റെയിൽവേയെ സ്​മാർട്ടാക്കാൻ വൈ-ഫൈയും സി.സി.ടി.വിയും

ന്യൂഡൽഹി: റെയിൽവേയിലെ ആധുനികവൽക്കരണം ലക്ഷ്യംവെക്കുന്നതാണ്​ നരേന്ദ്രമോദി സർക്കാറി​​​െൻറ ബജറ്റ്​. റെയിൽവേ സ്​റ്റേഷനുകളിലും ട്രെയിനുകളിലും വൈ-ഫൈയും സി.സി.ടി.വിയും സ്ഥാപിക്കുമെന്ന്​ ബജറ്റിൽ പറയുന്നു. തിരക്ക്​ കൂടുതലുള്ള റെയിൽവേ സ്​റ്റേഷനുകളിൽ  എസ്​കലേറ്റർ സ്ഥാപിക്കാനും ബജറ്റിൽ നിർദേശമുണ്ട്​. 1,48,500 കോടി രൂപയാണ്​ സർക്കാർ റെയിൽവേക്കായി നീക്കിവെച്ചിരിക്കുന്ന ബജറ്റ്​ വിഹിതം. 

റെയിൽവേയിലെ അടിസ്ഥാന സൗകര്യ വികസനത്തിന്​ ഉൗന്നൽ നൽകുന്നതാണ്​ ബജറ്റ്​. ഇതി​​​െൻറ ഭാഗമായാണ്​ സി.സി.ടി.വി കാമറകളും, വൈ-^ഫൈ സംവിധാനവും ട്രെയിനുകളിൽ കൊണ്ടു വരുന്നത്​. 4000 കിലോമീറ്റർ റെയിൽപാത പുതുതായി വൈദ്യുതികരിക്കും. 18,000 കിലോമീറ്റർ റെയിൽപാത ഇരട്ടിപ്പിക്കും. കൂടുതൽ ട്രെയിനുകൾ അനുവദിക്കുന്നതിന്​ പകരം റെയിൽവേയിലെ അടിസ്ഥാന സൗകര്യവികസനത്തിന്​ പ്രാമുഖ്യം നൽകുന്നതാണ്​ ഇൗ വർഷത്തെ ബജറ്റ്​.