പൗരത്വ സമര നേതാക്കൾക്കെതിരായ ഡൽഹി കലാപ ഗൂഢാലോചന കേസ് വാദത്തിലേക്ക്

ന്യൂ​ഡ​ൽ​ഹി: പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​​രെ സ​മ​രം ന​യി​ച്ച വി​ദ്യാ​ർ​ഥി നേ​താ​ക്ക​ളെ​യും ആ​ക്ടി​വി​സ്റ്റു​ക​ളെ​യും പ്ര​തി​ക​ളാ​ക്കി കു​റ്റ​പ​ത്രം സ​മ​ർ​പ്പി​ച്ച ഡ​ൽ​ഹി ക​ലാ​പ ഗൂ​ഢാ​ലോ​ച​ന കേ​സി​ന്റെ വി​ചാ​ര​ണ ക​ർ​ക​ർ​ഡൂ​മ കോ​ട​തി​യി​ൽ സെ​പ്റ്റം​ബ​ർ11​ന് തു​ട​ങ്ങും. പൗ​ര​ത്വ സ​മ​രം ന​യി​ച്ച ഉ​മ​ർ ഖാ​ലി​ദ്, ആ​സി​ഫ് ഇ​ഖ്ബാ​ൽ ത​ൻ​ഹ, സ​ഫൂ​റ സ​ർ​ഗ​ർ, ശ​ർ​ജീ​ൽ ഇ​മാം, ഖാ​ലി​ദ് സൈ​ഫി, ഇ​ശ്റ​ത് ജ​ഹാ​ൻ, മീ​രാ​ൻ ഹൈ​ദ​ർ, താ​ഹി​ർ ഹു​സൈ​ൻ, ഗു​ൽ​ഫി​ഷ ഫാ​ത്വി​മ, ശി​ഫാ​ഉ​ർ​റ​ഹ്മാ​ൻ, ന​ടാ​ഷ ന​ർ​വ​ൽ എ​ന്നി​വ​ര​ട​ക്കം 20 പേ​ർ​ക്കെ​തി​രാ​ണ് വാ​ദം തു​ട​ങ്ങു​ക.

സെ​പ്റ്റം​ബ​ർ 11 മു​ത​ൽ ഒ​രു ദി​വ​സ​വും മു​ട​ങ്ങാ​തെ വി​ചാ​ര​ണ മു​ന്നോ​ട്ടു​കൊ​ണ്ടു​പോ​കു​മെ​ന്ന് അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി അ​മി​താ​ഭ് റാ​വ​ത്ത് വ്യ​ക്ത​മാ​ക്കി. പൗ​ര​ത്വ സ​മ​ര​ത്തി​നി​റ​ങ്ങി​യ വി​ദ്യാ​ർ​ഥി നേ​താ​ക്ക​ളും ആ​ക്ടി​വി​സ്റ്റു​ക​ളു​മ​ട​ങ്ങു​ന്ന സം​ഘം ന​ട​ത്തി​യ ഗൂ​ഢാ​ലോ​ച​ന​യു​ടെ ഫ​ല​മാ​ണ് 53 പേ​രു​ടെ മ​ര​ണ​ത്തി​ലും 700 പേ​രു​ടെ പ​രി​ക്കി​ലും ക​ലാ​ശി​ച്ച ഡ​ൽ​ഹി ക​ലാ​പം എ​ന്നാ​ണ് പൊ​ലീ​സ് കു​റ്റ​പ​ത്ര​ത്തി​ൽ ആ​രോ​പി​ക്കു​ന്ന​ത്. യു.​എ.​പി.​എ, ആ​യു​ധ നി​യ​മം, പൊ​തു​സ്വ​ത്തു ന​ശി​പ്പി​ക്ക​ലി​നെ​തി​രാ​യ നി​യ​മം എ​ന്നി​വ പ്ര​കാ​ര​മു​ള്ള കു​റ്റ​ങ്ങ​ളും ചു​മ​ത്തി​യി​ട്ടു​ണ്ട്.

രേ​ഖ പ​രി​ശോ​ധ​ന പൂ​ർ​ത്തി​യാ​ക്കി​യെ​ന്നും കേ​സ് അ​ടു​ത്ത​താ​യി പ​രി​ഗ​ണി​ക്കു​ന്ന ദി​വ​സം മു​ത​ൽ മു​ഴു​വ​ൻ പ്ര​തി​ക​ളും നേ​രി​ട്ട് ഹാ​ജ​രു​ണ്ടാ​ക​ണ​മെ​ന്നും ജ​ഡ്ജി നി​​ർ​ദേ​ശി​ച്ചു.