സ്വവർഗാനുരാഗിയെന്ന്​ ആരോപിച്ച്​ ഡൽഹിയിൽ വിദ്യാർഥിക്ക്​ മർദ്ദനം

ന്യൂഡൽഹി: സ്വവർഗാനുരാഗിയെന്ന്​ ആരോപിച്ച്​ ഡൽഹിയിൽ 12ാം ക്ലാസ്​ വിദ്യാർഥിക്ക്​ ക്രൂരമർദ്ദനം. ഡൽഹിയിലെ ഷർകപൂർ മേഖലയിലെ ഗണേഷ്​ നഗറിന്​ സമീപമാണ്​ സംഭവം. ഞായറാഴ്​ച പിതാവിനൊപ്പം ഗണേഷ്​ നഗറിലേക്ക്​ പോവുകയായിരുന്ന കുട്ടിയെ ബൈക്കിലെത്തിയ രണ്ടംഗ സംഘം സ്വവർഗാനുരായെന്ന് വിളിച്ചതിനെ തുടർന്ന് ഇരുവരും തമ്മിൽ വാക്കേറ്റമുണ്ടായി.  എന്നാൽ നാട്ടുകാർ ഇടപെട്ട്​ പ്രശ്​നം പരിഹരിച്ചു.

പിന്നീട് ബൈക്കിലെത്തിയ സംഘം  പിതാവിന്‍റെ  കടയിലെത്തി വിദ്യാർഥിയെ ക്രൂരമായി മർദിക്കുകയായിരുന്നു. വിദ്യാർഥിക്കും അച്​ഛനും ഒരു ബന്ധുവിനും മർദനമേറ്റു. കല്ലുകളും ബെൽറ്റും ഉപയോഗിച്ചായിരുന്നു മർദ്ദനം. പൊലീസ്​ കേസ്​ രജിസ്​റ്റർ ചെയ്​ത്​ അന്വേഷണം ആരംഭിച്ചു. പ്രതികൾ ഒളിവിലാണെന്നാണ്​ സൂചന.