അനുമതിയില്ലാതെ റൂട്ട് മാറിയെന്ന്; ഭാ​ര​ത് ജോ​ഡോ ന്യാ​യ് യാ​ത്രക്കെതിരെ കേസ്

ഗു​വാ​ഹ​തി: അ​സ​മി​ൽ അ​നു​മ​തി​യി​ല്ലാ​ത്ത റൂ​ട്ട് തി​ര​ഞ്ഞെ​ടു​ത്ത​തി​ന്, കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി ന​യി​ക്കു​ന്ന ഭാ​ര​ത് ജോ​ഡോ ന്യാ​യ് യാ​ത്ര​ക്കും മു​ഖ്യ സം​ഘാ​ട​ക​ൻ കെ.​ബി. ബൈ​ജു​വി​നു​മെ​തി​രെ പൊ​ലീ​സ് കേ​സെ​ടു​ത്തു. കെ.​ബി റോ​ഡി​ലെ റൂ​ട്ടി​നു​പ​ക​രം അ​നു​മ​തി​യി​ല്ലാ​തെ ജോ​ർ​ഹ​ട്ട് ടൗ​ണി​ൽ പ്ര​വേ​ശി​ച്ച​തി​നാ​ണ് കേ​സ്. പെ​ട്ടെ​ന്ന് ജ​നം ത​ടി​ച്ചു​കൂ​ടി​യ​തി​നാ​ൽ ചി​ല​ർ വീ​ണെ​ന്നും ഇ​ത് ദു​ര​ന്ത സ​മാ​ന​മാ​യ സാ​ഹ​ച​ര്യം സൃ​ഷ്ടി​ച്ചു​വെ​ന്നു​മാ​ണ് പൊ​ലീ​സ് വി​ശ​ദീ​ക​ര​ണം.

എ​ന്നാ​ൽ, യാ​​ത്ര​ക്ക് അ​നാ​വ​ശ്യ ത​ട​സ്സം സൃ​ഷ്ടി​ക്കാ​നാ​ണ് കേ​സെ​ടു​ത്ത​തെ​ന്ന് അ​സം പ്ര​തി​പ​ക്ഷ നേ​താ​വ് ദേ​ബ​ബ്ര​ത സൈ​കി​യ ആ​രോ​പി​ച്ചു. യാ​ത്ര​യു​ടെ വി​ജ​യ​ത്തി​ൽ മു​ഖ്യ​മ​ന്ത്രി ഹി​മ​ന്ത ബി​ശ്വ​ശ​ർ​മ ആ​ദ്യ ദി​വ​സം ത​ന്നെ ഭ​യ​ന്നി​രി​ക്കു​ക​യാ​ണെ​ന്നും ഇ​പ്പോ​ൾ അ​ട്ടി​മ​റി​ക്കാ​നാ​ണ് ശ്ര​മ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഭാ​ര​ത് ന്യാ​യ് ജോ​ഡോ യാ​ത്ര ബി.​െ​ജ.​പി ഭ​രി​ക്കു​ന്ന അ​സ​മി​ൽ നി​ര​വ​ധി ത​ട​സ്സ​ങ്ങ​ളാ​ണ് നേ​രി​ടു​ന്ന​തെ​ന്ന് കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി ജ​യ​റാം ര​മേ​ശ് കു​റ്റ​പ്പെ​ടു​ത്തി.

ആ​ദ്യ ഭാ​ര​ത് ജോ​ഡോ യാ​ത്ര ബി.​ജെ.​പി ഭ​ര​ണ​മു​ള്ള സം​സ്ഥാ​ന​ങ്ങ​ളി​ൽ പോ​ലും പ്ര​ശ്ന​ങ്ങ​ൾ നേ​രി​ട്ടി​രു​ന്നി​ല്ല. ര​ണ്ടു ദി​വ​സ​ത്തി​നി​ടെ അ​സ​മി​ലു​ണ്ടാ​യ ബു​ദ്ധി​മു​ട്ടു​ക​ൾ മ​റ്റെ​വി​ടെ​യു​മു​ണ്ടാ​യി​ട്ടി​ല്ല.

