'കോടതിയും കേസുമായി ​പോയാൽ വർഷങ്ങളെടുക്കും'; ബിസിനസുകാരന്‍റെ മരണത്തിൽ കുടുംബത്തോട്​ പൊലീസ്​

ലഖ്​നോ: ഹോട്ടൽ മുറിയിലെ റെയ്​ഡിനിടെ ബിസിനസുകാരൻ മരിച്ച സംഭവത്തിൽ കുടുംബത്തെ കേസിൽനിന്ന്​ പിന്തിരിപ്പിക്കാൻ ശ്രമിച്ച്​ മുതിർന്ന ഉദ്യോഗസ്​ഥർ. ഉത്തർപ്രദേശിലെ ഗൊരഖ്​പൂരിലാണ്​ സംഭവം. നഗരത്തിലെ ഹോട്ടലിൽ തിങ്കളാഴ്​ച രാത്രി നടന്ന റെയ്​ഡിനിടെ ബിസിനസുകാരനായ മനീഷ്​ ഗുപ്​തയാണ്​ മരിച്ചത്​.

സംഭവത്തിൽ മനീഷിനെ കൊലപ്പെടുത്തിയതാണെന്ന ആരോപണവുമായി കുടുംബം രംഗത്തെത്തിയിരുന്നു. മനീഷിന്‍റെ മരണവുമായി ബന്ധപ്പെട്ട്​ നാലുപേർക്കെതിരെ ​െകാലപാതക കുറ്റം ചുമത്തി കേസെടുക്കുകയും ആറുപേരെ സസ്​പെൻഡ്​ ചെയ്യുകയും ചെയ്​തിരുന്നു.

പൊലീസുകാർ ഉൾപ്പെടെ മുതിർന്ന ഉദ്യോഗസ്​ഥരാണ്​ കുടുംബത്തെ അനുനയിപ്പിക്കാൻ ​ശ്രമം നടത്തുന്നത്​. ഇതിന്‍റെ വിഡിയോ ദൃശ്യങ്ങൾ പുറത്തുവന്നു. കുടുംബാംഗങ്ങളിലൊരാളാണ്​ വിഡിയോ പകർത്തിയതെന്നാണ്​ വിവരം. അവ്യക്തമായ വിഡിയോയിൽ ജില്ല മജിസ്​ട്രേറ്റ്​ വിജയ്​ കിരൺ ആനന്ദിനെയും പൊലീസ്​ മേധാവി വിപിൻ താഡയെയും കാണാം. രാജ്യസഭ എം.പിയും ആം ആദ്​മി പാർട്ടി നേതാവുമായ സഞ്​ജയ്​ സിങ്ങാണ്​ വിഡിയോ ട്വിറ്ററിൽ പങ്കുവെച്ചത്​.

മനീഷിന്‍റെ മരണത്തിൽ കേസുമായി മുന്നോട്ടുപോകുകയാണെങ്കിൽ വർഷങ്ങൾ എടു​ക്കുമെന്ന്​ ജില്ല മജിസ്​ട്രേറ്റ്​ കുടുംബാംഗങ്ങളോട്​ പറയുന്നത്​ കേൾക്കാം. 'ഒരു ജ്യേഷ്​ഠനെ​േപ്പാലെ ഞാൻ നിങ്ങളോട്​ അഭ്യർഥിക്കുന്നു. ഒരു കോടതി കേസാണെങ്കിൽ വർഷങ്ങളോളമെടുക്കും' -വിജയ്​ കിരൺ ആനന്ദ്​ പറയുന്നു. തുടർന്ന്​ ചർച്ചയിൽ പൊലീസ്​ മേധാവി ഇട​െപ്പടുന്നുണ്ട്​. 'അവർക്ക്​ (പൊലീസുകാർക്ക്​) മുൻവൈരാഗ്യം ഉണ്ടായിരുന്നില്ല. അവർ യൂണിഫോമിലാണ്​ അവിടെയെത്തിയത്​. അതിനാലാണ്​ ഞാൻ നിങ്ങളെ ശ്രദ്ധിക്കുന്നതും. നിങ്ങൾ അവരെ സസ്​പെൻഡ്​ ചെയ്യണമെന്ന്​ ആവശ്യപ്പെട്ടു. അത്​ ഞാൻ ചെയ്​തുനൽകി. അവർക്ക്​ ക്ലീൻചിറ്റ്​ ലഭിക്കുന്നതുവരെ അവർക്കെതിരായ നടപടി പിൻവലിക്കില്ല' -വിപിൻ താഡ പറയുന്നത്​ വിഡിയോയിൽ കാണാം. തുടർന്ന്​ വിഡിയോ ചിത്രീകരിക്കുന്ന യുവാക്കളോട്​ അവ നിർത്താൻ ആവശ്യപ്പെടുന്നതും വിഡിയോയിലുണ്ട്​.

