എൻ.ഐ.എക്ക്​ കൂടുതൽ അധികാരങ്ങൾ നൽകും; ബിൽ അവതരിപ്പിക്കാൻ കേന്ദ്രം

ന്യൂഡൽഹി: ദേശീയ അന്വേഷണ ഏജൻസിക്ക് (എൻ.ഐ.എ)​ കൂടുതൽ അധികാരങ്ങൾ നൽകാൻ കേന്ദ്രം ഒരുങ്ങുന്നു. എൻ.ഐ.എ നിയമവും നിയമവിര ുദ്ധപ്രവർത്തന നിരോധന നിയമവും (യു.എ.പി.എ) ഭേദഗതിചെയ്യാനുള്ള ബിൽ കേന്ദ്ര മന്ത്രിസഭ തിങ്കളാഴ്​ച പരിഗണിക്കും. പാർല​െമൻറി​​െൻറ മൺസൂൺ സമ്മേളനത്തിൽ ഈയാഴ്​ചതന്നെ ബിൽ പാസാക്കാനാണ്​ സർക്കാർ ഉദ്ദേശിക്കുന്നത്​.

ബിൽ പാസായാൽ വിദേശത്ത്​ ഇന്ത്യക്കാർക്കും രാജ്യതാൽപര്യങ്ങൾക്കുമെതിരെയുമുണ്ടാകുന്ന ഭീകരാക്രമണം എൻ.ഐ.എക്ക് അന്വേഷിക്കാനാവും. സൈബർ കുറ്റങ്ങളും മനുഷ്യക്കടത്തും അ​ന്വേഷിക്കാൻ അധികാരമുണ്ടാകും. നിലവിൽ ഭീകരപ്രവർത്തനം നടത്തുന്ന സംഘടനകളെയാണ്​ ഭീകരസംഘടനകളായി എൻ.ഐ.എ പ്രഖ്യാപിക്കുന്നത്​.

ഭീകരവാദവുമായി ബന്ധപ്പെടുന്ന വ്യക്​തികളെ ഭീകരനായി പ്രഖ്യാപിക്കുംവിധമാണ്​ യു.എ.പി.എ നിയമം ഭേദഗതി ചെയ്യുന്നത്​. 2009ലെ മുംബൈ ഭീകരാക്രമണത്തിനുശേഷമാണ്​ എൻ.ഐ.എ രൂപവത്​കരിച്ചത്​.