ഒ​രു ദി​വ​സം കൊ​ണ്ടു​ത​ന്നെ മു​ഖ്യ​മ​ന്ത്രി പ​രി​ഭ്ര​മി​ച്ചി​രി​ക്കു​ക​യാ​ണ്. കേ​സെ​ടു​ത്ത് ഞ​ങ്ങ​ളെ ഭീ​ഷ​ണി​പ്പെ​ടു​ത്തി​യി​രി​ക്കു​ക​യാ​ണ്.​യാ​ത്ര​യി​ൽ പ​​ങ്കെ​ടു​ക്കു​ന്ന​തി​ൽ നി​ന്ന് ജ​ന​ങ്ങ​ളെ ത​ട​ഞ്ഞു​വെ​ന്നും ജ​യ​റാം ര​മേ​ശ് ആ​രോ​പി​ച്ചു.

ഭാരത് ജോഡോ ന്യായ് യാത്ര മജുലി ദ്വീപിൽ

ജോ​ർ​ഹ​ട്ട്: അ​സ​മി​ലെ മ​ജു​ലി ദ്വീ​പി​ലേ​ക്ക് ഭാ​ര​ത് ജോ​ഡോ യാ​ത്ര സം​ഘം എ​ത്തി. വെ​ള്ളി​യാ​ഴ്ച രാ​വി​ലെ ജോ​ർ​ഹ​ട്ട് ജി​ല്ല​യി​ലെ നി​മ​തി​ഗ​ട്ടി​ൽ​നി​ന്ന് മ​ജു​ലി ജി​ല്ല​യി​​ലെ അ​ഫ​ല​മു​ഖ് ഗ​ട്ടി​ലേ​ക്ക് നി​ര​വ​ധി ബോ​ട്ടു​ക​ളി​ലാ​യി​രു​ന്നു യാ​ത്ര. ലോ​ക​ത്ത് ഏ​റ്റ​വും കൂ​ടു​ത​ൽ ആ​ളു​ക​ൾ താ​മ​സി​ക്കു​ന്ന ന​ദീ ദ്വീ​പാ​ണ് മ​ജു​ലി. ചി​ല വാ​ഹ​ന​ങ്ങ​ൾ​ക്ക് ബ്ര​ഹ്മ​പു​ത്ര ന​ദി ക​ട​ക്കാ​ൻ പ്ര​ത്യേ​ക ക​ട​ത്തു​വ​ള്ള​ങ്ങ​ൾ ഒ​രു​ക്കി​യി​രു​ന്നു. കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി ജ​യ്റാം ര​മേ​ശ്, സം​സ്ഥാ​ന പ്ര​സി​ഡ​ന്റ് ഭൂ​പ​ൻ​കു​മാ​ർ ബോ​റ, പ്ര​തി​പ​ക്ഷ നേ​താ​വ് ദേ​ബ​ബ്ര​ത സൈ​ക്കി​യ തു​ട​ങ്ങി​യ​വ​ർ രാ​ഹു​ൽ ഗാ​ന്ധി​യെ അ​നു​ഗ​മി​ച്ചു. ബ്ര​ഹ്മ​പു​ത്ര ന​ദി​ക്ക് ന​ടു​വി​ലു​ള്ള മ​ജു​ലി ദ്വീ​പ് 2016ലാ​ണ് ജി​ല്ല​യാ​യി പ്ര​ഖ്യാ​പി​ച്ച​ത്. ജി​ല്ല​യാ​ക്ക​പ്പെ​ടു​ന്ന ആ​ദ്യ ദ്വീ​പും ലോ​ക​ത്തി​ലെ ഏ​റ്റ​വും വ​ലി​യ ന​ദീ ദ്വീ​പും മ​ജു​ലി​യാ​ണ്.