വിവരാവകാശ കമ്മീഷന്​​ തെരഞ്ഞെടുപ്പ്​ കമ്മീഷ​െൻറ പദവിയെന്ന്​ സുപ്രീംകോടതി

ന്യൂഡൽഹി: കേന്ദ്ര വിവരാവകാശ കമ്മീഷനെ നിയന്ത്രിക്കാനുള്ള കേന്ദ്ര സർക്കാറി​​​െൻറ ശ്രമങ്ങൾക്ക്​ തിരിച്ചടി നൽ കി സുപ്രീം കോടതി. മുഖ്യ തെരഞ്ഞെടുപ്പ്​ കമ്മീഷണറുടെ അതേ പദവിയാണ്​ കേന്ദ്ര വിവരാവകാശ കമ്മീഷണർക്കുമെന്ന്​ സുപ് രീംകാടതി വ്യക്​തമാക്കി. ഉദ്യോഗസ്​ഥരെ മാത്രം വെച്ച്​ വിവരാവകാശ കമ്മീഷനിലെ ഒഴിവുകൾ നികത്തുന്നതു സംബന്ധിച്ച് ​ വിവരാവകാശ പ്രവർത്തക​ അഞ്​ജലി ഭരദ്വാജ്​ നൽകിയ പൊതുതാത്​പര്യ ഹരജിയിലാണ്​ ഉത്തരവ്​.

എ.കെ സിക്രി, അബ്​ദുൽ നസീർ എന്നിവരടങ്ങിയ ബെഞ്ചാണ്​ വിധി പറഞ്ഞത്​. വിവരാവകാശ കമ്മീഷണർമാരെ നയമിക്കുന്നത്​ ആർ.ടി.​െഎ ആക്​ട്​ പ്രകാരമാണ്​. അതിന്​ ഉദ്യോഗസ്​ഥരെ മാത്രം പരിഗണിക്കണമെന്നില്ല. വിവിധ പ്രഫഷണുകളിൽ നിന്നുള്ളവരെയും വൈദഗ്​ധ്യമുള്ളവരെയും പരിഗണിക്കണമെന്നും ബെഞ്ച്​ നിർദേശിച്ചു.

സെർച്​ കമ്മിറ്റിയുടെ റിപ്പോർട്ട്​ പ്രകാരം ഉദ്യോഗസ്​ഥ വർഗം മാത്രമാണ്​ സ്​ഥാനത്തിന്​ അർഹത നേടിയിട്ടുള്ളവർ. അവരിൽ പലരും ​െഎ.എ.എസും മറ്റും നേടി നിരവധി വർഷം പ്രവർത്തി പരിചയമുള്ള മിടുക്കരാണെന്നതിലും സംശയമില്ല. എന്നാൽ പ്രഫസർമാർ, മാധ്യമപ്രവർത്തകർ, ശാസ്​ത്രജ്​ഞർ, അഭിഭാഷകർ പോലെ മറ്റു ശാഖകളിൽ നിന്നുള്ളവരെയും പരിഗണിച്ചാൽ എന്താണ്​ പ്രശ്​നമെന്നും സുപ്രീംകോടതി അഡീഷണൽ സോളിസിറ്റർ ജനറൽ പിങ്കി ആനന്ദിനോട്​ ചോദിച്ചു.

സംസ്​ഥാന വിവരാവകാശ കമ്മീഷനിലെ അംഗങ്ങളുടെ എണ്ണം വർധിപ്പിക്കണമെന്നും ആറുമാസത്തിനുള്ളിൽ ഒഴിവുകൾ നികത്തണമെന്നും കോടതി നിർദേശിച്ചു.