കോയമ്പത്തൂരും ദിണ്ഡിഗലും ഇനിയില്ല പകരം ‘കോയംപുത്തൂരും തിണ്ടുക്കലും’; തമിഴ്നാട്ടിൽ 1018 സ്ഥലപ്പേരുകള് മാറ്റി
text_fieldsെചന്നൈ: തമിഴ്നാട്ടിൽ ആയിരത്തിലധികം നഗരങ്ങളുടെയും ഗ്രാമങ്ങളുടെയും പേരുകൾ മാറ്റി. 1018 സ്ഥലപ്പേരുകൾ ഇംഗ്ലീഷിൽനിന്ന് തമിഴ് ഉച്ചാരണത്തിലേക്ക് മാറ്റിയാണ് സർക്കാർ ഉത്തരവിട്ടത്. വിദഗ്ദ്ധ സമിതിയുടെ ശുപാര്ശയിലാണ് തീരുമാനം.
കോയമ്പത്തൂർ, വെല്ലൂർ പോലുള്ള പ്രധാന സ്ഥലങ്ങളുടെ പേരുകളിലും മാറ്റം വരുത്തി. കോയമ്പത്തൂരിനെ ഇനി ‘കോയംപുത്തൂർ’ എന്നായിരിക്കും വിളിക്കുക. അബംട്ടൂരിനെ ‘അംബത്തൂരാ’യും വെല്ലൂരിനെ ‘വേലൂർ’ എന്നാക്കിയും മാറ്റിയിട്ടുണ്ട്. ദിണ്ഡിഗൽ ഇനി ‘തിണ്ടുക്കൽ’ എന്നായിരിക്കും അറിയപ്പെടുക. പെരമ്പൂര്-പേരാമ്പൂര്, തൊണ്ടിയാര്പേട്ട്-തണ്ടിയാര്പേട്ടൈ, എഗ്മോര്-എഴുമ്പൂര് തുടങ്ങിയ സ്ഥല പേരുകളും മാറും.
രണ്ടുവർഷം മുമ്പ് നിയമസഭയിൽ പ്രഖ്യാപനത്തിലാണ് ഇംഗ്ലീഷ് ഉച്ചാരണം വരുന്ന പേരുകൾ തമിഴ് ഉച്ചാരണത്തിലേക്ക് മാറ്റുന്ന വിവരം അറിയിച്ചിരുന്നത്. കഴിഞ്ഞ ദിവസം പേരുമാറ്റം സംബന്ധിച്ച ഉത്തരവ് സർക്കാർ പുറത്തിറക്കുകയായിരുന്നു. പേരുമാറ്റം തദ്ദേശ സ്ഥാപനങ്ങള് വഴി ജില്ല കലക്ടര്മാര് തുടര്നടപടികള് സ്വീകരിക്കും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.