'മുസ്‍ലിം സമുദായം പിന്നാക്കമോ? സാമ്പത്തിക സംവരണം സാധുവോ?' ചീ​ഫ് ജ​സ്റ്റി​സിന്റെ ബെ​ഞ്ച് തീ​രു​മാ​നി​ക്കും

ന്യൂ​ഡ​ൽ​ഹി: മു​സ്‍ലിം​ക​ളെ ഒ​രു സ​മു​ദാ​യ​മെ​ന്ന നി​ല​യി​ൽ സാ​മൂ​ഹി​ക​മാ​യും വി​ദ്യാ​ഭ്യാ​സ​പ​ര​മാ​യും പി​ന്നാ​ക്കം നി​ൽ​ക്കു​ന്ന​വ​രാ​യി ക​ണ​ക്കാ​ക്കാ​മോ എ​ന്ന കാ​ര്യം ചീ​ഫ് ജ​സ്റ്റി​സ് യു.​യു. ല​ളി​ത് അ​ധ്യ​ക്ഷ​നാ​യ അ​ഞ്ചം​ഗ ഭ​ര​ണ​ഘ​ട​ന ബെ​ഞ്ച് തീ​രു​മാ​നി​ക്കും.

2005ൽ ​ആ​ന്ധ്ര​പ്ര​ദേ​ശി​ൽ പി​ന്നാ​ക്ക സ​മു​ദാ​യ​മെ​ന്ന നി​ല​യി​ൽ മു​സ്‍ലിം​ക​ൾ​ക്ക് സം​വ​ര​ണം ന​ൽ​കി​യ​ത് റ​ദ്ദാ​ക്കാ​നു​ള്ള ഹ​ര​ജി​യി​ലാ​ണ് ഇ​ക്കാ​ര്യം തീ​ർ​പ്പാ​ക്കു​ക. ഇ​തോ​ടൊ​പ്പം സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന​വ​ർ​ക്ക് സം​വ​ര​ണ​ത്തി​ന് വ​ഴി​യൊ​രു​ക്കി കൊ​ണ്ടു​വ​ന്ന 103ാം ഭ​ര​ണ​ഘ​ട​ന ഭേ​ദ​ഗ​തി സാ​ധു​വാ​ണോ എ​ന്ന കാ​ര്യ​ത്തി​ലും തീ​ർ​പ്പു​ക​ല്പി​ക്കും.

സെ​പ്റ്റം​ബ​ർ ആ​റി​ന് ഇ​തു​മാ​യി ബ​ന്ധ​പ്പെ​ട്ട ഹ​ര​ജി​ക​ൾ വീ​ണ്ടും പ​രി​ഗ​ണി​ക്കു​മെ​ന്ന് വ്യ​ക്ത​മാ​ക്കി​യ ബെ​ഞ്ച് വാ​ദം പൂ​ർ​ത്തി​യാ​ക്കി വി​ധി പ​റ​യാ​നു​ള്ള സ​മ​യ​പ​രി​ധി​യും നി​ശ്ച​യി​ച്ചു. ഒ​രു സ​മു​ദാ​യ​മെ​ന്ന നി​ല​യി​ൽ മു​സ്‍ലിം​ക​ൾ സാ​മൂ​ഹി​ക​മാ​യും വി​ദ്യാ​ഭ്യാ​സ​പ​ര​മാ​യും പി​ന്നാ​ക്ക​മാ​ണെ​ന്ന് ഭ​ര​ണ​ഘ​ട​ന​യു​ടെ 15ഉം 16​ഉം അ​നുഛേ​ദ​ങ്ങ​ൾ പ്ര​കാ​രം നി​ശ്ച​യി​ക്കാ​ൻ പ​റ്റു​മോ എ​ന്ന​താ​ണ് ആ​ന്ധ്ര കേ​സി​ന്റെ മ​ർ​മം. പ​ര​സ്പ​രം ബ​ന്ധ​പ്പെ​ട്ടു കി​ട​ക്കു​ന്ന​താ​ണ് ര​ണ്ട് കേ​സു​ക​ളു​മെ​ന്നും സാ​മ്പ​ത്തി​ക സം​വ​ര​ണം ആ​ദ്യം കേ​ട്ട് തു​ട​ർ​ന്ന് മു​സ്‍ലിം സം​വ​ര​ണം കേ​ൾ​ക്കു​മെ​ന്നും ചീ​ഫ് ജ​സ്റ്റി​സ് ല​ളി​ത് വ്യ​ക്ത​മാ​ക്കി. ശ​ദാ​ൻ ഫ​റ​സ​ത്ത്, നി​ചി​കേ​ത ജോ​ഷി, മ​ഹ്ഫൂ​സ് ന​സ്കി, കാ​നു അ​ഗ​ർ​വാ​ൾ എ​ന്നി​വ​രെ കേ​സി​ൽ നോ​ഡ​ൽ അ​ഭി​ഭാ​ഷ​ക​രാ​യും ബെ​ഞ്ച് നി​യോ​ഗി​ച്ചു. ചീ​ഫ് ജ​സ്റ്റി​സി​നു പു​റ​മെ ജ​സ്റ്റി​സു​മാ​രാ​യ ദി​നേ​ശ് മ​ഹേ​ശ്വ​രി, എ​സ്. ര​വീ​ന്ദ്ര ഭ​ട്ട്, ബേ​ല എം. ​ത്രി​വേ​ദി, ജെ.​പി. പ​ർ​ദീ​വാ​ല എ​ന്നി​വ​രു​മു​ണ്ടാ​കും. ഗു​രു​ദ്വാ​ര പ്ര​ബ​ന്ധ​ക് ക​മ്മി​റ്റി​ക​ളി​ൽ സി​ഖ് സം​വ​ര​ണ​വും ഈ ​ബെ​ഞ്ച് പ​രി​ശോ​ധി​ക്കും. സു​പ്രീം​കോ​ട​തി​ക്ക് മേ​ഖ​ല ത​ല​ത്തി​ൽ ബെ​ഞ്ചു​ക​ളും അ​പ്പീ​ലി​നാ​യി പ്ര​ത്യേ​ക കോ​ട​തി​യും ആ​വ​ശ്യ​മു​ണ്ടോ എ​ന്ന കാ​ര്യ​മാ​ണ് ഇ​തേ ബെ​ഞ്ച് പ​രി​ശോ​ധി​ക്കു​ന്ന മ​റ്റൊ​രു വി​ഷ​യം.