ലഡാക്കിനടുത്ത്​ വ്യോമതാവളം ചൈന വികസിപ്പിക്കുന്നു; യുദ്ധസജ്ജരാകാൻ ഷിയുടെ ആഹ്വാനം

ന്യൂഡൽഹി: ഇന്ത്യയുമായി അതിർത്തർക്കം രൂക്ഷമായ സാഹചര്യത്തിൽ ലഡാക്കിനു സമീപത്തെ വ്യോമതാവളം ചൈന വികസിപ്പിക്കുന്നതായി റിപ്പോർട്ട്​. ഇതി​​​െൻറ ഉപഗ്രഹദൃശ്യങ്ങൾ സഹിതം എൻ.ഡി.ടി.വിയാണ്​ റിപ്പോർട്ട്​ പുറത്തുവിട്ടത്​. 

മേയ്​ അഞ്ചിനും ആറിനും ഇന്ത്യ-ചൈനീസ്​ സൈന്യങ്ങൾ തമ്മിൽ ഏറ്റുമുട്ടിയ പാ​ങ്കോങ്​ തടാകത്തിൽ നിന്ന്​ 200 കി.മി അകലെയുള്ള വ്യോമതാവളത്തിലാണ്​ ചൈന വൻതോതിലുള്ള നിർമാണപ്രവർത്തനങ്ങൾ നടത്തുന്നത്​. ഇൻറലിജൻസ്​ വിദഗ്​ധരായ ഡിസ്​ട്രെഫയിൽ നിന്നാണ്​ രണ്ട്​ ഉപഗ്രഹചിത്രങ്ങൾ ലഭിച്ചത്​. ചിത്രങ്ങൾ എടുത്തിരിക്കുന്നത്​ ഏപ്രിൽ ആറിനും മേയ്​ 21നുമാണ്​. ടിബറ്റിലെ എൻഗാരി ഗുൻസ വിമാനത്താവളത്തി​​​െൻറതാണ്​ ചിത്രങ്ങൾ. ഇവിടെ ഹെലികോപ്​ടറുകളും യുദ്ധവിമാനങ്ങളും ഇറക്കുന്നതിനായി രണ്ടാം ടാക്​സി ട്രാക്ക്​ നിർമാണം ഉൾപ്പെടെ വൻതോതിലുള്ള പ്രവർത്തനങ്ങൾ നടക്കുന്നുണ്ട്​.

വിമാനത്താവളത്തി​​​െൻറ പ്രധാന റൺവേയുടെ ദൃശ്യമുള്ള മൂന്നാമത്തെ ചിത്രത്തിൽ ചൈനീസ്​ വ്യോമസേനയുടെ ജെ-11, ജെ-16 സീരീസിൽ പെട്ടതെന്നു കരുതുന്ന നാല്​ യുദ്ധവിമാനങ്ങളും കാണാം. റഷ്യൻ സുകോയ്​ 27 നിർമിക്കുന്ന ഈ വിമാനങ്ങൾ ഇന്ത്യൻ വ്യോമസേനയുടെ സുകോയ്​ 30 വിമാനങ്ങളുമായി കിടപിടിക്കുന്നതാണ്​. ലോകത്തിലെ ഏറ്റവും ഉയർന്ന പ്രദേശത്തുള്ള വ്യോമതാവളങ്ങളിലൊന്നാണ്​ എൻഗാരി ഗുൻസ വിമാനത്താവളം. ഇതി​​​െൻറ ലൊക്കേഷനും കൃത്യമായി ചിത്രത്തിൽ കാണാം.

ആയിരക്കണക്കിന്​ ചൈനീസ്​ സൈനികർ ലഡാക്കിലെ നിയന്ത്രണ രേഖയിലോ അതിനു സമീപമോ എത്തിയതായും റിപ്പോർട്ടുണ്ട്​. ഇരുരാജ്യങ്ങളും തമ്മിൽ അതിർത്തിയെ ചൊല്ലി സംഘർഷം നിലനിൽക്കുന്ന സാഹചര്യത്തിൽ സൈനിക ഉദ്യോഗസ്​ഥരുടെതടക്കം നിരവധി ഉന്നതതല കൂടിക്കാഴ്​ചകൾ നടന്നിരുന്നു.

ഡൽഹിയിൽ പ്രതിരോധമന്ത്രി രാജ്​നാഥ്​ സിങ്​ സൈനിക ഉദ്യോഗസ്​ഥരുമായും വ്യോമസേന മേധാവിയുമായും കൂടിക്കാഴ്​ച നടത്തി. കഴിഞ്ഞ ദിവസം ഇന്ത്യയിലുള്ള പൗരൻമാരെ നാട്ടിലെത്തിക്കാനും ചൈന ശ്രമം ശ്രമം തുടങ്ങിയിരുന്നു. 

യുദ്ധസജ്ജരാകാൻ സൈന്യത്തിന്​ ഷിയുടെ ആഹ്വാനം
സംഘർഷ സാധ്യതക്കു ആക്കം കൂട്ടി സൈന്യത്തോട്​ സുസജ്ജമായിരിക്കാൻ ചൈനീസ്​ പ്രസിഡൻറ്​ ഷിജിൻപിങ്​ നിർദേശം നൽകി. മോശപ്പെട്ട സാഹചര്യം മുന്നിൽകണ്ട്​ രാജ്യത്തി​​​െൻറ പരമാധികാരം സംരക്ഷിക്കണമെന്നും ചൈനീസ്​ പീപ്​ൾസ്​ ലിബറേഷൻ ആർമിക്ക്​ ഷിയു​െട ഉത്തരവുണ്ട്​. പീപ്​ൾസ്​ ലിബറേഷൻ ആർമി, പീപ്​ൾസ്​ ആംഷ്​ പൊലീസ്​ ​ഫോഴ്​സ്​ എന്നിവയുടെ പ്രതിനിധികളുമായി നടത്തിയ ചർച്ചയിലാണ്​ യുദ്ധസജ്ജരാകാൻ ഷിയുടെ ആഹ്വാനം.