അതിർത്തിയിൽ ഇന്ത്യയുടെ സൈനിക വിന്യാസത്തെ ചൈന മാനിക്കുന്നില്ല -രാജ്​നാഥ്​ സിങ്​

ന്യൂഡൽഹി: ലഡാക്ക്​ അതിർത്തിയിൽ ഇന്ത്യയുടെ സൈനിക വിന്യാസത്തെ ചൈന മാനിക്കുന്നില്ലെന്ന്​ കേന്ദ്ര പ്രതിരോധ മന്ത്രി രാജ്​നാഥ്​ സിങ്​. നിലവിലുള്ള സൈനിക വിന്യാസം ഭൂമിശാസ്​ത്രപരമായ ഘടന​​ അടിസ്ഥാനമാക്കി സ്ഥാപിച്ചതാ​ണെന്നും പ്രതിരോധ മന്ത്രി ലോക്​സഭയിൽ പറഞ്ഞു. ഇന്ത്യയുടെ പരാമാധികാരത്തെ സംരക്ഷിക്കാൻ ആവശ്യമായതെന്തും ചെയ്യാൻ തയാറാണെന്ന്​ മോസ്​കോയിൽ വെച്ച്​ ചൈനീസ്​ പ്രതിരോധ മന്ത്രിയെ അറിയിച്ചു.

മോസ്​കോയിൽ നടന്ന കൂടിക്കാഴ്​ചയിൽ അതിർത്തി പ്രശ്നം സമാധാനപരമായി പരിഹരിക്കാൻ ആഗ്രഹിക്കുന്നുവെന്നും അതിനായി ചൈന സഹകരിക്കണമെന്നും ആവശ്യപ്പെട്ടു. എന്നാൽ ഇന്ത്യയുടെ പരമാധികാരവും സമഗ്രതയും സംരക്ഷിക്കാൻ പരമാവധി ശ്രമിക്കുമെന്നും വ്യക്തമാക്കി. ഏതു സാഹചര്യത്തെയും നേരിടാൻ ഇന്ത്യൻ ​സേന തയാറാണ്​. ചൈന യാഥാർഥ നിയന്ത്രണ രേഖയിലും അതിർത്തിയിലും വൻ സൈനിക -ആയുധ സന്നാഹം ഒരുക്കിയിട്ടുണ്ട്​. പ്രശ്​ന മേഖലകളായ കിഴക്കൻ ലഡാക്, ഗോഗ്ര, കോങ്​ഗാ, പാങ്​ഗോങ്​ ​തടാകത്തി​െൻറ വടക്ക്​ പടിഞ്ഞാറൻ പ്രദേശം എന്നിവിടങ്ങളിൽ ഇന്ത്യ ശക്തമായ സൈനിക വിന്യാസം നടത്തിയിട്ടുണ്ടെന്നും രാജ്​നാഥ്​ സിങ്​ അറിയിച്ചു.

ഏകപക്ഷീയമായി അതിർത്തിയിലെ സ്ഥിതിഗതികൾ മാറ്റാനുള്ള ശ്രമങ്ങൾ ഉഭയകക്ഷി കരാറുകളുടെ ലംഘനമാണെന്ന് നയതന്ത്ര ചർച്ചകളിൽ ഇന്ത്യ ചൈനയെ അറിയിച്ചിട്ടുണ്ട്​. അതിർത്തിയിൽ സുതാര്യതയും സമാധാനവും പുലർത്താനാണ്​ ഉഭയകക്ഷി ചർച്ചകളിലൂടെ ഇരുരാജ്യങ്ങളും ധാരണയിലെത്തിയിട്ടുള്ളതെന്നും രാജ്​നാഥ്​ സിങ്​ പറഞ്ഞു.

ഇന്ത്യയുമായുള്ള എല്ലാ കരാറുകളും ലംഘിച്ചാണ്​ ചൈനീസ്​ സൈന്യം ഇന്ത്യൻ സേനക്ക്​ നേരെ ആക്രമണം നടത്തിയത്​. ഇന്ത്യൻ സേന ശക്തമായി പ്രതിരോധിക്കുകയും അതിർത്തി സംരക്ഷിക്കുകയും ചെയ്​തു. കോർപ്സ് കമാൻഡർ റാങ്കിലുള്ള ഉദ്യോഗസ്ഥർ ഇതിനകം അഞ്ച് തവണ കൂടിക്കാഴ്ച നടത്തിയിട്ടുണ്ട്. ഇരുരാജ്യങ്ങളിലെയും സൈനിക ഉദ്യോഗസ്ഥർ ഈ ആഴ്ച വീണ്ടും കൂടിക്കാഴ്ച നടത്തും. ആഗസ്​റ്റ്​ 29ന്​ അർധരാത്രി നടത്തിയ സുപ്രധാന നീക്കത്തിലൂടെ ഇന്ത്യൻ സൈന്യം പാങ്​ഗോങ്​ ​േഝായുടെ പടിഞ്ഞാറൻ തീരത്തിലൂടെ നീങ്ങി തർക്കമേഖലയിലെ പ്രധാന ഉയരങ്ങളിൽ നിലയുറപ്പിച്ചിരുന്നു. ഇതിന്​ ശേഷം സൈനിക തലത്തിലുള്ള ആദ്യ കൂടിക്കാഴ്​ചയാണ്​ നടക്കാൻ ​േപാകുന്നതെന്നും രാജ്​നാഥ്​ സിങ്​ അറിയിച്ചു.