മധ്യപ്രദേശ്​​ സർക്കാറിനെ അട്ടിമറിക്കാൻ ജനങ്ങളുടെ ജീവൻ​ കേന്ദ്രം അപകടത്തിലാക്കി -കമൽനാഥ്​

ഭോപാൽ: ബി.ജെ.പിക്കെതിരെ ഗുരുതര ആരോപണവുമായി മധ്യപ്രദേശ്​ മുൻ മുഖ്യമന്ത്രി കമൽനാഥ്​. കോവിഡ്​ വ്യാപന ഭീതി ഉണ് ടായിട്ടും മധ്യപ്രദേശിലെ കോൺഗ്രസ്​ സർക്കാറിനെ അട്ടിമറിക്കാനുള്ള സമയം ലഭിക്കാനായി രാജ്യവ്യാപക ലോക്​ഡൗൺ ബി. ജെ.പി വൈകിപ്പിക്കുകയായിരുന്നുവെന്ന്​ അദ്ദേഹം പറഞ്ഞു. ജനങ്ങളുടെ ജീവൻ പണയം വെച്ചാണ്​ അധികാരത്തിനായി ബി.ജെ.പി കര ുക്കൾ നീക്കിയതെന്നും അദ്ദേഹം പറഞ്ഞു.

മാർച്ച്​ 23 ന്​ മധ്യപ്രദേശിൽ ബി.ജെ.പി സർക്കാർ അധികാരമേൽക്കുന്നത്​ വരെ കാത്തിരിക്കുകയായിരുന്നു ബി.ജെ.പിയെന്ന്​ കമൽനാഥ്​ പറഞ്ഞു. കോവിഡ്​ ഭീഷണിയുടെ പ്രത്യാഘാതം സംബന്ധിച്ച്​ ഫെബ്രു വരി 12 ന്​ തന്നെ രാഹുൽ ഗാന്ധി മുന്നറിയിപ്പ്​ നൽകിയതാണ്​. 40 ദിവസങ്ങൾക്ക്​ ശേഷം മാർച്ച്​ 24 നാണ്​ ലോക്​ഡൗൺ പ്രഖ്യാപിച്ചത്​. അപ്പോഴേക്കും കോവിഡ്​ ​േ​രാഗികളുടെ എണ്ണം 3 ൽ നിന്ന്​ 536 ആയി വർധിച്ചിട്ടുണ്ടായിരുന്നു.

മാർച്ച്​ 12 ന്​ ലോകാരോഗ്യ സംഘടനയും മുന്നറിയിപ്പ്​ നൽകിയതാണ്​. മാർച്ച്​ 14 ന്​ മധ്യപ്രദേശിലെ വിദ്യാഭ്യാസ സ്​ഥാപനങ്ങളും മറ്റും അടച്ച്​ രോഗവ്യാപനം തടയാൻ കോൺഗ്രസ്​ സർക്കാർ ശ്രമം നടത്തുകയായിരുന്നു. മറ്റു 13 സംസ്​ഥാനങ്ങളും അതേ നടപടികളുമായി മുന്നോട്ട്​ പോയിരുന്നു. എന്നാൽ, മധ്യപ്രദേശിൽ ബി.ജെ.പി സർക്കാർ അധികാരമേൽക്കുന്നത്​ വരെ കേന്ദ്രസർക്കാർ നടപടികൾ ​ൈവകിപ്പിക്കുകയായിരുന്നു. ഫെബ്രുവരി മാസത്തിൽ തുടങ്ങിയ മധ്യപ്രദേശ്​ ഒാപറേഷൻ പൂർത്തിയാക്കാൻ ബി.ജെ.പി കാത്തിരുന്നു. മാർച്ച്​ 23 ന്​ ബി.ജെ.പി അധികാരമേറ്റ ശേഷം 24 ന്​ അവർ ലോക്​ഡൗൺ പ്രഖ്യാപിച്ചു.

ബി.ജെ.പി എം.എൽ.എമാരും കോൺഗ്രസിലെ വിമത എം.എൽ.എമാരും റിസോർട്ടിൽ ആഘോഷിക്കു​േമ്പാൾ കോൺഗ്രസ്​ സർക്കാർ കോവിഡ്​ വ്യാപനം തടയാനുള്ള കഠിനശ്രമങ്ങളിലായിരുന്നു. കോവിഡ്​ പശ്ചാത്തലത്തിൽ നിയമസഭാ സമ്മേളനം നിർത്തിവെക്കാൻ മാർച്ച്​ 16 ന്​ തീരുമാനിച്ചപ്പോൾ ബി.ജെ.പി സുപ്രീംകോടതിയെ സമീപിച്ചു. കോടതി വിധി വരുന്നത്​ വരെയും രാജ്യത്തെ സാഹചര്യങ്ങൾ മോശമാകുന്നത്​ കേന്ദ്ര സർക്കാർ പരിഗണിച്ചില്ല. മധ്യപ്രദേശിൽ സർക്കാറുണ്ടാക്കാൻ രാജ്യത്തെ ജനങ്ങളുടെ ജീവൻ ബി.ജെ.പി പ്രതിസന്ധിയിലാക്കുകയായിരുന്നുവെന്ന്​ അദ്ദേഹം പറഞ്ഞു.

നിലവിൽ മധ്യപ്രദേശിലെ അവസ്​ഥ ഭീതിജനകമാണെന്നും കമൽനാഥ്​ പറഞ്ഞു. ആരോഗ്യ വിഭാഗം പ്രിൻസിപ്പൽ സെക്രട്ടറി അടക്കം 45 ഉദ്യോഗസ്​ഥർക്ക്​ കോവിഡ്​ ബാധിച്ചിട്ടുണ്ട്​. മന്ത്രിസഭ പോലുമില്ലാതെ മുഖ്യമന്ത്രി ശിവ്​രാജ്​ സിഹ്​ ചൗഹാൻ നടത്തുന്ന ഭരണനിർവഹണം പരിതാപകരമാണെന്നും അദ്ദേഹം ആരോപിച്ചു.