വരുന്നൂ, രണ്ടാമത് 'മെയ്​ഡ്​ ഇൻ ഇന്ത്യ' വാക്​സിൻ; 30 കോടി ഡോസ് ഇപ്പോഴേ​ ബുക്ക്​ ചെയ്​ത്​ കേ​ന്ദ്രം

ന്യൂഡൽഹി: രാജ്യത്ത്​ രണ്ടാമത്തെ മെയ്​ഡ്​ ഇൻ ഇന്ത്യ വാക്​സിനെത്തുന്നു. ഹൈദരാബാദ്​ കേന്ദ്രമാക്കി പ്രവർത്തിക്കുന്ന ബയോളജിക്കൽ ഇ എന്ന കമ്പനിയുടെ കോവിഡ്​ വാക്​സിനാണ്​ വിതരണത്തിനെത്തുന്നത്​. വാക്​സിന്‍റെ 30 കോടി ഡോസ്​ കേന്ദ്രസർക്കാർ ബുക്ക്​ ചെയ്​തു. ഇതിനായി 1500 കോടി രൂപ സർക്കാർ കമ്പനിക്ക്​ കൈമാറിയെന്നാണ്​ റിപ്പോർട്ട്​. ഭാരത്​ ബയോടെകിന്‍റെ കോവാക്​സിന്​ ശേഷം പൂർണമായും ഇന്ത്യയിൽ വികസിപ്പിച്ചെടുത്ത വാക്​സിനാണിത്​.

Securing health & wellbeing of our citizens!

GoI has finalised agreement with @biological_e for 30 cr doses of its #COVID19Vaccine candidate, undergoing phase 3 clinical trial.

₹1500 cr would be paid in advance for stockpiling of doses between Aug-Dechttps://t.co/ozlNQyINUr

— Dr Harsh Vardhan (@drharshvardhan) June 3, 2021

ആഗസ്​റ്റ്​ മുതൽ ഡിസംബർ വരെയുള്ള കാലയവളിൽ കമ്പനി വാക്​സിൻ നിർമിച്ച്​ കേ​ന്ദ്രസർക്കാറിന്​ കൈമാറുമെന്നാണ്​ റിപ്പോർട്ട്​. അടുത്ത ഏതാനം മാസങ്ങൾക്കുള്ളിൽ വാക്​സിൻ ലഭിക്കുമെന്നാണ്​ പ്രതീക്ഷയെന്ന്​ കേ​ന്ദ്രസർക്കാർ പ്രതിനിധിയും അറിയിച്ചു. വാക്​സിൻ നയത്തിൽ വലിയ വിമർശനങ്ങൾ ഉയരുന്നതിനിടെയാണ്​ കേന്ദ്രസർക്കാറിന്‍റെ പുതിയ നീക്കം.

നിലവിൽ മൂന്ന്​ വാക്​സിനുകൾക്കാണ്​ കേ​ന്ദ്രസർക്കാർ അനുമതി നൽകിയിരിക്കുന്നത്​. സിറം ഇൻസ്​റ്റിറ്റ്യൂട്ടിന്‍റെ കോവിഷീൽഡ്,​ ഭാരത്​ ബയോടെകിന്‍റെ കോവാക്​സിൻ, റഷ്യൻ വാക്​സിനായ സ്​പുട്​നിക്​ എന്നി വാക്​സിനുകളാണ്​ ഇന്ത്യയിൽ വിതരണം ചെയ്യുന്നത്​. ഫൈസർ ഉൾപ്പടെയുള്ള വിദേശ വാക്​സിൻ നിർമാതാക്കളും കേന്ദ്രസർക്കാറിനെ സമീപിച്ചിട്ടുണ്ട്​.