പൂച്ചക്കുട്ടിയെ കൊന്ന്​ പരീക്ഷണം നടത്താൻ നാലാംക്ലാസിലെ പരിസ്​ഥിതി പഠനപുസ്​തകം

ന്യൂഡൽഹി: ജീവനുള്ളവയും ഇല്ലാത്തവയും തമ്മിലുള്ള വ്യത്യാസം മനസിലാക്കാൻ പൂച്ചക്കുട്ടിയെ കൊന്ന്​ പരീക്ഷണം നടത്താൻ ആവശ്യ​െപ്പട്ട്​ നാലാംക്ലാസിലെ പരിസ്​ഥിതി പഠന പുസ്​തകം. പാഠ പുസ്​തകം സാമൂഹിക മാധ്യമങ്ങളിൽ വൈറലായതോടെ മൃഗസ്​നേഹി സംഘടനകളും ഇട​െപട്ടു. ഒടുവിൽ പ്രസാധകൻ പുസ്​തകം പിൻവലിക്കാമെന്ന്​ അറിയിച്ച്​ തടിയൂരി.

ഡൽഹിയിലെ നാലാംക്ലാസ്​ വിദ്യാർഥികൾക്കായി പി.പി. പബ്ലിക്കേഷൻസ്​ പ്രസിദ്ധീകരിച്ച ‘നമ്മുടെ പച്ചപ്പ്​: പരിസ്​ഥിതി പഠനം’ എന്ന തലക്കെ​േട്ടാടുകൂടിയ പുസ്​തകമാണ്​ വിവാദമായിരിക്കുന്നത്​. പുസ്​തകത്തിലെ ഒരു പാഠത്തിൽ ജീവനുള്ളവയും ഇല്ലാത്തവയും തമ്മിലുള്ള വ്യത്യാസം മനസിലാക്കാനാണ്​ പരീക്ഷണാർഥം പൂച്ചക്കെുട്ടിയെ കൊല്ലുവാൻ ആവശ്യ​െപ്പടുന്നത്​.

‘മരത്തി​​െൻറ രണ്ട്​  പെട്ടികളെടുക്കുക. ഒരു പെട്ടിയുടെ അടപ്പിൽ ദ്വാരമിടുക. രണ്ടു പെട്ടികളിലും ഒാരോ പൂച്ചക്കുഞ്ഞുങ്ങളെ കയറ്റി അടക്കുക. അൽപ്പ സമയത്തിനു ശേഷം തുറന്നു നോക്കിയാൽ ദ്വാരമില്ലാത്ത പെട്ടിയിലെ പൂച്ചക്കുഞ്ഞ്​ ചത്തതായി കാണാം’ എന്നാണ്​ ജീവനുള്ളവയും ഇല്ലാത്തവയും തമ്മിലുള്ള വ്യത്യാസം മനസിലാക്കായി വിവരിക്കുന്ന പരീക്ഷണം.

കുട്ടികളിൽ ക്രൂരത വളർത്തുന്ന പാഠഭാഗം വിവാദമായതോടെ പ്രസാധകൻ മാപ്പു പറഞ്ഞു. പാഠഭാഗത്തിൽ പൂച്ചക്കുട്ടികളെ ശരിയല്ലാത്ത വിധത്തിൽ അവതരിപ്പിച്ചതിൽ ക്ഷമിക്കണം. വിതരണക്കാരിൽ നിന്നും പുസ്​തകം ഞങ്ങൾ പിൻവലിക്കുകയാണ്​. ബാക്കി സ്​റ്റോക്കുള്ളവ വിൽക്കില്ല. നിയമാനുസൃതമല്ലാത്തതോ അധാർമികമായതോ മറ്റുള്ളവ​െ​ര വേദനിപ്പിക്കുന്നതോ ആയ ഒന്നും പ്രസിദ്ധീകരിക്കാതിരിക്കാൻ മേലിൽ ശ്രദ്ധിക്കുമെന്നും പ്രസാധകൻ പർവേസ്​ ഗുപ്​ത ഫെഡറേഷൻ ഒാഫ്​ ഇന്ത്യൻ ആനിമൽ പ്രൊട്ടക്​ഷൻ ഒാർഗനൈസേഷന്​ നൽകിയ കത്തിൽ വിശദീകരിച്ചു.