കാവേരി പ്രശ്​നം: തമിഴ്​നാട്ടിൽ 48 മണിക്കൂർ കർഷക പ്രതിഷേധം

ചെന്നൈ: കാവേരി നദിയിൽ നിന്നും വെള്ളം വിട്ടു നൽകുന്നതിന്​ കേന്ദ്രസർക്കാർ കാവേരി മാനേജ്​മെൻറ്​ ബോർഡ്​ രൂപീകരിക്കണമെന്ന ആവശ്യവുമായി തമിഴ്​നാട്ടിൽ വ്യാപക കർഷക പ്രതിഷേധം. തിങ്കളാഴ്​ച രാവിലെ ആരംഭിച്ച ‘റാലി ​രോക്കോ’ എന്ന കർഷക പ്രതിഷേധം കാവേരി നദിയുടെ സമീപ ജില്ലകളിലും ​ചെന്നൈ ഉൾപ്പെടെയുള്ള നഗരങ്ങളിലുമാണ്​ നടക്കുന്നത്​. 48 മണിക്കൂർ പ്രതിഷേധവുമായി മുന്നോട്ടു പോകാനാണ്​ കർഷക ഫെഡറേഷൻ തീരുമാനിച്ചിരിക്കുന്നത്​.

​പേരമ്പൂരിൽ ഡി.എം.കെ നേതാവ്​ എം.കെ സ്​റ്റാലി​െൻറ നേതൃത്വത്തിലാണ്​  പ്രതിഷേധ റാലി നടന്നത്​. ഡി.എം.കെ, എ.ഡി.എം.കെ, ഇടതുപാർട്ടി പ്രതിനിധികളും പ്രവർത്തകരും റാലിയിൽ പങ്കുചേർന്നു.
തഞ്ചാവൂർ, കുടല്ലൂർ എന്നിവടങ്ങളിൽ റാലിക്ക്​ നേതൃത്വം നൽകിയ നേതാക്കളെ പൊലീസ്​ കസ്​റ്റഡിയിലെടുത്തു. തുടർന്ന്​ പൊലീസും ഡി.എം.കെ പ്രവർത്തകരും തമ്മിൽ സംഘർഷമുണ്ടായി.
തമിഴ്​നാട്ടി​ലെ കാവേരി നദീ പ്രദേശങ്ങളിലെ സ്ഥിതികൾ പരിശോധിക്കാൻ സുപ്രീംകോടതി ഉന്നതതല സംഘത്തെ നിയമിച്ചതിന്​ തൊട്ടുപിറകെയാണ്​ സംസ്ഥാനം മുഴുവനായും പ്രതിഷേധം ശക്തമാക്കിയിരിക്കുന്നത്​.