വീണ്ടും വെടിനിർത്തൽ കരാർ ലംഘനം; ബി.എസ്​.എഫ്​ ജവാൻ കൊല്ലപ്പെട്ടു

ശ്രീനഗർ: അതിർത്തിയിൽ പാകിസ്​താൻ നടത്തിയ വെടിവെപ്പിൽ ബി.എസ്​.ഫ്​ ജവാൻ കൊല്ലപ്പെട്ടു. ബി.എസ്​.എഫ്​ സൈനികനായ ബ്രിജേന്ദ്ര ബാഹദൂർ സിങ്ങാണ്​ കൊല്ലപ്പെട്ടത്​. 

ജമ്മുവിലെ ആർ.എസ്​ പുരയിലെ അർനിയ സെക്​ടറിലാണ്​ വെടിനിർത്തൽ കരാർ ലംഘനം ഉണ്ടായത്​. വ്യാഴാഴ്​ച രാത്രി തുടങ്ങിയ ഇരുരാജ്യങ്ങളും തമ്മിലുള്ള വെടിവെപ്പ്​ വെള്ളിയാഴ്​ച പുലർച്ചെ വരെ നീണ്ടു.

വെള്ളിയാഴച പുലർച്ചെ 12.20ന്​ പാകിസ്​താൻ നടത്തിയ വെടിവെപ്പിലാണ്​ ബ്രിജേന്ദ്ര കൊല്ലപ്പെട്ടതെന്ന്​ ബി.​എസ്​.എഫ്​ ഡി.​െഎ.ജി ധർമേന്ദ്രർ പ്രകാശ്​ അറിയിച്ചു. വെടിവെപ്പിൽ പാകിസ്​താൻ പൗരൻമാരും കൊല്ലപ്പെട്ടുവെന്നും റിപ്പോർട്ടുകളുണ്ട്​.