രാഹുലി​െൻറ പൗരത്വപരാതി: വിവരങ്ങൾ നൽകാനാവില്ലെന്ന്​ ആഭ്യന്തരമന്ത്രാലയം

ന്യൂഡൽഹി: കോണ്‍ഗ്രസ് അധ്യക്ഷന്‍ രാഹുൽ ഗാന്ധിക്ക് വിദേശ പൗരത്വമുണ്ടെന്ന ആരോപണത്തെക്കുറിച്ച്​ വിവരങ്ങൾ വെളി പ്പെടുത്താൻ ആവില്ലെന്ന്​ ആഭ്യന്തര മന്ത്രാലയം. വിവരാവകാശ നിയമപ്രകാരം നൽകിയ അപേക്ഷയിലാണ്​ മന്ത്രാലയം ഇക്കാര് യം വ്യക്​തമാക്കിയത്​. അന്വേഷണത്തെ ബാധിക്കും, പൊതുജനതാൽപര്യമുള്ള വിഷയമല്ല, സ്വകാര്യകാര്യങ്ങൾ വെളിപ്പെടുത്ത രുതെന്ന നിയമപരിരക്ഷ എന്നിവ ചൂണ്ടിക്കാട്ടിയാണ്​ വിവരങ്ങൾ നൽകുന്നത്​ തടഞ്ഞത്​. ആഭ്യന്തര മന്ത്രാലയം രാഹ​ുലിന്​ നൽകിയ നോട്ടീസി​​െൻറയും അതിനുള്ള മറുപടിയുടെയും പകർപ്പ്​ നൽകണമെന്നായിരുന്നു ആവശ്യം.

രാഹുലി​​െൻറ പൗരത്വം സംബന്ധിച്ച ആക്ഷേപം അങ്ങേയറ്റം വിഡ്​ഢിത്തമാണെന്നാണ്​ കോൺഗ്രസ്​ ജനറൽ സെക്രട്ടറിയും രാഹുലി​​െൻറ സഹോദരിയുമായ പ്രിയങ്കയുടെ പ്രതികരണം. ‘‘ഇന്ത്യയിലാണ്​ രാഹുൽ ജനിച്ചത്​. ഇവിടെയാണ്​ വളർന്നത്​. ഇൗ രാജ്യ​ത്തെ ഒാരോ പൗരനും അക്കാര്യം അറിയാം​’’ -പ്രിയങ്ക പറഞ്ഞു.

ബ്രിട്ടീഷ് പൗരത്വം ആരോപിച്ച് ബി.ജെ.പിയുടെ രാജ്യസഭ എം.പി സുബ്രമണ്യന്‍ സ്വാമി കഴിഞ്ഞ ഏപ്രിലിൽ നല്‍കിയ പരാതിയില്‍ കേന്ദ്ര ആഭ്യന്തര മന്ത്രാലയം രാഹുല്‍ ഗാന്ധിയുടെ വിശദീകരണം തേടിയിരുന്നു. അതിനുപുറമെ യുനൈറ്റഡ് ഹിന്ദു ഫ്രണ്ട് സംഘടന സുപ്രീംകോടതിയെയും സമീപിച്ചിരുന്നു​. ഇംഗ്ലണ്ടില്‍ രജിസ്​റ്റര്‍ ചെയ്ത ബാക്കോപ്സ് കമ്പനിയുടെ ഡയറക്ടറും സെക്രട്ടറിയുമായിരുന്നു രാഹുല്‍ ഗാന്ധിയെന്ന് ഹരജിക്കാര്‍ വാദിച്ചു.

കമ്പനി രേഖകളില്‍ രാഹുലിനെ ബ്രിട്ടീഷ് പൗരന്‍ എന്നാണ് വിശേഷിപ്പിച്ചതെന്നും ഹരജിയിൽ ചൂണ്ടിക്കാട്ടി. ഏതെങ്കിലും വിദേശ കമ്പനിയുടെ രേഖകളിൽ ബ്രിട്ടീഷ് പൗരത്വമുണ്ടെന്ന് എഴുതി​െവച്ചാൽ രാഹുൽ ബ്രിട്ടീഷുകാരനാകുമോയെന്നാണ്​ അന്ന്​ ചീഫ് ജസ്​റ്റിസ് രഞ്ജന്‍ ഗൊഗോയ് ചോദിച്ചത്​. ഹരജിയിൽ കഴമ്പില്ലെന്ന് ചീഫ് ജസ്​റ്റിസ് രഞ്ജന്‍ ഗൊഗോയ് അധ്യക്ഷനായ ബെഞ്ച് വിലയിരുത്തി തള്ളുകയും ചെയ്​തു. രാഹുല്‍ ഗാന്ധിയെ തെരഞ്ഞെടുപ്പിൽ അയോഗ്യനാക്കണമെന്നും വോട്ടർ പട്ടികയിൽനിന്ന് പേര് നീക്കണമെന്നുമായിരുന്നു ഹരജിക്കാരുടെ ആവശ്യങ്ങൾ.