ആദ്യം രാജ്യത്തെ പ്രശ്​നങ്ങൾ പരിഹരിക്കൂ, എന്നിട്ട്​ പാക്​ ഹിന്ദുക്കളെ ശ്രദ്ധിക്കാം -കെജ്​രിവാൾ

ന്യൂഡൽഹി: സാമ്പത്തിക തകർച്ചയു​ം തൊഴിലില്ലായ്​മയും അടക്കമുള്ള ഇന്ത്യയിലെ പ്രശ്​നങ്ങൾ പരിഹരിക്കുന്നതിനാണ് ​ ​കേന്ദ്ര സർക്കാർ പ്രഥമ പരിഗണന നൽകേണ്ടതെന്നും പാക്​ ഹിന്ദുക്കളെ അതിനുശേഷം ശ്രദ്ധിക്കാമെന്നും ഡൽഹി മുഖ്യമന് ത്രി അരവിന്ദ്​ കെജ്​രിവാൾ.

പൗരത്വ നിയമം ഹിന്ദുക്കളെയും മുസ്​ലിംകളെയും ഒര​ുപോലെ മുറിപ്പെടുത്തുമെന്ന്​ അഭി​പ്രായപ്പെട്ട അദ്ദേഹം ഈ സമയത്ത്​ ഇത്തരമൊരു നിയമത്തിൻെറ ആവശ്യകത എന്താണെന്നും ചോദിച്ചു. ‘പൗരത്വം തെളിയിക്കാനുള്ള ആദ്യ പരീക്ഷണം മതമായി മാറുന്ന ഈ നിയമം ഈ സമയത്ത്​ എന്തിനാണ്​? രാജ്യത്തിൻെറ സമ്പദ്​വ്യവസ്​ഥ തകരാറിലാണ്​. വീടുകളില്ല, തൊഴിലുകളില്ല... നമ്മുടെ കുട്ടികൾക്ക്​... അപ്പോഴാണ്​ ഇവർ രണ്ട്​ കോടി പാകിസ്​താനി ഹിന്ദുക്കളെ സ്വീകരിക്കാനൊരുങ്ങുന്നത്​. പാക്​ ഹിന്ദുക്കളെ ഇത്ര സ്​നേഹിക്കുന്നവർക്ക്​ വിഷമം അനുഭവിക്കുന്ന ഇന്ത്യൻ ഹിന്ദുക്കളെ കുറിച്ച്​ എന്താണ്​ പറയാനുള്ളത്​? ആദ്യം രാജ്യത്തെ പ്രശ്​നങ്ങൾ പരിഹരിക്കൂ. അതിനുശേഷം നമുക്ക്​ എല്ലാവരെയും സ്വീകരിക്കാം’- എൻ.ഡി.ടി.വി സംഘടിപ്പിച്ച പരിപാടിയിൽ കെജ്​രിവാൾ തുറന്നടിച്ചു.

കേരളത്തിൻെറ മാതൃക പിന്തുടർന്ന്​ സി.എ.എക്കെതിരെ ​നിയമസഭ ​ചേർന്ന്​ പ്രമേയം പാസാക്കുമോയെന്ന ചോദ്യത്തിന്​ പാർലമ​െൻറാണ്​ ഈ നിയമത്തെ നിരാകരിക്കേണ്ടത്​ എന്നായിരുന്നു കെജ്​രിവാള​ിൻെറ മറുപടി. ‘നിയമസഭയിൽ ബിൽ പാസായോ പരാജയ​പ്പെ​ട്ടോ എന്നത്​ വിഷയമല്ല. രാജ്യം മുഴുവൻ ഈ നിയമത്തെ നിരാകരിക്കണം. പാർലമ​െൻറ്​ ഈ നിയമത്തെ നിരാകരിക്കണം. ഈ നിയമം ഹിന്ദുക്കളെയും മുസ്​ലിമുകളെയും ഒരുപോലെ മുറിവേൽപ്പിക്കും. ഇരുവിഭാഗങ്ങളും കുടിയിറക്കപ്പെടും.’ -അദ്ദേഹം പറഞ്ഞു.