ബംഗാൾ തെരഞ്ഞെടുപ്പിന് ശേഷമുള്ള അക്രമങ്ങൾ കോടതിയുടെ മേൽനോട്ടത്തിൽ സി.ബി.ഐ അന്വേഷിക്കണം

കൊൽക്കത്ത: പശ്ചിമ ബംഗാളിൽ നിയമസഭ തെരഞ്ഞെടുപ്പിന് ശേഷമുണ്ടായ അക്രമസംഭവങ്ങളിൽ സി.ബി.ഐ അന്വേഷണത്തിന് ഉത്തരവ്. കോടതിയുടെ മേൽനോട്ടത്തിൽ അന്വേഷണം നടത്തണമെന്ന് കൊൽക്കത്ത ഹൈകോടതിയാണ് ഉത്തരവിട്ടത്.

കൊലപാതകങ്ങളും സ്ത്രീകൾക്ക് നേരെയുള്ള അക്രമങ്ങളും പീഡനാരോപണങ്ങളും കോടതിയുടെ മേൽനോട്ടത്തിൽ അന്വേഷിക്കണമെന്നാണ് ഹൈകോടതി നിർദേശം. സംസ്ഥാനത്തുണ്ടായ മറ്റ് അക്രമങ്ങൾ കോടതിയുടെ പ്രത്യേക സംഘവും അന്വേഷിക്കണം. ഇതിനും കോടതി മേൽനോട്ടം വഹിക്കണം. പ്രത്യേക അന്വേഷണ സംഘത്തിൽ ബംഗാൾ കേഡറിലുള്ള ഉന്നത ഉദ്യോഗസ്ഥരെ ഉൾപ്പെടുത്തണമെന്നും ഹൈകോടതി നിർദേശിച്ചു.

അതേസമയം, ഹൈകോടതി ഉത്തരവിനെതിരെ സുപ്രീംകോടതിയെ സമീപിക്കുമെന്ന് തൃണമൂൽ സർക്കാർ മാധ്യമങ്ങളെ അറിയിച്ചു.

ബം​ഗാ​ളി​ലു​ണ്ടാ​യ തെ​ര​ഞ്ഞെ​ടു​പ്പാ​ന​ന്ത​ര അ​ക്ര​മ​ങ്ങ​ളെ​പ്പ​റ്റി അ​ന്വേ​ഷി​ച്ച ദേ​ശീ​യ മ​നു​ഷ്യാ​വ​കാ​ശ ക​മീ​ഷ​ൻ (എ​ൻ.​എ​ച്ച്.​ആ​ർ.​സി) സ​മി​തി ക​ൽ​ക്ക​ട്ട ഹൈ​കോ​ട​തി​യി​ൽ റി​പ്പോ​ർ​ട്ട്​ സ​മ​ർ​പ്പി​ച്ചിരുന്നു. സം​സ്​​ഥാ​ന​ത്തു​ണ്ടാ​യ അ​ക്ര​മ​ങ്ങ​ളെ​ തു​ട​ർ​ന്ന്​ ല​ഭി​ച്ച ഒ​രു​കൂ​ട്ടം പൊ​തു​താ​ൽ​പ​ര്യ ഹ​ര​ജി​ക​ൾ പ​രി​ഗ​ണി​ച്ച്​ ജൂ​ൺ 18നാ​ണ്​ മ​നു​ഷ്യാ​വ​കാ​ശ ക​മീ​ഷ​നോ​ട്​ ​കോ​ട​തി റി​പ്പോ​ർ​ട്ട്​ ആ​വ​ശ്യ​പ്പെ​ട്ട​ത്. ഈ റിപ്പോർട്ട് പരിഗണിച്ചാണ് ഹൈകോടതി നടപടി.

നിയമസഭ തെരഞ്ഞെടുപ്പിൽ മമത ബാനർജിയുടെ നേതൃത്വത്തിൽ തൃണമൂൽ കോൺഗ്രസ് ബംഗാളിൽ വീണ്ടും അധികാര​ത്തിലെത്തിയിരുന്നു. എന്നാൽ, തെരഞ്ഞെടുപ്പിന്​ ശേഷം വ്യാപക അക്രമ സംഭവങ്ങളാണ് സംസ്ഥാനത്ത് അരങ്ങേറിയത്. സംഘർഷം അടിച്ചമർത്തുന്നതിൽ സംസ്​ഥാനം മൃദ​ുസമീപനം സ്വീകരിച്ചുവെന്നായിരുന്നു ബി.ജെ.പിയുടെ ആരോപണം.

എന്നാൽ, അക്രമ സംഭവങ്ങളുടെ വ്യാജ വിഡിയോകളും ചിത്രങ്ങളുമാണ് വ്യാപകമായി പ്രചരിക്കുന്നതെന്നും തെരഞ്ഞെടുപ്പ്​ ഫലം പ്രഖ്യാപിച്ച ​മേയ്​ രണ്ടിന്​ പൊലീസ്​​ സേന തെരഞ്ഞെടുപ്പ്​ കമീഷന്‍റെ നിയന്ത്രണത്തിലായിരുന്നുവെന്നും ബംഗാൾ സർക്കാറിന്‍റെ റി​േപ്പാർട്ടിൽ പറയുന്നത്​.