സേനയുടെ ഭാഗമായി ട്രാൻസ്ജെൻഡറുകളും; ചരിത്രം കുറിച്ച് ഛത്തീസ്ഗഡ് പൊലീസ്
text_fieldsറായ്പുർ: ഛത്തീസ്ഗഡ് പൊലീസ് സേനയുടെ ഭാഗമായി ട്രാൻസ്ജെൻഡറുകളും. 13 കോൺസ്റ്റബ്ൾമാരെയാണ് ആദ്യമായി പൊലീസിൽ നിയമിച്ചത്. രണ്ടുപേർ സാധ്യത പട്ടികയിലുമുണ്ട്. ട്രാൻസ്ജെൻഡർ വ്യക്തികളോടുള്ള സമൂഹത്തിന്റെ സമീപനം മാറുന്നതിനാണ് ഈ ചരിത്ര നീക്കമെന്ന് സർക്കാർ അറിയിച്ചു.
മെറിറ്റ് അടിസ്ഥാനത്തിലാണ് നിയമനം. 13 പേർക്ക് നിലവിൽ നിയമനം നൽകി. രണ്ടുപേർ സാധ്യത പട്ടികയിൽ ഉൾപ്പെട്ടിട്ടുണ്ടെന്നും ഛത്തീസ്ഗഡ് ഡി.ജി.പി ഡി.എം. അവാസ്തി പി.ടി.ഐയോട് പറഞ്ഞു.
13 പേരിൽ എട്ടുപേർ റായ്പുർ സ്വദേശികളും രണ്ടുപേർ രാജ്നന്ദഗോൺ സ്വദേശികളും ബിലാസ്പുർ, കോർബ, സുർഗുജ സ്വദേശികളായ ഓരോരുത്തരുമാണ്. 2017-18 കാലഘട്ടത്തിലായിരുന്നു പരീക്ഷ. മാർച്ച് ഒന്നിന് പരീക്ഷ ഫലം പ്രഖ്യാപിച്ചു.
എല്ലാവരെയും െപാലീസ് സേനയിലേക്ക് സ്വാഗതം ചെയ്യുന്നതായും ഭാവിയിൽ കൂടുതൽ ട്രാൻസ്ജെൻഡർ വ്യക്തിത്വങ്ങൾ പൊലീസ് സേനയുടെ ഭാഗമാകുമെന്ന് പ്രതീക്ഷിക്കുന്നതായും അവാസ്തി കൂട്ടിച്ചേർത്തു.
പൊലീസ് സേനയുടെ ഭാഗമാകാൻ സാധിച്ചതിൽ സേന്താഷമുണ്ടെന്നും ട്രാൻസ്ജെൻഡർ വ്യക്തിത്വങ്ങളോടുള്ള സമൂഹത്തിന്റെ തെറ്റിദ്ധാരണ മാറുന്നതിന് ഈ നീക്കം ഉപകരിക്കുമെന്നും കോൺസ്റ്റബ്ളായി നിയമനം ലഭിച്ച ശിവന്യ (രാജേഷ് പേട്ടൽ) പറഞ്ഞു. ചെറുപ്പം മുതൽ കഷ്ടപ്പാടുകളും ചൂഷണവും നേരിട്ടവരാണ് നിയമനം ലഭിച്ചവരിൽ ഭൂരിഭാഗവും. പൊലീസ് സേനയുടെ ഭാഗമാകുന്നതിന് മുമ്പ് ഭീഷണിപ്പെടുത്തൽ, ഉപദ്രവം, ചൂഷണം തുടങ്ങിയവ അനുഭവിച്ചതായുൃ ശിവന്യ പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.