അതിർത്തിക്ക്​ സമീപം വീണ്ടും ഡ്രോൺ; വെടിവെപ്പ്​ നടത്തി ബി.എസ്​.എഫ്​ തുരത്തി

ജമ്മു/ന്യൂഡൽഹി: അതിർത്തി കടക്കാൻ ശ്രമിച്ച ഡ്രോൺ ബി.എസ്​.എഫ്​ വെടിവെച്ച്​ തുരത്തി. അർണിയ മേഖലയിലെ രാജ്യാന്തര അതിർത്തിയിൽ വെള്ളിയാഴ്ച പുലർച്ച ​4.25ഓടെയാണ്​ േ​ഡ്രാൺ സേനയുടെ ശ്രദ്ധയിൽപ്പെട്ടത്​. ഡ്രോൺ വീഴ്​ത്താൻ അതിർത്തി രക്ഷസേന (ബി.എസ്​.എഫ്​) ആറുതവണ വെടിയുതിർത്തുവെങ്കിലും ഉടൻ പാകിസ്​​താൻ ഭാഗത്തേക്ക്​ മടങ്ങി.

ഞായറാഴ്ച ജമ്മു വ്യോമസേന താവളത്തിൽ ഡ്രോൺ ബോംബാക്രമണമുണ്ടായതിനാൽ സൈന്യം കനത്ത ജാഗ്രതയിലായിരുന്നു. ഇതിനു ശേഷം മൂന്നു ദിവസം തുടർച്ചയായി ജമ്മുവിലെ സൈനിക കേന്ദ്രങ്ങൾക്ക്​ മുകളിൽ ഡ്രോണുകൾ എത്തിയെങ്കിലും സേന വെടിവെച്ചതോടെ പറന്നകന്നു. ഡ്രോണുകൾ സുരക്ഷ ഭീഷണി ഉയർത്തുന്ന സാഹചര്യത്തിൽ രജൗരി ജില്ലയിൽ ഡ്രോണുകളുടെ സംഭരണവും വിൽപനയും നിരോധിച്ചിരുന്നു.

അതേസമയം, ജമ്മു വ്യോമസേന താവളത്തിൽ ഡ്രോൺ ഉപയോഗിച്ച്​ ബോംബ്​ സ്​ഫോടനം നടത്തിയത്​ വളരെ ഗൗരവമുള്ളതും അപകടകരവുമാണെന്ന്​ ബി.എസ്​.എഫ്​ മേധാവി രാകേഷ്​ അസ്​താന. ഈ ഭീഷണി നേരിടാൻ അടിയന്തരമായി സാ​ങ്കേതികവിദ്യ വികസിപ്പിക്കണം​. ​6,300 കിലോ മീറ്റർ അതിർത്തിയിൽ ബി.എസ്​.എഫിനാണ്​ സുരക്ഷ ചുമതല. പടിഞ്ഞാറൻ അതിർത്തിയിലെ തുരങ്കങ്ങൾ വഴി നുഴഞ്ഞുകയറ്റക്കാർ കടക്കുന്നത്​ കണ്ടെത്തുക എന്നതാണ്​ ബി.എസ്​.എഫ്​ ഇ​േപ്പാൾ നേരിടുന്ന വെല്ലുവിളി. ഇതിലൂ​െട രാജ്യത്തേക്ക്​ മയക്കുമരുന്നും കടത്തുന്നുണ്ടെന്നും അദ്ദേഹം കൂട്ടിച്ചേർത്തു​.

ഡ്രോൺ ആക്രമണം; പാക്​ പങ്ക്​ തള്ളാനാവില്ലെന്ന്​ ഡി.ജി.പി

ജമ്മു/ന്യൂഡൽഹി:: ഡ്രോൺ ഉപയോഗിച്ച്​ ജമ്മു വ്യോമതാവളത്തിൽ ആക്രമണം നടത്തിയത്​ പാകിസ്​താൻ ആസ്​ഥാനമായ തീവ്രവാദി സംഘടന ലശ്​കറെ തയ്യിബയാണെന്ന്​ സംശയിക്കുന്നതായും അതുകൊണ്ടു തന്നെ പാക്​ പങ്ക്​ തള്ളാനാവില്ലെന്നും ജമ്മു-കശ്​മീർ ഡി.ജി.പി ദിൽബാഗ്​ സിങ്​​​. കൂടുതൽ അന്വേഷണത്തിലൂടെ മാത്രമേ പാകിസ്​താൻ ഏജൻസികൾക്ക്​ ഇതിൽ എത്രമാത്രം പങ്കുണ്ടെന്ന്​ മനസ്സിലാക്കാൻ സാധിക്കുകയുള്ളൂവെന്ന്​ അദ്ദേഹം മാധ്യമപ്രവർത്തകരോട്​ പറഞ്ഞു. കേസ്​ ദേശീയ അന്വേഷണ ഏജൻസിയാണ്​ (എൻ.ഐ.എ) അന്വേഷിക്കുന്നത്​.

അതേസമയം, വ്യോമതാവളത്തിലുണ്ടായ ഡ്രോൺ ആക്രമണം ഭീകരപ്രവർത്തനമാണെന്ന്​ വ്യോമസേന മേധാവി ആർ.കെ.എസ്​ ബദൗരിയ. ഇതേക്കുറിച്ച്​ സേന വിശദ അന്വേഷണം നടത്തിവരുകയാണ്​. പ്രധാന സേന കേന്ദ്രങ്ങളെയാണ്​ ലക്ഷ്യമിട്ടതെന്നും എന്നാൽ, നീക്കം പരാജയപ്പെട്ടുവെന്നും​ അദ്ദേഹം കൂട്ടിച്ചേർത്തു.