ശത്രുക്കളുടെ വാക്കുകളല്ല, സൈനികരുടെ നിശ്ചയദാർഢ്യത്തിലാണ് വിശ്വാസം; അതിർത്തിയിൽ ഒരിഞ്ച് ഭൂമിയിലും വിട്ടുവീഴ്ചയില്ലെന്ന് മോദി

അഹമ്മദാബാദ്: അതിർത്തികളിൽ ഒരിഞ്ച് സ്ഥലത്ത് പോലും ഇന്ത്യ വിട്ടുവീഴ്ച ചെയ്യി​ല്ലെന്നും രാജ്യത്തെ സംരക്ഷിക്കുന്ന സൈനിക ശക്തിയിൽ ജനങ്ങൾ വിശ്വാസമർപ്പിക്കുന്നുവെന്നും പ്രധാനമന്ത്രി നരേന്ദ്ര മോദി. ഗുജറാത്തിലെ കച്ച് മേഖലയിൽ സൈനികർക്കൊപ്പം ദീപാവലി ആഘോഷിക്കുകയായിരുന്നു പ്രധാനമന്ത്രി.

ശത്രുക്കളുടെ വാക്കുകളിലല്ല, സൈനികരുടെ ദൃഢനിശ്ചയത്തിലാണ് വിശ്വാസം. നിങ്ങൾ കാരണം രാജ്യം സുരക്ഷിതമാണെന്ന് ജനങ്ങൾക്ക് തോന്നുന്നതായി മോദി ​സൈനികരോട് പറഞ്ഞു.

ഇന്ത്യ-പാക് അതിർത്തിക്കരികിൽ ബി.എസ്.എഫ്, കര,നാവിക, വ്യോമസേന അംഗങ്ങൾക്കൊപ്പമാണ് മോദി ദീപാവലി ആഘോഷിച്ചത്. ബി.എസ്.എഫ് യൂനിഫോം ധരിച്ച മോദി ​​സൈനികർക്ക് മധുരം വിതരണം ചെയ്തു. കച്ചിലെ കോടേശ്വറിൽ വിമാനമിറങ്ങിയ ശേഷമാണ് ​സർ ക്രീക്ക് പ്രദേശത്തെ ലക്കി നാലയിൽ മോദിയെത്തിയത്.