കശ്​മീരിൽനിന്ന്​ 7000 സൈനികരെ പിൻവലിക്കുന്നു

ന്യൂഡൽഹി: ജമ്മു-കശ്​മീരിൽനിന്ന്​ 7000 അർധ സൈനികരെ പിൻവലിക്ക​ാൻ ആഭ്യന്തര മന്ത്രാലയത്തി​​​െൻറ നിർദേശം. സി.ആർ.പി.എഫ്​, ബി.എസ്​.എഫ്​, ഐ.ടി.ബി.പി, സി.ഐ.എസ്​.എഫ്​, എസ്​.എസ്​.ബി എന്നിവയിൽനിന്നായി 72 കമ്പനി അർധസൈനികരെ അടിയന്തരമായി രാജ്യത്ത്​ മറ്റു കേന്ദ്രങ്ങളിൽ വിന്യസിക്കാനാണ്​ തീരുമാനം.

ജമ്മു-കശ്​മീരി​​​െൻറ പ്രത്യേക പദവി റദ്ദാക്കിയതിനു പിന്നാലെയാണ്​ കൂടുതൽ ജമ്മു-കശ്​മീരി​​ൽ വിന്യസിച്ചിരുന്നത്​.

സി.ആർ.പി.എഫിന്‍റെ 24 കമ്പനി, ബി.എസ്​.എഫ്, ഐ.ടി.ബി.പി, സി.ഐ.എസ്​.എഫ്​, എസ്​.എസ്​.ബി എന്നിവയുടെ 12 വീതം കമ്പനി സൈനികരെയാണ് പിൻവലിക്കുന്നത്.

ഈ മാസം ആദ്യം 20 കമ്പനി സൈനികരെ കശ്മീരിൽ നിന്ന് പിൻവലിച്ചിരുന്നു. 100ഓളം പേർ അടങ്ങുന്നതാണ് ഒരു കമ്പനി സൈന്യം.