അന്വേഷണ സമിതിക്ക്​ മുന്നിൽ ആരോപണങ്ങൾ നിഷേധിച്ച് രഞ്​ജൻ ഗോഗോയ്​

ന്യൂഡൽഹി: ലൈംഗിക പീഡന പരാതിയിൽ ചീഫ്​ ജസ്റ്റിസ്​ രഞ്​ജൻ ഗോഗോയ് സുപ്രീംകോടതി നിയോഗിച്ച​ ആഭ്യന്തര അന്വേഷണ സമിതിക്ക്​ മുന്നിൽ മൊഴി നൽകി. തനിക്കെതിരായ ആരോപണങ്ങളെല്ലാം അദ്ദേഹം മൊഴിയെടുപ്പിൽ നിഷേധിച്ചു.

മുൻ ജീവനക്കാരിയാണ്​ ചീഫ്​ ജസ്റ്റിസിനെതിരെ ലൈംഗിക പീഡന പരാതി നൽകിയത്​. ആഭ്യന്തര സമിതിയിൽ നിന്നും നീതി കിട്ടില്ലെന്ന്​ ആരോപിച്ച്​ ആഭ്യന്തര അന്വേഷണവുമായി സഹകരിക്കില്ലെന്ന്​ പരാതിക്കാരിയായ സ്ത്രീ ഇന്നലെ വ്യക്​തമാക്കിയിരുന്നു. ജസ്റ്റിസ് എസ്.എ. ബോബ്‌ഡെ അധ്യക്ഷനായ സമിതിയാണു പീഡനപരാതിയിൽ അന്വേഷണം നടത്തുന്നത്.