‘‘മോദി ജന്മനാ ഇന്ത്യക്കാരൻ; പൗരത്വ രേഖ ആവശ്യമില്ല’ വിവരാവകാശരേഖക്ക്​ മറുപടി

ന്യൂഡൽഹി: പ്രധാനമന്ത്രി നരേന്ദ്ര മോദി ജന്മനാ ഇന്ത്യക്കാരനാണ്​. അതിനാൽ നരേന്ദ്രമോദിക്ക്​ പൗരത്വ രേഖയുണ്ടോ എന്ന ചോദ്യത്തിന്​ പ്രസക്തി ഇല്ല. രാജ്യം മുഴുവൻ പൗരത്വ പ്രക്ഷോഭത്തിൻെറ അലയടിക്കു​േമ്പാൾ പ്രധാനമന്ത്രിയുടെ പൗരത്വ രേഖ ആവശ്യപ്പെട്ട്​ നൽകിയ വിവരാവകാശ രേഖയിലാണ്​ ഈ മറുപടി.

ജന്മനാൽ ഇന്ത്യൻ പൗരനായതിനാൽ മോദിയുടെ പൗരത്വ രേഖ ആവശ്യപ്പെട്ടുള്ള ചോദ്യത്തിന്​ പ്രസക്തിയില്ല. 1955 ലെ പൗരത്വ നിയമത്തിലെ സെക്ഷൻ മൂന്ന്​ പ്രകാരം നരേന്ദ്രമോദി ജന്മനാൽ ഇന്ത്യൻ പൗരനാണെന്ന മറുപടി പ്രധാനമന്ത്രിയുടെ ഓഫീസാണ്​ നൽകിയത്​. സുബൻകർ സർക്കാർ എന്ന വ്യക്തിയാണ്​ അപേക്ഷ നൽകിയത്​.

If PM ⁦@narendramodi⁩ does not require to register his citizenship, as per Section 3 of the Citizenship Act 1955, then why should others?
Here is the PMO’s response to an RTI filed by Subhankar Sarkar (632/2020-PME) #CAA_NRC_NPR #DelhiRiot2020 #DoubleStandards pic.twitter.com/WydrnFMZt8

— seemi pasha (@seemi_pasha) February 29, 2020

നേരത്തേ മോദിയുടെ പൗരത്വവുമായി ബന്ധപ്പെട്ട്​ മലയാളി വിവരാവകാശ അപേക്ഷ നൽകിയത്​ വാർത്തയായിരുന്നു.