ജഡ്ജിയുടെ വീട്ടിൽ പണക്കൂമ്പാരം: ചീഫ് ജസ്റ്റിസിനെ കണ്ട് ബാർ അസോസിയേഷൻ അധ്യക്ഷന്മാർ

ന്യൂ​ഡ​ൽ​ഹി: ജ​ഡ്ജി​യു​ടെ വീ​ട്ടി​ൽ പ​ണ​ക്കൂ​മ്പാ​രം ക​ണ്ടെ​ത്തി​യ​തി​ന്റെ അ​ടി​സ്ഥാ​ന​ത്തി​ൽ ജ​സ്റ്റി​സ് യ​ശ്വ​ന്ത് വ​ർ​മ​ക്കെ​തി​രെ പൊ​ലീ​സ് എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത് അ​ന്വേ​ഷ​ണം ന​ട​ത്താ​ൻ ഉ​ത്ത​ര​വി​ട​ണ​മെ​ന്ന് ഹൈ​കോ​ട​തി ബാ​ർ അ​സോ​സി​യേ​ഷ​ൻ ത​ല​വ​ന്മാ​ർ സു​പ്രീം​കോ​ട​തി ചീ​ഫ് ജ​സ്റ്റി​സി​നോ​ട് നേ​രി​ൽ ക​ണ്ട് ആ​വ​ശ്യ​പ്പെ​ട്ടു. അ​ല​ഹ​ബാ​ദ് ​ഹൈ​കോ​ട​തി​യി​ലേ​ക്ക് ജ​സ്റ്റി​സ് വ​ർ​മ​യെ തി​രി​ച്ച​യ​ക്കാ​നു​ള്ള ഉ​ത്ത​ര​വ് സ്റ്റേ ​ചെ​യ്യ​ണ​മെ​ന്നും ഇ​വ​ർ ആ​വ​ശ്യ​പ്പെ​ട്ടു.

കേ​ര​ള, ക​ർ​ണാ​ട​ക, ഗു​ജ​റാ​ത്ത്, അ​ല​ഹ​ബാ​ദ്, ല​ഖ്നോ ഹൈ​കോ​ട​തി ബാ​ർ അ​സോ​സി​യേ​ഷ​നു​ക​ളു​ടെ അ​ധ്യ​ക്ഷ​ന്മാ​രാ​ണ് ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന​ക്ക് ഈ ​ആ​വ​ശ്യ​മു​ന്ന​യി​ച്ച് ക​ത്തെ​ഴു​തി​യ ശേ​ഷം ഡ​ൽ​ഹി​യി​ൽ വ​ന്ന് അ​ദ്ദേ​ഹ​ത്തെ നേ​രി​ൽ ക​ണ്ട​ത്. കേ​സി​ൽ ശ​രി​യാ​യ അ​ന്വേ​ഷ​ണം വേ​ണ​മെ​ന്നും ഇ​വ​ർ ആ​വ​ശ്യ​പ്പെ​ട്ടു. അ​ല​ഹ​ബാ​ദ് ഹൈ​കോ​ട​തി​യി​ലേ​ക്കു​ള്ള സ്ഥ​ലം മാ​റ്റം ത​ട​ഞ്ഞി​ല്ലെ​ങ്കി​ൽ അ​വി​ടെ​യെ​ത്തി ബാ​ർ അ​സോ​സി​യേ​ഷ​ൻ ന​ട​ത്തു​ന്ന സ​മ​ര​ത്തി​നു പി​ന്തു​ണ ന​ൽ​കു​മെ​ന്നും ഇ​വ​ർ വ്യ​ക്ത​മാ​ക്കി.

