യോഗിക്ക്​ നിർണായകം: ഗരഖ്​പൂരിലും ഫൂൽപൂരിലും ഉപതെരഞ്ഞെടുപ്പുകൾ

ന്യൂഡൽഹി: യു.പി മുഖ്യമന്ത്രി യോഗി ആദിത്യനാഥിനെ നിർണായകമാവുന്ന രണ്ട്​ ലോക്​സഭ മണ്ഡലങ്ങളിലെ ഉപതെരഞ്ഞെടുപ്പ്​ തിയതി പ്രഖ്യാപിച്ചു. ഗോരഖ്​പൂർ, ഫൂൽപുർ എന്നിവടങ്ങളിലാണ്​ മാർച്ച്​ 11ന്​ വോ​െട്ടടുപ്പ്​ നടക്കുക. ഇതിനൊപ്പം ബീഹാറിലെ അറാറിയ മണ്ഡലത്തിലും നിയമസഭ മണ്ഡലങ്ങളായ ബാഹുബുവ, ചെഹനാബാദ്​ എന്നിവിടങ്ങളിലും വോ​െട്ടടുപ്പ്​ നടക്കും.

ഗൊരഖ്​പൂർ എം.പിയായ യോഗി ആദിത്യനാഥ്​, ഫൂൽപുർ എം.പി കേശവ പ്രസാദ്​ മൗര്യ തുടങ്ങിയവർ എം.എൽ.എമാരായി തെരഞ്ഞെടുക്കപ്പെട്ടതിനെ തുടർന്നാണ്​ മണ്ഡലങ്ങളിൽ ഉപതെരഞ്ഞെടുപ്പ്​ വേണ്ടി വന്നത്​.

തെരഞ്ഞെടുപ്പിന്​ പത്രിക സമർപ്പിക്കാനുള്ള അവസാന തിയതി ഫെബ്രുവരി 20 ആണ്​. 23 വരെ പത്രിക പിൻവലിക്കാം. മാർച്ച്​ 14നാണ്​ വോ​െട്ടണ്ണൽ. വിവിപാറ്റ്​ സംവിധാനമുള്ള വോട്ടിങ്​ യന്ത്രം ഉപയോഗിച്ചാവും വോ​െട്ടടുപ്പ്​ നടത്തുക.