അരുണാചലിൽ ഇന്ത്യ അതിർത്തി ലംഘിച്ചിരുന്നെന്ന്​​ ചൈന: നിഷേധിച്ച്​ ഇന്ത്യ

കിബിത്തു: അരുണാചൽ പ്രദേശിൽ ഇന്ത്യ അതിർത്തി നിയന്ത്രണ ​രേഖ ലംഘിച്ച്​ പട്രോളിങ്​ നടത്തിയിരുന്നുവെന്ന്​​ ​ൈചന. അരുണാചൽ പ്രദേശിലെ അസാഫിലയിൽ ചൈനയുടെ ​പ്രദേശത്ത്​ ഇന്ത്യൻ സൈന്യം പട്രോളിങ്​ നടത്തിയെന്നാണ്​ ചൈനയുടെ ആരോപണം. എന്നാൽ, അപ്പർ സുബാൻസിരി ​മേഖലയിൽ വരുന്ന ഇൗ പ്രദേശം ഇന്ത്യയുടേതാണെന്നും ഇവിടെ സ്​ഥിരമായി പട്രോളിങ്​ നടത്താറുള്ളതാണെന്നും ഇന്ത്യൻ സൈന്യം വ്യക്തമാക്കി. ഒൗദ്യോഗിക വൃത്തങ്ങളെ ഉദ്ധരിച്ച്​ വാർത്ത ഏജൻസിയാണ്​ ഇക്കാര്യം റിപ്പോർട്ട്​ ചെയ്​തത്​.

ഡിസംബർ 21,22, 23 തീയതികളിൽ അസാഫിലയിൽ ഇന്ത്യൻ സൈന്യം വലിയ രീതിയിൽ പട്രോളിങ്​ നടത്തിയിരുന്നുവെന്ന്​ കിബത്തുവിൽ നടന്ന ബോർഡർ പേഴ്​സണൽ മീറ്റിങ്ങിൽ ചൈന ആരോപിച്ചു. അസാഫിലയിൽ ഇന്ത്യൻ സൈനികരുടെ പട്രോളിങ്ങിൽ ചൈന പ്രതിഷേധമറിച്ചത്​ ആശ്ചര്യമായി തോന്നുന്നുവെന്നും അരുണാചലി​​​​​െൻറ ഭാഗമായ പ്രദേശമാണിതെന്നുമാണ്​ ഇന്ത്യയുടെ പ്രതികരണം. 

അതിർത്തി നിയന്ത്രണ രേഖ ലംഘിച്ചതുമായി ബന്ധപ്പെട്ട പരാതികൾ ഇരു രാജ്യങ്ങളും ബോർഡർ പേഴ്​സണൽ മീറ്റിങ്ങിൽ ഉന്നയിച്ചു. ഇന്ത്യൻ സൈന്യത്തിൽ നിന്നുമുണ്ടായ കടന്നുകയറ്റം അതിർത്തിയിൽ അസ്വാരസ്യങ്ങൾക്ക്​ കാരണമായിരുന്നുവെന്നും ചൈനയുടെ പീപ്പിൾസ്​ ലിബറേഷൻസ്​ ആർമി ആരോപിച്ചു. ചൈനയുടെ ടൂട്ടിങ്​ ഭാഗത്ത്​ റോഡ്​ നിർമാണം നടത്താനെത്തിച്ച ഉപകരണങ്ങൾ ഇന്ത്യൻ സൈനികൾ നശിപ്പിച്ചതായും പരാതിയുണ്ട്​. എന്നാൽ ലൈൻ ഒാഫ്​ ആക്​ച്ച്വൽ കൺട്രോൾ ലംഘിച്ച്​ പട്രോളിങ്​ നടത്തിയില്ലെന്ന്​ ഇന്ത്യൻ സൈന്യം വ്യക്തമാക്കി. 

അതിർത്തിയിൽ ചൈനയുടെ റോഡ്​ നിർമാണത്തെ ഇന്ത്യ എതിർത്തിരുന്നു. ദോക്​ലാമിൽ ചൈനീസ്​ കടന്നുകയറ്റത്തിനെതിരെയും ഇന്ത്യ ശക്തമായി രംഗത്തെത്തിയിരുന്നു. 

അതിർത്തിയിലെ തർക്കമേഖലയിൽ ചൈന റോഡ്​ നിർമിക്കുന്നത്​ ഇന്ത്യൻ സൈന്യം തടഞ്ഞതിനെ തുടർന്ന്​ കഴിഞ്ഞ വർഷം ദോക്​ലാമിൽ ഇരു സൈന്യവും 73 ദിവസമാണ്​ യുദ്ധസമാന സാഹര്യത്തിൽ മുഖാമുഖം നിന്നത്​. കഴിഞ്ഞ ജൂൺ 16ന്​ തുടങ്ങിയ ഇൗ പ്രശ്​നം നിരവധി ചർച്ചകളെ തുടർന്ന്​ ആഗസ്​റ്റ്​ 28നാണ്​ അവസാനിച്ചത്​