ശ്രീനഗറിൽ തമിഴ്​ വിനോദസഞ്ചാരി കൊല്ലപ്പെട്ടു

ശ്രീനഗർ: സുരക്ഷാസേനയും നാട്ടുകാരും തമ്മിലുള്ള സംഘർഷത്തിനിടെ കല്ലേറിൽ ഗുരുതരമായി പരിക്കേറ്റ​ തമിഴ്​ വിനോദസഞ്ചാരി മരിച്ചു. ചെന്നൈ സ്വദേശി തിരുമണി(22)ആണ്​ തിങ്കളാഴ്​ച മരിച്ചത്​. ശ്രീനഗറിനടുത്ത്​ നർബൽ മേഖലയിൽവെച്ച്​ തലക്ക്​ കല്ലേറിൽ പരിക്കേൽക്കുകയായിരുന്നു. സൗരയിലെ കിംസ്​ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല.