കേന്ദ്രം മഹാമാരിക്കെതിരെ പൊരുതുകയാണ്,​ കോൺഗ്രസിനെ പോലെ​ വൃത്തികെട്ട രാഷ്​ട്രീയം കളിക്കുകയല്ല: മുക്താർ അബ്ബാസ്​ നഖ്​വി

ന്യൂഡൽഹി: കോൺഗ്രസ്​ പാർട്ടിയും അവരുടെ സഖ്യ കക്ഷികളും വൃത്തികെട്ട രാഷ്​ട്രീയം കളിക്കു​േമ്പാൾ കേന്ദ്ര സർക്കാർ ഭീകരമായ മഹാമാരിക്കെതിരെ പൊരുതുകയാണെന്ന്​ ബി.ജെ.പി നേതാവും കേന്ദ്ര മന്ത്രിയുമായ മുക്താർ അബ്ബാസ്​ നഖ്​വി. 'ഞങ്ങൾ ഭീകരമായ മഹാമാരിക്കെതിരെ പൊരുതുകയാണ്​. ഇത്​ രാഷ്​ട്രീയം കളിക്കാനുള്ള സമയമല്ല. അതുകൊണ്ട്​ ഞങ്ങൾ പകലും രാത്രിയും കൊറോണക്കെതിരെ പോരാടുകയാണ്​. അല്ലാതെ കോൺഗ്രസിനെയും അവരുടെ സഖ്യകക്ഷികളെയും പോലെ വൃത്തികെട്ട രാഷ്ട്രീയം കളിക്കുകയല്ല. ആളുകളുടെ ജീവൻ അപകടത്തിലായിരിക്കു​േമ്പാൾ ഇതുപോലെ രാഷ്​ട്രീയം കളിക്കരുതെന്ന്​ ഞാൻ അവരോട്​ ആവശ്യപ്പെടുകയാണ്​ -നഖ്​വി പറഞ്ഞു.

കോൺഗ്രസ്​ നേതാവ്​ രാഹുൽ ഗാന്ധി മഹാമാരിയെയും വാക്​സിനെയും കൈകാര്യം ചെയ്യുന്നതിൽ കേന്ദ്ര സർക്കാരി​െൻറ വീഴ്​ച്ച ചൂണ്ടിക്കാട്ടിയതിന്​ പിന്നാലെയാണ്​ നഖ്​വിയുടെ പ്രതികരണം. വാക്​സിൻ കമ്പനികൾക്ക്​ വാക്​സിൻ വികസിപ്പിക്കാനായി ജനങ്ങളുടെ പണമാണ്​ നൽകിയത്​. അതേ കേന്ദ്ര സർക്കാർ ലോകത്തെ ഏറ്റവും കൂടിയ വിലക്ക് ഇന്ത്യയിലെ​ ജനങ്ങളെ കൊണ്ട്​ വാക്​സിൻ വാങ്ങിപ്പിക്കാൻ ശ്രമിക്കുകയാണ്​. -രാഹുൽ ഗാന്ധി ട്വീറ്റ്​ ചെയ്​തത്​ ഇങ്ങനെയായിരുന്നു.

എന്നാൽ, നഖ്​വി കേന്ദ്ര സർക്കാരിനെ പ്രതിരോധിച്ച്​ രംഗത്തെത്തി. നരേന്ദ്ര മോദിയുടെ നേതൃത്വത്തിലുള്ള ഞങ്ങളുടെ സർക്കാർ കഴിഞ്ഞ വർഷം കോവിഡ്​ വൈറസിനെതിരെ പൊരുതി പലതും നേടിയിട്ടുണ്ട്​. എങ്കിലും അതുകൊണ്ട്​ എല്ലാമായി എന്ന്​ ഞങ്ങൾ കരുതുന്നില്ല, കാരണം, ഇത്​ വലിയൊരു മഹാമാരിയാണ്​. രാത്രിയോ പകലോ എന്നില്ലാതെ, സാധാരണക്കാർക്ക്​ ആശ്വാസം പകരാനായി ഞങ്ങൾ പ്രവർത്തിച്ചുകൊണ്ടിരിക്കുകയാണ്​. നേരത്തെ വളരെ കുറച്ച്​ മാത്രം വെൻറിലേറ്ററുകളും മാസ്​കുകളുടെയും പി.പി.ഇ കിറ്റുകളുടെയും മരുന്നി​െൻറയും കുറവും നേരിട്ടിരുന്നു. ഇപ്പോൾ നമ്മൾ പലകാര്യങ്ങളിലും സ്വയം പര്യാപ്​തരാണ്​. ഒരുപാട്​ കാര്യങ്ങൾ ചെയ്യാനുണ്ട്​.. ഞങ്ങൾ ചെയ്യുന്നുമുണ്ട്​. -നഖ്​വി കൂട്ടിച്ചേർത്തു.