടാക്കിയതെന്ന്​ പൊലീസ്​ പറയുന്നു. ട്യൂഷൻ സെന്ററുകൾ, പരിശീലന കേന്ദ്രങ്ങൾ, സ്​പോർട്​സ്​ മത്സരങ്ങൾ തുടങ്ങിയവയിലൂടെ പരസ്​പരം ബന്ധമുള്ളവരാണ്​ ഗ്രൂപ്പ്​ അംഗങ്ങൾ. 

സംഭവം വിവാദമായതോടെ കുട്ടികൾ വിശദാംശങ്ങൾ തങ്ങളുടെ മൊബൈലുകളിൽനിന്ന്​ നീക്കിയതായാണ്​ പൊലീസ്​ കരുതുന്നത്​. ​ഐ.പി അഡ്രസുകൾ ലഭിച്ച ഉടനെ എല്ലാവരെയും ചോദ്യം ചെയ്യുമെന്ന്​ പൊലീസ്​ പറയുന്നു. 

ഇതേ പോലുള്ള ഗ്രൂപ്പുകൾ വേറെയും ഉണ്ടെന്നാണ്​ പൊലീസ്​ കരുതുന്നത്​. അത്തരം ഗ്രൂപ്പുകൾക്ക്​ പിറകിൽ പ്രവർത്തിക്കുന്നവർക്കായി അന്വേഷണം നടത്തുന്നുണ്ടെന്ന്​ പൊലീസ്​ പറയുന്നു. ബോയിസ്​ ലോക്കർ റൂം വിവാദമായതോടെ പല ഗ്രൂപ്പുകളും ഡിലീറ്റ്​ ചെയ്​തിട്ടുണ്ടെന്ന്​ പൊലീസ്​ പറയുന്നു.