അഭിപ്രായപ്രകടനം സർക്കാറിന്​ അവമതിപ്പുണ്ടാക്കി; കണ്ണൻ ഗോപിനാഥനെതിരെ കുറ്റപത്രം

ന്യൂഡൽഹി: കശ്​മീരിലെ മൗലികാവകാശ ലംഘനങ്ങളിൽ പ്രതിഷേധിച്ച്​ സിവിൽ സർവീസിൽ നിന്ന്​ രാജിവെച്ച മലയാളി ഐ.എ.എസ്​ ഉദ ്യോഗസ്ഥൻ കണ്ണൻ ഗോപിനാഥനെതിരെ കുറ്റപത്രം. കേന്ദ്ര ആഭ്യന്തര മന്ത്രാലയമാണ്​ കുറ്റപത്രം നൽകിയത്​. കുറ്റപത്രത് തിൻെറ പകർപ്പ്​ ഇ-മെയിൽ വഴി അദ്ദേഹത്തിന്​ അയച്ചുകൊടുക്കുകയായിരുന്നു. സർക്കാറിനെ അപകീർത്തിപ്പെടുത്തിയെന്ന്​ ആരോപിച്ചാണ്​ കുറ്റപത്രം നൽകിയത്​. കശ്​മീർ വിഷയത്തിൽ ഉൾപ്പടെ കണ്ണൻ ഗോപിനാഥൻ മാധ്യമങ്ങളിലൂടെ നടത്തിയ പ്രതിക രണങ്ങൾ സർക്കാറിനെ അപകീർത്തിപ്പെടുത്തിയതായി കുറ്റപത്രത്തിൽ ആരോപിക്കുന്നു.

കേരളത്തിൽ പ്രവർത്തിച്ചതിൻെറ റിപ്പോർട്ട്​ സമർപ്പിച്ചില്ല, പ്രധാനമന്ത്രി​യുടെ പുരസ്​കാരത്തിന്​ അപേക്ഷിച്ചില്ല, രാജി വെച്ച ശേഷം മാധ്യമങ്ങളിൽ നടത്തിയ അഭിപ്രായ പ്രകടനങ്ങൾ സർക്കാറിൻെറ പ്രതിച്ഛായക്ക്​ മങ്ങലേൽപ്പിച്ചു എന്നിവയൊക്കെയാണ്​ തനിക്കെതിരെ ഉന്നയിക്കുന്ന കുറ്റങ്ങളെന്ന്​ കണ്ണൻ ഗോപിനാഥൻ പറഞ്ഞു. പ്രധാനമന്ത്രിയുടെ പുരസ്​കാരത്തിന്​ അപേക്ഷിച്ച​ില്ലെന്ന്​ പറഞ്ഞ്​ ഒരു ഉദ്യോഗസ്ഥന്​ കുറ്റപത്രം നൽകുന്നത്​ ചരിത്രത്തിൽ ആദ്യമാവുമെന്നും അദ്ദേഹം കൂട്ടിച്ചേർത്തു.

90 ദിവസത്തിലേറെയായി കശ്​മീരിലെ തെരഞ്ഞെടുക്കപ്പെട്ട ജനപ്രതിനിതികളേയും മുൻ മുഖ്യമന്ത്രിമാരേയും എം.പിമാരേയും ആയിരക്കണക്കിന്​ യുവാക്കളേയും ഒരു കാര്യവുമില്ലാതെ തടങ്കലിലാക്കി വച്ചിരിക്കുകയാണ്​. ആശയവിനിമയ സംവിധാനങ്ങളൊന്നും പൂർണ തോതിൽ നടപ്പിലാക്കിയിട്ടില്ല. 70 ദിവസത്തിന്​ ശേഷം മാത്രമാണ്​ മൊബൈൽ സേവനം നടപ്പിലാക്കിയത്​. 254 ഹേബിയസ്​ കോർപ്പസ്​ പരാതികളാണ്​ ജമ്മുകശ്​മീർ ഹൈകോടതിയിൽ ലിസ്​റ്റ്​ ചെയ്യാതെ കിടക്കുന്നത്​. ഇൗ പ്രവർത്തികളാണ്​ സർക്കാറിൻെറ പ്രതിച്ഛായക്ക്​ കോട്ടമേൽപ്പിച്ചതെന്നും അല്ലാതെ തൻെറ പ്രതികരണമ​െ​ല്ലന്നും കണ്ണൻ ഗോപിനാഥൻ പറഞ്ഞു.

ആരും തങ്ങൾക്കെതിരെ ശബ്​ദമുയർത്തി​ല്ലെന്നും എന്തും ചെയ്യാമെന്നുമുള്ള ധാരണയായിരുന്നു കേന്ദ്രത്തിനുണ്ടായിരുന്നത്​. രാജി കത്ത്​ നൽകിയ ശേഷമാണ്​ താൻ സർക്കാറി​െനതിരെ പ്രതികരിച്ചത്​. തൻെറ രാജി അംഗീകരിക്കുകയായിരുന്നെങ്കിൽ ഒരു പൗരൻ എന്ന നിലയിൽ പ്രതികരിക്കുവാനുള്ള എല്ലാ അവകാശങ്ങളും ഉണ്ടാകുമായിരുന്നു. അതിനു പകരം ഇത്തരത്തിലുള്ള നടപടികളാണ്​ സർക്കാറിന്​ താത്​പര്യമെങ്കിൽ അങ്ങനെ ആവ​ട്ടേയെന്നും അദ്ദേഹം വ്യക്തമാക്കി.