നി​യ​മ മ​ന്ത്രി പാ​ർ​ല​മെ​ന്റി​ൽ വി​ശ​ദീ​ക​രി​ക്ക​ണം -പ്ര​തി​പ​ക്ഷം

ന്യൂഡൽഹി: ജ​ഡ്ജി​യു​ടെ വീ​ട്ടി​ൽ പ​ണ​ക്കൂ​മ്പാ​രം ക​ണ്ടെ​ത്തി​യ​ സം​ഭ​വ​ത്തി​ൽ കേ​ന്ദ്ര നി​യ​മ മ​ന്ത്രി പാ​ർ​ല​മെ​ന്റി​ൽ വി​ശ​ദീ​ക​രി​ക്ക​ണ​മെ​ന്ന് പ്ര​തി​പ​ക്ഷം ലോ​ക്സ​ഭ​യി​ൽ ആ​വ​ശ്യ​പ്പെ​ട്ടു. കോ​ൺ​ഗ്ര​സ് നേ​താ​വ് മ​നീ​ഷ് തി​വാ​രി, തൃ​ണ​മൂ​ൽ കോ​ൺ​ഗ്ര​സ് നേ​താ​വ് ക​ല്യാ​ൺ ബാ​ന​ർ​ജി എ​ന്നി​വ​ർ ശൂ​ന്യ​വേ​ള​യി​ലാ​ണ് വി​ഷ​യം ഉ​ന്ന​യി​ച്ച​ത്. അ​തേ​സ​മ​യം, വി​ഷ​യം ച​ർ​ച്ച ചെ​യ്യാ​ൻ മ​നീ​ഷ് തി​വാ​രി അ​ട​ക്ക​മു​ള്ള​വ​ർ സ​മ​ർ​പ്പി​ച്ച അ​ടി​യ​ന്ത​ര പ്ര​മേ​യ​ത്തി​ന് സ്പീ​ക്ക​ർ അ​നു​മ​തി നി​ഷേ​ധി​ച്ചു.

ജ​ഡ്ജി​മാ​രെ വി​ളി​ച്ചു​വ​രു​ത്തി ഇം​പീ​ച്ച് ചെ​യ്യാ​ൻ അ​ധി​കാ​ര​മു​ള്ള പാ​ർ​ല​മെ​ന്റി​ന് അ​വ​രു​ടെ മേ​ൽ​നോ​ട്ട​ത്തി​ന് അ​വ​കാ​ശ​മു​ണ്ടെ​ന്നും മ​നീ​ഷ് തി​വാ​രി പ​റ​ഞ്ഞു. പ​ണ​ക്കൂ​മ്പാ​രം കി​ട്ടി​യ വി​ഷ​യ​ത്തി​ൽ എ​ന്തെ​ല്ലാം ഇ​തു​വ​രെ സം​ഭ​വി​ച്ചെ​ന്ന് നി​യ​മ മ​ന്ത്രി കൃ​ത്യ​മാ​യി സ​ഭ​യെ അ​റി​യി​ക്കേ​ണ്ട​തു​ണ്ടെ​ന്നും തി​വാ​രി പ​റ​ഞ്ഞു. അ​ഴി​മ​തി​ക്കാ​രാ​യ ജ​ഡ്ജി​മാ​രെ കൊ​ണ്ടു​വ​ന്നു​ത​ള്ളാ​നു​ള്ള ച​വ​റ്റു​കു​ട്ട​യാ​ക്കി അ​ല​ഹ​ബാ​ദ്, ​കൊ​ൽ​ക്ക​ത്ത ഹൈ​കോ​ട​തി​ക​ളെ മാ​റ്റി​യെ​ന്ന് ക​ല്യാ​ൺ ബാ​ന​ർ​ജി കു​റ്റ​പ്പെ​ടു​ത്തി. വി​ഷ​യം പാ​ർ​ല​മെ​ന്റി​ൽ ച​ർ​ച്ച ചെ​യ്യാ​ൻ സ​ർ​ക്കാ​ർ ഇ​തു​വ​രെ സ​മ്മ​തി​ച്ചി​ട്ടി​ല്ല.