ക​ർ​ണാ​ട​ക​യോ​ടു​ള്ള കേ​ന്ദ്ര​ത്തി​ന്‍റെ അ​നീ​തി തു​റ​ന്നു​കാ​ട്ടി മു​ഖ്യ​മ​ന്ത്രി

ബം​ഗ​ളൂ​രു: ക​ർ​ണാ​ട​ക സ​ർ​ക്കാ​റി​നോ​ടു​ള്ള കേ​ന്ദ്ര സ​ർ​ക്കാ​റി​ന്‍റെ അ​നീ​തി​ക്കെ​തി​രെ തു​റ​ന്ന​ടി​ച്ച് മു​ഖ്യ​മ​ന്ത്രി സി​ദ്ധ​രാ​മ​യ്യ. സം​സ്ഥാ​ന​ത്തി​ന് അ​വ​കാ​ശ​പ്പെ​ട്ട നി​കു​തി​പ്പ​ണം ത​രാ​തെ കേ​ന്ദ്രം പി​ടി​ച്ചു​വെ​ച്ചി​രി​ക്കു​ക​യാ​ണെ​ന്ന് സി​ദ്ധ​രാ​മ​യ്യ തി​ങ്ക​ളാ​ഴ്ച വി​ധാ​ൻ സൗ​ധ​യി​ൽ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ കു​റ്റ​പ്പെ​ടു​ത്തി.

നി​കു​തി​യി​ന​ത്തി​ൽ 100 രൂ​പ കേ​ന്ദ്ര സ​ർ​ക്കാ​റി​ന് പി​രി​ച്ചു​ന​ൽ​കു​മ്പോ​ൾ വെ​റും 13 രൂ​പ​യാ​ണ് തി​രി​ച്ച് സം​സ്ഥാ​ന സ​ർ​ക്കാ​റി​ന് കേ​ന്ദ്രം ന​ൽ​കു​ന്ന​ത്. ബി.​ജെ.​പി ഭ​രി​ക്കു​ന്ന കേ​ന്ദ്ര സ​ർ​ക്കാ​റി​നെ​തി​രെ ബു​ധ​നാ​ഴ്ച ഡ​ൽ​ഹി ജ​ന്ത​ർ മ​ന്ത​റി​ൽ കോ​ൺ​ഗ്ര​സ് ജ​ന​പ്ര​തി​നി​ധി​ക​ൾ പ്ര​തി​ഷേ​ധ​സ​മ​രം ന​ട​ത്തു​മെ​ന്ന് മു​ഖ്യ​മ​ന്ത്രി അ​റി​യി​ച്ചു.

രാ​വി​ലെ 11ന് ​പ്ര​തി​ഷേ​ധം ആ​രം​ഭി​ക്കും. ഈ ​പ്ര​തി​ഷേ​ധം ബി.​ജെ.​പി​ക്കെ​തി​രാ​യ സ​മ​ര​മ​ല്ലെ​ന്നും ക​ർ​ണാ​ട​ക സം​സ്ഥാ​ന​ത്തി​നു​വേ​ണ്ടി​യു​ള്ള സ​മ​ര​മാ​ണെ​ന്നും മു​ഖ്യ​മ​ന്ത്രി പ​റ​ഞ്ഞു. ഫ​ണ്ട് അ​നു​വ​ദി​ക്കു​ന്ന​ത് സം​ബ​ന്ധി​ച്ച കാ​ര്യ​ങ്ങ​ളി​ൽ കേ​ന്ദ്ര​സ​ർ​ക്കാ​റി​ന്‍റെ ശ്ര​ദ്ധ കൊ​ണ്ടു​വ​രു​ക​യാ​ണ് സ​മ​ര ല​ക്ഷ്യം. എ​ല്ലാ മ​ന്ത്രി​മാ​രും കോ​ൺ​ഗ്ര​സ് എം.​എ​ൽ.​എ​മാ​രും എം.​എ​ൽ.​സി​മാ​രും സ​മ​ര​ത്തി​ൽ പ​​ങ്കെ​ടു​ക്കും.

ധ​ന​കാ​ര്യ ക​മീ​ഷ​ൻ നി​ർ​ദേ​ശി​ച്ച പ്ര​ത്യേ​ക ഗ്രാ​ൻ​ഡ് ധ​ന​മ​ന്ത്രി നി​ർ​മ​ല സീ​താ​രാ​മ​ൻ അ​നു​വ​ദി​ക്കു​ന്നി​ല്ലെ​ന്ന് മു​ഖ്യ​മ​ന്ത്രി ചൂ​ണ്ടി​ക്കാ​ട്ടി. 15ാം ധ​ന​കാ​ര്യ ക​മീ​ഷ​ന്‍റെ ഇ​ട​ക്കാ​ല റി​പ്പോ​ർ​ട്ടി​ൽ ക​ർ​ണാ​ട​ക​ക്ക് 5495 കോ​ടി അ​നു​വ​ദി​ച്ചി​രു​ന്നു. എ​ന്നാ​ൽ അ​ന്തി​മ റി​പ്പോ​ർ​ട്ടി​ൽ ധ​ന​മ​ന്ത്രി അ​ത് ഒ​ഴി​വാ​ക്കി.

ഈ ​വി​ഷ​യം ഞാ​ൻ നി​യ​മ​സ​ഭ​യി​ൽ ഉ​യ​ർ​ത്തി​യി​രു​ന്നു. സം​സ്ഥാ​ന​ത്തി​ന്‍റെ വി​ഹി​തം ധ​ന​കാ​ര്യ ക​മീ​ഷ​ൻ 1.7 ശ​ത​മാ​നം കു​റ​ക്കു​ക​യും ചെ​യ്തു. 14ാം ധ​ന​കാ​ര്യ ക​മീ​ഷ​നി​ൽ 4.71 ശ​ത​മാ​നം ഫ​ണ്ടാ​ണ് ക​ർ​ണാ​ട​ക്ക് ല​ഭി​ച്ച​ത്. 15ാം ധ​ന​കാ​ര്യ ക​മീ​ഷ​നി​ൽ അ​ത് 3.64 ശ​ത​മാ​ന​മാ​ക്കി കു​റ​ച്ചു.

62,000 കോ​ടി​യു​ടെ ന​ഷ്ട​മാ​ണ് സം​സ്ഥാ​ന​ത്തി​നു​ണ്ടാ​യ​തെ​ന്നും സി​ദ്ധ​രാ​മ​യ്യ ചൂ​ണ്ടി​ക്കാ​ട്ടി. സം​സ്ഥാ​ന​ത്ത് ഭൂ​രി​ഭാ​ഗം താ​ലൂ​ക്കു​ക​ളും വ​ര​ൾ​ച്ച ബാ​ധി​ത മേ​ഖ​ല​യാ​യി പ്ര​ഖ്യാ​പി​ച്ചി​ട്ടും കേ​ന്ദ്രം ഫ​ണ്ട് അ​നു​വ​ദി​ച്ചി​ട്ടി​ല്ല. വി​ധാ​ൻ സൗ​ധ​യി​ൽ ന​ട​ന്ന വാ​ർ​ത്ത സ​മ്മേ​ള​ന​ത്തി​ൽ ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​റും പ​​ങ്കെ​ടു​ത്തു.