യു.പി കാൺപൂർ സ്വദേശിയായ മനീഷ്​ മുറിയിൽ തെന്നിവീണ്​ കൊല്ല​െപ്പടുകയായിരുന്നുവെന്നാണ്​ പൊലീസിന്‍റെ വാദം. മനീഷും രണ്ടു സുഹൃത്തുക്കളും ​പൊലീസ്​ പരിശോധന നടക്കു​േമ്പാൾ ഹോട്ടൽ മുറിയിലുണ്ടായിരുന്നു. ബിസിനസ്​ പങ്കാളികളായ മൂവരും ഒരു സുഹൃത്തിനെ കാണാൻ എത്തിയതായിരുന്നുവെന്ന്​ പറയുന്നു.

'മുറിയിൽ മൂന്നുപേരും കിടന്നുറങ്ങവേ രാത്രി 12.30ക്കാണ്​ പൊലീസ്​ മുറിയിലെത്തുന്നത്​. വാതിൽ തുറന്നതോടെ ഏഴോളം പൊലീസുകാർ റൂം ബോയ്​ക്കൊപ്പം മുറിയിൽ പ്രവേശിക്കുകയായിരുന്നു. തുടർന്ന്​ തിരിച്ചറിയൽ രേഖ ചോദിച്ചു. എന്‍റെ കൈയിലു​ള്ള രേഖകൾ കാണിച്ചതോടെ അവർ മനീഷിനെ വിളിച്ചുണർത്തി. അദ്ദേഹം അർധരാത്രിയിൽ ഇത്തരം ബുദ്ധിമുട്ടുകൾ സൃഷ്​ടിക്കുന്നത്​ എന്തിനാണെന്ന്​ പൊലീസിനോട്​ ചോദിച്ചു. ഇതോടെ പൊലീസുകാർ ഞങ്ങളെ ഭീഷണിപ്പെടുത്തുകയായിരുന്നു' -ഹോട്ടൽ മുറിയിൽ മനീഷിനൊപ്പമുണ്ടായിരുന്ന ഹർവീർ സിങ്​ പറയുന്നു.

പൊലീസുകാർ മദ്യപിച്ചിരുന്നു. അതിൽ ഒരു പൊലീസുകാരൻ എന്നെ മർദിച്ചു. ചിലരുടെ കൈവശം തോക്കുണ്ടായിരുന്നു. എന്നെ പിന്നീട്​ പൊലീസുകാർ പുറത്തേക്ക്​ കൊണ്ടുവന്നു. നിമിഷങ്ങൾക്കം മനീഷിനെ പൊലീസുകാർ വലിച്ചുകൊണ്ടുവരുന്ന ദൃശ്യങ്ങളാണ്​ കണ്ടത്​. അദ്ദേഹത്തിന്‍റെ മുഖത്ത്​ രക്തം ഒലിച്ചിറങ്ങുന്നുണ്ടായിരുന്നു -ഹർവീർ സിങ്​ കൂട്ടിച്ചേർത്തു.

അതേസമയം, സംശയകരമായ രീതിയിൽ മൂന്നുപേർ സിറ്റിയിൽ മുറിയെടുത്ത്​ താമസിക്കുന്ന വിവരം ലഭിച്ചതിനെ തുടർന്നാണ്​ പരിശോധന നടത്തിയതെന്നും മനീഷ്​ മുറിയിൽ കാൽതെന്നി വീണ്​ മരിക്കുകയുമായിരുന്നുവെന്നാണ്​ പൊലീസിന്‍റെ വാദം.