ഗുജറാത്ത് തീരത്ത് പാക് ബോട്ടുകളിലെത്തിയവർക്കായി സംയുക്ത സൈനിക തിരച്ചിൽ ഊർജിതം

അ​ഹ​മ്മ​ദാ​ബാ​ദ്: ഗു​ജ​റാ​ത്തി​ലെ ക​ച്ച് ജി​ല്ല​ക്ക് സമീപം 11 പാക് മത്സ്യബന്ധനബോട്ടുകൾ കണ്ടെത്തിയ സംഭവത്തിൽ സൈന്യത്തിന്‍റെ സംയുക്ത തിരച്ചിൽ തുടരുന്നു. അതിർത്തിരക്ഷാസേന, വ്യോമസേന, ഗുജറാത്ത് തീരദേശ പൊലീസ് എന്നിവയാണ് തിരച്ചിൽ നടത്തുന്നത്. വ്യോമസേനയുടെ മൂന്ന് സംഘങ്ങളെ മൂന്നിടങ്ങളിൽ ഹെലികോപ്ടർ മാർഗം വിന്യസിച്ചിട്ടുണ്ട്. കണ്ടൽകാടുകൾ നിറഞ്ഞ ചതുപ്പു പ്രദേശത്ത് തിരച്ചിൽ ദുഷ്കരമാണ്.

വ്യാഴാഴ്ച ബി.എസ്.എഫ് നടത്തിയ പെട്രോളിങ്ങിനിടെയാണ് ഗു​ജ​റാ​ത്തി​ലെ ക​ച്ച് ജി​ല്ല​ക്ക് സ​മീ​പം ഭുജ് തീരത്തെ കടലിടുക്കിൽ പാക് മത്സ്യബന്ധനബോട്ടുകൾ കണ്ടെത്തിയത്. ബോട്ടിലെത്തിയവർ കരയിലേക്ക് പ്രവേശിച്ചിട്ടുണ്ടോ എന്ന സംശയത്തിലാണ് വ്യാപക തിരച്ചിൽ ആരംഭിച്ചത്.

ഇ​ന്ത്യ-​പാ​ക് സ​മു​ദ്രാ​തി​ർ​ത്തി​യി​ലെ ഹ​റാ​മി നാ​ലാ ക​ട​ലി​ടു​ക്കി​ലാണ് സംഭവം. പ​ട്രോ​ളി​ങ്ങി​നി​ടെ ഡ്രോ​ൺ ഉ​പ​യോ​ഗി​ച്ച് ന​ട​ത്തി​യ പ​രി​ശോ​ധ​ന​യി​ലാ​ണ് സം​ശ​യാ​സ്പ​ദ​മാ​യ രീ​തി​യി​ൽ മ​ത്സ്യ​ബ​ന്ധ​ന ബോ​ട്ടു​ക​ൾ ബി.​എ​സ്.​എ​ഫി​ന്‍റെ ശ്ര​ദ്ധ​യി​ൽ​പെ​ടു​ന്ന​ത്. പി​ന്നാ​ലെ കു​തി​ച്ചെ​ത്തി​യ സൈ​ന്യം ബോ​ട്ടുക​ൾ ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു​. ​

ബോ​ട്ടു​ക​ളി​ൽ എത്തിയവർ സേ​ന​യു​ടെ നീ​ക്കം തി​രി​ച്ച​റി​ഞ്ഞ് ​പാക് ഭാ​ഗ​ത്തേ​ക്ക് ര​ക്ഷ​പ്പെ​ട്ടി​രി​ക്കാമെ​ന്നാ​ണ് ക​രു​തു​ന്ന​ത്. സ​മു​ദ്രാ​തി​ർ​ത്തി വ​ഴി രാജ്യത്തേക്ക് നു​ഴ​ഞ്ഞു​ക​യ​റാ​നു​ള്ള ശ്ര​മ​മാ​​ണെ​ന്നും സം​ശ​യമുണ്ട്. ഇ​ന്ത്യ​ൻ മ​ത്സ്യ​ത്തൊ​ഴി​ലാ​ളി​ക​ൾ​ക്കും നി​രോ​ധ​ന​മു​ള്ള സു​ര​ക്ഷാമേ​ഖ​ല​യാ​ണ് ഹ​റാ​മി നാ​ലാ ക​ട​ലി​ടു​ക്ക്.