പ്രകൃതി ദുരന്തങ്ങൾ 2020 ൽ 39 ലക്ഷത്തോളം പേരെ കുടി​യൊഴിപ്പിച്ചെന്ന്​ റിപ്പോർട്ട്​

ന്യൂഡൽഹി: 2020 ൽ ഇന്ത്യയിലുണ്ടായ പ്രകൃതി ദുരന്തങ്ങൾ ​ 39 ലക്ഷത്തോളം പേരെ കുടിയൊഴിപ്പിച്ചതായി റിപ്പോർട്ട്​. സെൻറർ ഫോർ സയൻസ് ആൻറ്​ എൻവയോൺമെൻറ്​ പുറത്തുവിട്ട സ്​റ്റേറ്റ്​ എൻവയോൺമെൻറ്​ റിപ്പോർട്ടിലാണ്​​ പ്രകൃതിക്ഷോഭം കുടിയൊഴിപ്പിച്ച മനുഷ്യരുടെ കണക്കുകൾ പറയുന്നത്​.

ജമ്മു കശ്​മീരിലെ ഹിമപാതങ്ങളും മണ്ണിടിച്ചിലും, തമിഴ്‌നാട്ടിലെ വെള്ളപ്പൊക്കം, ഉത്തരാഖണ്ഡിലെ ​േഗ്ലസ്യൽ തടാകം അപകടം, പുതുച്ചേരിയിലെ നിവർ ചുഴലിക്കാറ്റ്, കേരളത്തിലും തമിഴ്​നാട്ടിലും നാശം വിതച്ച ബ​ു​റേവി തുടങ്ങിയ പ്രകൃതി ദുരന്തങ്ങളാണ് ഏറ്റവും കൂടുതൽ മനുഷ്യരെ ബാധിച്ചത്​.

2008 നും 2020 നും ഇടയിൽ പ്രതിവർഷം ശരാശരി 3.73 ദശലക്ഷം ആളുകൾ കുടിയൊഴിപ്പിക്കപ്പെട്ടിരുന്നതായി റിപ്പോർട്ട്​ ചൂണ്ടിക്കാട്ടുന്നു. ഭൂരിഭാഗം പേരും മഴക്കാലത്തുണ്ടാകുന്ന വെള്ളപ്പൊക്കം അടക്കമുള്ള പ്രകൃതിക്ഷോഭത്തിലാണിരയാക്ക​പ്പെട്ടത്​.

ഭൂകമ്പം, സുനാമി, ചുഴലിക്കാറ്റ്, കൊടുങ്കാറ്റ്, വരൾച്ച എന്നിവയുൾപ്പെടെ മറ്റ് പ്രകൃതി ദുരന്തങ്ങൾ​ കുടിയൊഴിപ്പിക്കലിന്​ കാരണമാകുന്നുവെന്നും​ റിപ്പോർട്ട്​ പറയുന്നു.