ഗുജറാത്തിൽ വിദ്യാർഥി സ്​കൂളിൽ കുത്തേറ്റുമരിച്ചു

വഡോദര: ഗുജറാത്തിലെ വഡോദരയിൽ ഒമ്പതാംതരം വിദ്യാർഥിയെ സ്​കൂളിലെ ശുചിമുറിയിൽ കൊല്ലപ്പെട്ട നിലയിൽ കണ്ടെത്തി. കത്തി കൊണ്ട്​ വയറിന്​ ആഴത്തിൽ കുത്തേറ്റ നിലയിലാണ്​ 14കാര​​​െൻറ മൃതദേഹം ക​ണ്ടെത്തിയത്​. നഗരത്തിലെ ബാരൻപൊര മേഖലയിൽ ‘ശ്രീ ഭാരതി വിദ്യാലയ’യിൽ വെള്ളിയാഴ്​ച ഉച്ചയോടെയാണ്​ സംഭവം.  

കൊലക്കുപയോഗിച്ച കത്തി അവിടെ നിന്നുതന്നെ കണ്ടെടുത്തു. മൃതദേഹം പോസ്​റ്റ്​മോർട്ടത്തിനായി ആശുപത്രിയിലേക്ക്​ മാറ്റി.  ​കൊല്ലപ്പെട്ട വിദ്യാർഥിയും ഇതേ സ്​കൂളിലെ പത്താം ക്ലാസ്​ വിദ്യാർഥിയും തമ്മിൽ തലേദിവസം തർക്കം നടന്നതായി പറയപ്പെടുന്നുണ്ട്​. ഇതാണ്​ കൊലയിലേക്ക്​ നയിച്ചതെന്നാണ്​ സൂചന. പ്രതിയെന്ന്​ സംശയിക്കുന്ന വിദ്യാർഥി ഒളിവിലാണ്​. കുറ്റവാളിക്കായി സ്​കൂൾ മുറ്റത്തെ സി.സി.ടി.വി ദൃശ്യങ്ങൾ പരിശോധിക്കുകയാണ്​ പൊലീസ്​. 

ഡൽഹിക്കടുത്ത്​ ഗുഡ്​ഗാവിലെ റയാൻ സ്​കൂളിൽ കഴിഞ്ഞവർഷം ഏഴു വയസ്സുകാരൻ കൊല്ലപ്പെട്ട സംഭവത്തി​​െൻറ നടുക്കം മാറും മു​േമ്പയാണ്​ വിദ്യാലയത്തിനകത്ത്​ വീണ്ടുമൊരു അറുകൊല. സ്​കൂളിലെ ശുചിമുറിയിൽ കഴ​ുത്ത്​ അറുത്തായിരുന്നു ഏഴു വയസ്സുകാര​ൻ കൊല ചെയ്യപ്പെട്ടത്​. സംഭവത്തിൽ ശക്​തമായ പ്രതിഷേധം ഉയരുകയും സ്​കൂളുകളിലെ സുരക്ഷിതത്വമില്ലായ്​മയിൽ ആശങ്ക ഉയരുകയും ചെയ്​തു.

സ്​കൂൾ ബസി​​െൻറ ഡ്രൈവറിൽനിന്നുള്ള ലൈംഗികപീഡനം ചെറുക്കാനുള്ള ശ്രമത്തി​നിടെ കുട്ടി കൊല്ലപ്പെടുകയായിരുന്നുവെന്നാണ്​​ കേസ്​ ആദ്യം അന്വേഷിച്ച പൊലീസ്​ കണ്ടെത്തിയത്​.  എന്നാൽ, കൊല നടത്തിയ അതേ സ്​കൂളിലെ വിദ്യാർഥിയായ 16കാരനെ​ സി.ബി.​െഎ കണ്ടെത്തി അറസ്​റ്റ്​ ചെയ്​തു.