ദുർഗ പൂജക്ക്​ കൂടുതൽ ഇളവുകളുമായി കോടതി

കൊൽക്കത്ത: പശ്​ചിമബംഗാളിൽ ദുർഗ പൂജയുമായി ബന്ധപ്പെട്ട ചടങ്ങുകൾ തുടങ്ങാൻ ഒരു ദിവസം മാത്രം ശേഷിക്കെ കൂടുതൽ ഇളവുകളുമായി കോടതി. പൂജക്കായി ഒരുക്കുന്ന പന്തലുകളിൽ 45 പേർക്ക്​ വരെ പ്രവേശിക്കാമെന്നാണ്​ കോടതിയുടെ ഉത്തരവ്​. 400ഓളം വരുന്ന പൂജ നടത്തിപ്പുകാർ നൽകിയ പുനഃപരിശോധന ഹരജിയിലാണ്​ കോടതിയുടെ പുതിയ ഉത്തരവ്​.

300 സ്വകയർ മീറ്ററിൽ കൂടുതൽ വലിപ്പമുള്ള പന്തലുകളിൽ ഒരേ സമയം 45 പേർക്ക്​ വരെ പ്രവേശിക്കാം. പന്തലിൽ പ്രവേശിക്കുന്ന ആളുകൾ ആരൊക്കെയാണെന്ന്​ നേരത്തെ തീരുമാനിക്കണമെന്നും വ്യവസ്ഥയുണ്ട്​. അതേസമയം, ചെറിയ പന്തലുകളിൽ പരമാവധി 15 പേർക്ക്​ മാത്രമാണ്​ പ്രവേശിക്കാനാവുക.

ജസ്​റ്റിസുമാരായ സഞ്​ജീബ്​ ബാനർജി, ആർജിത്​ ബാനർജി എന്നിവരുൾപ്പെട്ട ഡിവിഷൻ ബെഞ്ചി​േൻറതാണ്​ ഉത്തരവ്​. മുമ്പുണ്ടായിരുന്ന ഉത്തരവിൽ പൂജാ പന്തലുകളിൽ കർശന നിയന്ത്രണം ഏർപ്പെടുത്തിയിരുന്നു. ഇത്​ ഇക്കുറി ലഘൂകരിച്ചിട്ടുണ്ട്​.