‘ചില്ലർ’ പോലും ലോകസുന്ദരിയെന്ന്​ തരൂർ; വിമർശനത്തെ തുടർന്ന്​ ഖേദപ്രകടനം

ചണ്ഡീഗഡ്​: കേന്ദ്രസർക്കാറിനെ വിമർശിക്കാൻ ലോക സുന്ദരി മാനുഷി ചില്ലറി​​​​​​െൻറ പേരുപയോഗിച്ചതിൽ കോൺഗ്രസ്​ എം.പി ശരി തരൂരിനെതിരെ രൂക്ഷ വിമർശനം. ഹരിയാനയിലെ മുതിർന്ന മന്ത്രിമാരടക്കം വിവിധ രാഷ്​ട്രീയ കക്ഷികൾ വിമർശനവുമായി രംഗത്തെത്തി.കേന്ദ്ര സർക്കാരിന്‍റെ നോട്ട് അസാധുവാക്കല്‍ വിഷയത്തെ മാനുഷി ചില്ലറുടെ നേട്ടവുമായി ബന്ധപ്പെടുത്തി തരൂർ നടത്തിയ ട്വീറ്റിനെതിരെയാണ്​ വിമർശനം.

‘നോട്ട്​ അസാധുവാക്കൽ എത്രമാത്രം അബദ്ധമായിരുന്നു. ഇന്ത്യൻ പണം ലോകം കീഴടക്കുന്നത്​ ബി.ജെ.പി ഇപ്പോൾ തിരിച്ചറിയുന്നുണ്ടാകും. നമ്മുടെ ചില്ലർ പോലും ലോക സുന്ദരിയായി’ എന്നായിരുന്നു തരൂരി​​​​​​െൻറ ട്വീറ്റ്​. ഹിന്ദിയിൽ ചില്ലർ എന്നാൽ ചില്ലറ എന്നാണർഥം. ചില്ലറ പോലും ലോകസുന്ദരിയായി എന്ന്​ തമാശയായി ഉപയോഗിക്കുകയായിരുന്നു തരൂർ. എന്നാൽ പരാമർശം വൻ വിവാദമാകുകയായിരുന്നു. 

What a mistake to demonetise our currency! BJP should have realised that Indian cash dominates the globe: look, even our Chhillar has become Miss World!

— Shashi Tharoor (@ShashiTharoor) November 19, 2017

നിർദ്ദയവും വീണ്ടുവിചാരമില്ലാത്തതുമായ വാചകകസർത്താണ്​ കോൺഗ്രസ്​ എം.പിയുടെതെന്ന്​ ഹരിയാന വനിതാ ശിശുക്ഷേമമന്ത്രി കവിതാജെയിൻ വിമർശിച്ചു.  ഹരിയാനക്കാരിയായ മാനുഷി ചില്ലർ സംസ്​ഥാനത്തി​​​​​​െൻറ മാത്രമല്ല, രാജ്യത്തി​​​​​​െൻറ തന്നെ അഭിമാനമാണെന്നും അവർ പറഞ്ഞു. സ്വന്തം ചിന്തകൾ പങ്കുവെക്കാൻ കോൺഗ്രസ്​ എം.പി മറ്റുള്ളവരെ അവഹേളിക്കുകയാണെന്നും ജെയിൻ കൂട്ടിച്ചേർത്തു. 

ശശി തരൂരി​​​​​​െൻറത്​ അവഹേളനപരമായ പരാമർശമാണെന്നും മാപ്പുറപയണമെന്നും ഹരിയാന ധനകാര്യമന്ത്രി ക്യാപ്​റ്റൻ അഭിമന്യു അഭിപ്രായപ്പെട്ടു. രാജ്യത്തി​​​െൻറ അഭിമാനമായ മാനുഷി ചില്ലറെ അപമാനിച്ച ശശി തരൂരിനെ ദേശീയ വനിതാ കമീഷനും വിമർശിച്ചു. അതേസമയം, ട്വീറ്റ് വിവാദമായതോടെ ശശി തരൂർ ഖേദം പ്രകടിപ്പിച്ചു. താന്‍ തമാശ പറഞ്ഞതാണെന്നും ആരെയും വേദനിപ്പിക്കാന്‍ വേണ്ടി ചെയ്തതല്ലെന്നും തരൂര്‍ വ്യക്തമാക്കി.

Guess the pun IS the lowest form of humour, & the bilingual pun lower still! Apologies to the many who seem to have been righteously offended by a light-hearted tweet today. Certainly no offence was meant to a bright young girl whose answer i've separately praised. Please: Chill!

— Shashi Tharoor (@ShashiTharoor) November 19, 2017