അഭയകേന്ദ്രത്തിലെ പീഡനം: നിതീഷ്​ കുമാറി​നെതിരെ അന്വേഷണത്തിന്​ ഉത്തരവ്​

പട്​ന: ബിഹാറിലെ അഭയകേന്ദ്രത്തിലെ പീഡനവുമായി ബന്ധപ്പെട്ട്​ മുഖ്യമന്ത്രി നിതീഷ്​ കുമാറിനെതിരെ സി.ബി.​െഎ അന്വേ ഷണം നടത്താൻ ഉത്തരവ്​. പോക്​സോ കേസുകൾ പരിഗണിക്കുന്ന പ്രത്യേക കോടതിയാണ്​ ഉത്തരവിട്ടത്​. ഇതിന്​ പുറമേ മുസാഫർ പുർ ജില്ലാ മജിസ്​ട്രേറ്റ്​ ധർമേന്ദ്ര സിങ്​, സാമൂഹ്യ ക്ഷേമ വകുപ്പിലെ പ്രിൻസിപ്പിൽ സെക്രട്ടറി അതുൽ പ്രസാദ്​ തുടങ്ങിയവർക്കെതിരെയും അന്വേഷണം നടത്താൻ നിർദേശിച്ചിട്ടുണ്ട്​.

കേസിൽ ആരോപണ വിധേയയായ അഷ്​വാനി എന്ന മെഡിക്കൽ പ്രാക്​ടീഷണർ നൽകിയ ഹരജി പരിഗണിച്ചാണ്​ നടപടി. സി.ബി.​െഎ കേസിൽ മുഖ്യമന്ത്രി ഉൾപ്പടെയുള്ളവർക്കെതിരെ ശരിയായ അന്വേഷണം നടത്തുന്നില്ലെന്ന്​ ആരോപിച്ചാണ്​ ഹരജി നൽകിയത്​. ഇതി​​െൻറ അടിസ്ഥാനത്തിൽ ഇവർക്കെതിരെ അന്വേഷണം നടത്താൻ പോക്​സോ കോടതി ഉത്തരവിട്ടത്​.

കുട്ടികൾ പീഡനം അനുഭവിക്കുന്നുവെന്ന്​ കണ്ടെത്തിയ അഭയകേന്ദ്രങ്ങൾ പിന്നീടും സംസ്ഥാന സർക്കാർ ഫണ്ട്​ നൽകിയെന്ന ആരോപണം ഉയർന്നിട്ടുണ്ട്​. അഭയകേന്ദ്രങ്ങളെ സംബന്ധിച്ച വിവരങ്ങൾ സമർപ്പിക്കുന്നതിലും സർക്കാറിന്​ വീഴ്​ച വന്നിട്ടുണ്ടെന്നും ആരോപണമുണ്ട്​. നേരത്തെ സുപ്രീംകോടതി ഇടപ്പെട്ടാണ്​ കേസിലെ വിചാരണ സി.ബി.​െഎ കോടതിയിൽ നിന്ന്​ പ്രത്യേക പോക്​സോ കോടതിയിലേക്ക്​ മാറ്റിയത്​.