ഡൽഹിയിൽനിന്ന്​  ചെന്നൈയിൽ പറന്നിറങ്ങി  50 പവനും 10 ലക്ഷവും  കവർന്നു

ചെ​ന്നൈ: സ്​​ത്രീ​ക​ളു​ടെ മാ​ല പ​റി​ക്കാ​ൻ ന്യൂ​ഡ​ല്‍ഹി​യി​ല്‍ നി​ന്ന് വി​മാ​ന​ത്തി​ൽ ചെ​ന്നൈ​യി​ലെ​ത്തി​യ നാ​ലം​ഗ​സം​ഘം കൈ​പ്പി​ടി​യി​ലൊ​തു​ക്കി​യ​ത്​ 50പ​വ​നും പ​ത്ത്​ ല​ക്ഷം രൂ​പ​യും. ഒ​റ്റ ദി​വ​സം കൊ​ണ്ട്​ പ​ത്ത് സ്ത്രീ​ക​ളു​ടെ പ​ക്ക​ൽ നി​ന്ന്​ 50 പ​വ​ൻ മാ​ല പൊ​ട്ടി​ച്ച സം​ഘ​ത്തി​ലെ ര​ണ്ടു​പേ​ർ പൊ​ലീ​സ്​ പി​ടി​യി​ലാ​യി. ഡ​ൽ​ഹി സ്വ​ദേ​ശി​ക​ളാ​യ സ​ഞ്ജ​യ്(32), സ​ന്ദീ​പ്(44) എ​ന്നി​വ​രാ​ണ്​ അ​റ​സ്​​റ്റി​ലാ​യ​ത്. ര​ണ്ടു​പേ​രി​ല്‍ നി​ന്ന്​ 50 പ​വ​നും പ​ത്ത് ല​ക്ഷം രൂ​പ​യും പി​ടി​ച്ചെ​ടു​ത്തു. മോ​ഷ​ണം​ന​ട​ന്ന പ്ര​ദേ​ശ​ങ്ങ​ളി​ലെ ര​ഹ​സ്യ​കാ​മ​റ ദൃ​ശ്യ​ങ്ങ​ളാ​ണ്​ ഇ​വ​രെ കു​ടു​ക്കി​യ​ത്. 

പ​ള്‍സ​ര്‍ ബൈ​ക്ക് ഉ​പ​യോ​ഗി​ച്ചാ​ണ് സം​ഘം സ്ത്രീ​ക​ളു​ടെ മാ​ല ത​ട്ടി​യെ​ടു​ത്തി​രു​ന്ന​ത്. ബൈ​ക്ക് ഉ​ട​മ​യാ​യി​രു​ന്ന ചെ​ന്നൈ മൈ​ലാ​പ്പൂ​ർ സ്വ​ദേ​ശി ര​ണ്ട് മാ​സം മു​മ്പ് വാ​ഹ​നം മ​റ്റൊ​രാ​ള്‍ക്ക് വി​റ്റി​രു​ന്നെ​ന്ന്​ പൊ​ലീ​സി​െ​ന അ​റി​യി​ച്ചു. അ​ന്വേ​ഷ​ണ​ത്തി​ല്‍ ചെ​ന്നൈ സെ​ന്‍ട്ര​ലി​ന് സ​മീ​പ​ത്തെ വാ​ള്‍ടാ​ക്‌​സ് റോ​ഡി​ലെ ഒ​രു ലോ​ഡ്ജി​ന് മു​ന്‍വ​ശ​ത്ത് ബൈ​ക്ക്  ക​ണ്ടെ​ത്തി. ഉ​ട​മ​സ്ഥ​രെ അ​റി​യാ​നാ​യി ​കാ​ത്തു​നി​ന്നാ​ണ്​ പൊ​ലീ​സ് മോ​ഷ്​​ടാ​ക്ക​ളെ പി​ടി​ച്ച​ത്. 

ലോ​ഡ്​​ജി​ൽ താ​മ​സി​ച്ച്​ ചെ​ന്നൈ കേ​​​ന്ദ്രീ​ക​രി​ച്ച്​ മാ​ല ത​ട്ടി​യെ​ടു​ക്ക​ല്‍ ഉ​ള്‍പ്പെ​ടെ നി​ര​വ​ധി കു​റ്റ​കൃ​ത്യ​ങ്ങ​ളി​ൽ ഇ​വ​ർ ഏ​ർ​പ്പെ​ട്ട​താ​യി പൊ​ലീ​സ്​ പ​റ​ഞ്ഞു. സം​ഘ​ത്തി​ലെ മ​റ്റ് ര​ണ്ടു​പേ​ർ​ക്കാ​യി ഉൗ​ർ​ജി​ത അ​ന്വേ​ഷ​ണം തു​ട​ങ്ങി.  ചെ​ന്നൈ​യി​ല്‍ നി​ന്ന് ക​വ​ര്‍ച്ച ന​ട​ത്തി​യ സ്വ​ര്‍ണാ​ഭ​ര​ണ​ങ്ങ​ള്‍ ന്യൂ​ഡ​ല്‍ഹി​യി​ലാ​ണ്​ വി​റ്റി​രു​ന്ന​ത്. വി​വി​ധ സ്ഥ​ല​ങ്ങ​ളി​ല്‍ നി​ന്നാ​യി 10 ല​ക്ഷം രൂ​പ​യും ക​വ​ർ​ന്നു. ചെ​ന്നൈ പു​ളി​യ​ന്തോ​പ്പ്, മൈ​ലാ​പ്പൂ​ര്‍, കി​ല്‍പ്പോ​ക്ക്, ടി.​ന​ഗ​ര്‍ പ്ര​ദേ​ശ​ങ്ങ​ളി​ല്‍ നി​ന്നാ​ണ് സ്ത്രീ​ക​ളു​ടെ മാ​ല ത​ട്ടി​യെ​ടു​ത്ത​ത്. സ്ത്രീ​ക​ളെ​യും പ്രാ​യ​മാ​യ​വ​രെ​യു​മാ​ണ് സം​ഘം ല​ക്ഷ്യ​മി​ട്ടി​രു​ന്ന​ത്.